Бүркіт салу, саятшылық өнерді қазақтың қанына сіңген салт-дәстүр, тіпті ерекше құбылыс деп атауға болады. Бұл ескі мен бүгінді жалғайтын құдды бір алтын арқау секілді. Сол арқауды үзіп алмай6 жалғастырып келе жатқан осы жолды ұстанған, бекзат өнерді серік еткен жандар баршылық. Ұлтымыздың тарихын терең зерттеген зерттеушілердің айтуынша, құсбегілік өнер үш мың жылдың ар жағында бастауын алған екен. Құсты аңға салып, аңшылықты кәсіп етуден бөлек, мұны спорт деп те бағалауға әбден болатындай. Ал құсбегілік ең негізгісі ұлтты ұлт етіп, оның құндылығын арттыра түсетін ғажайып дәстүр екенін естен шығармаған абзал. Қазіргі таңда осынау атакәсіпке мемлекет те ерекше көңіл бөліп, ұлттық федерациясы өз қамқорлығына алып, түрлі фестивалдер ұйымдастырып жатыр. Осының арқасында еліміздің құсбегілік өнері ТМД елдерінің ішінде жоғарғы орынға көтерілді. Әлемдік деңгейде де мойындала бастады. Құсбегілікпен бала күнінен достасқан, бүгінде таза көшпенді өмір салтын ұстанған ерекше жанның бірі - Руслан Абыл. Алматы облысы, Қарасай ауданының, Ұлан ауылында тұратын құсбегімен арнайы барып сұхбаттасқан едік. Киіз үйде тұратын, бүркіт пен сұңқар баптап, арабтардың өзін ерекше қолөнерімен тәнті еткен жігіттің айтары көп
/ greatnomads
/ turulcentre
27 авг 2024