Қызылорда қаласында оқушылар мектеп ішінде бұрыш баллонын шашып, 4 бала ауруханаға түсті 

БІЗДІҢ RU-vid АРНАҒА ТІРКЕЛІҢІЗ: / @informburo31kanal
---------------------------------------------
Қызылорда қаласында оқушылар мектеп ішінде бұрыш баллонын шашып, 4 бала ауруханаға түсті. Куәгерлердің айтуынша, жоғары сыныпта оқитын жеткіншектер баллонды әдейі балаларға қарата сепкен. Соның салдарынан ұл-қыздар есінен танып құлаған екен. Ал ата-аналар мектеп басшылығы бұл жайтты жасырып, бізге соңына дейін айтпады деп ашулы. Сондықтан кінәлі балалардың да, директордың да үстінен шағым түсірмек.
Оқиға қаладағы № 253 мектепте болған. Үзіліс кезінде екі оқушы әуелі сыныптағы қыздарға, содан соң дәлізде бұрыш баллонын шашты дейді балалар. Өткір иістен ұл-қыздардың көздері жасаурап, дем жетпей, тіпті кейбірі есінен танып құлаған. Ал төрт оқушының жағдайы қиындап кеткендіктен ұстаздары жедел жәрдем шақыруға мәжбүр болыпты.
ҚАРАҚАТ ӨМІРТАЕВА, 8-сынып оқушысы:
- Өзінің класына сепкен, сосын қыздар атып шыққан. Орыс тілі апай сұраған не болып жатыр деп. Оны айтпаған. Ана бұзық балалар барлық сыныпқа сөйтіп сеуіп шыққан. Сосын біреуі тұншығып, біреуі құсып, больницаға жатты. Бетіне сепкені рас енді. Айша бибі жүгіріп жатқанда бір бала бүйтіп сеуіп кетті.
АБАЙ НҰРЖАНҰЛЫ, тілші:
- Бұрыш баллонынан бірнеше оқушы уланып, ауруханаға түскен мектеп осы. Оқиға таңғы ауысымда болған. Содан кейін мектеп әкімшілігіндегілер білім ұясының ғимаратына бөтен адамдарды кіргізіп жатқан жоқ. Дегенмен қазір мектепте сабақ өтіп жатқаны байқалады.
Ал ата-аналар мектеп басшылығы бұл жағдайды жасырып қалуға тырысты деп отыр. Айтуларынша, төрт бала өздері ауырып қалды деп хабарласқан. Осылайша жауаптылар оқушылардың өміріне бей-жай қарады деп ашынады тұрғындар.
БАҚЫТ БЕКТІБАЙ, Қызылорда қаласының тұрғыны:
- Мен ақпаратты жедел жәрдемнің басшысынан естідім. Осындай мектепте баллон шашылған дегенді. Қазір мектеп басшылығынан да хабар жоқ. Әлі келген жоқ. Білім бөлімінің мамандары оқиғадан екі сағаттан кейін келіп тұр. Баланың жағдайын барып өздері көрген жоқ көзімен.
Емдеу мекемесінде жатқан екі оқушының жағдайы орташа ауыр дейді дәрігерлер. Ал мектептің басшылығы бар кінәні балалар мен ата-аналарға сілтей салды.
НҰРҒАНАТ АМАНТАЕВ, №253 мектеп директорының орынбасары:
- Мектепке пышақты немесе перцовканы мұғалімдер не болмаса мектеп әкімшілігі бермейді ғой. Бұл бәрімізге белгілі. Оны ата-ана да қарау керек қой. Бала қайда бара жатыр, сумкасында не бар деген сияқты. Егер де біз барып, алдын алу үшін балалардың сумкасын қарайтын болсақ, о кезде ата-аналардың көзқарасы тағы екі түрлі болады.
Ал ата-аналар құзырлы органдарға арызданбақ. Полиция департаментіндегілер бұған қатысты материалды жасөспірімдердің ісін қарайтын комиссияның қарауына жолдағандарын айтады.
-------------------------------------------
Теңдессіз жобамызға көз салыңыз: • Сөздің шыны керек: [жу...
Бишімбаев ісі - • Бишімбаев ісі
Су тасқыны бойынша барлық ақпарат - • Су тасқыны // Төтенше ...
Жұмбақ өлімдер - • Жұмбақ өлім
Біз барлық әлеуметтік желідеміз, тіркеліңіз:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/c...
TikTok - www.tiktok.com...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық