Россиянинг Украинага босқинидан 7 ой ўтиб, 2022 йил 21 сентябрда Россия Федерациясида сафарбарлик эълон қилинди. Аннексия қилинган Қримда яшовчи қрим-татарларга чақирув қоғозлари кела бошлади. Уларнинг деярли барчаси Украина фуқаролари бўлиб, 2014 йилдан сўнг Қримда яшовчилар ихтиёрий-мажбурий тарзда Россия фуқароларига айлантирилганди. Қрим-татарларнинг аксарияти - ҳарбий ёшдаги эркаклар Қримни тарк этиш ва сафарбарликдан қочишни афзал кўрдилар. Ўз уйларини ташлаб кетишга мажбур бўлганларнинг кўпчилиги оила аъзоларини ҳам олиб кетишди. Қрим-татарларнинг ўзлари бу қочқинни 1944 йилдаги қрим-татарлар депортациясига қиёсан “ўз-ўзини депортация қилиш” деб аташган.
28 сен 2023
