Ерлан Ақатаевтың Рамазанның соңғы түнінде айтылған дұғасы: Иа Аллаһ Тағалам, сен пәксің, мақтаулысың, сенің есімің берекелі, сенің даңқың жоғары, сенен өзге Тәңір жоқ. Пайғамбарымызға салауатыңды, сәлеміңді, рақым - берекелеріңді тілейміз. Иа Аллаһ Тағалам, рамазанның Раббысы, осы рамазандағы ең соңғы тақ түндерінің ең соңғы тақ түнінің қарсы алуында тұрмыз. Иа Раббымыз, біз саған өзіміздің мұқтаждығымызды, пақырлығымызды танытамыз. Иа Аллаһ Тағалам, осы түнде салиқалы құлдарыңа қандай жақсылықтар әзірлеген болсаң, сол жақсылықтарды бізге нәсіп ете гөр. Иа Раббымыз, осы түннің нұрын, берекесін, тура жолын, сондай ақ мына нәпсіні жеңу жемісін нәсіп ете гөр баршамызға. Иа Аллаһ Тағалам, барлық мақтаулар, алғыстар бір өзіңе ғана тән. Пайғамбарымыз (саллалаһу әлейһи уә сәлләм) өзіңнен тілегендей, иа Аллаһ Тағалам, сен молайтқан нәрсені ешкім тарылтпайды, сен тарылтқан нәрсені ешкім молайтылмайды біздерге. Иа Аллаһ Тағалам, сен адастырғанды ешкім тура жолға сала алмайды, сен тура жолға салғанды ешкім адастыра алмайды. Иа Аллаһ Тағалам, сен бергенді ешкім бөгей алмайды, сен бөгегенді ешкім бере алмайды. Иа Аллаһ Тағалам, сен жақындатқан нәрсені бізден ешкім алыстата алмайды, сен алыстатқан нәрсені ешкім жақындата алмайды. Иа Аллаһ Тағалам, бізге деген берекетіңді молайта гөр, иа Аллаһ Тағалам, рақымыңды, кеңшілігіңді, ризығыңды, молайта гөр. Иа Аллаһ Тағалам, Пайғамбарымыз (саллалаһу әлейһи уә сәлләм) өзіңнен тілегендей, біз сенен тұрақты бақыт сұраймыз, ешқашан жойылмайтын, ешқашан үзілмейтін. Иа Аллаһ Тағалам, қандайда бір қиын жағдайлар болған болса, сол жағдайларда біз сенен осы иманның тұрақтылығын сұраймыз, Иа Аллаһ Тағалам, қандайда бір қауіпті жағдайлар болса, сол қауіптерде біз сенен амандықты сұраймыз. Иа Аллаһ Тағалам, бізге қандайда бір нәрселер берген болсаң, алданудан сақта, берген нәрселеріңнің жамандығынан саған сыйынамыз, бермеген нәрселеріңнің де жамандығынан саған сыйынамыз. Иа Аллаһ Тағалам, сондай-ақ Пайғамбарымыз (саллалаһу әлейһи уә сәлләм) өзіңнен тілегендей, біздің жүрегімізге иманды сүйкімді қыла гөр, Иа Аллаһ Тағалам, оны біздің өміріміздің тақырыбы қыла гөр. Иа Аллаһ Тағалам, сондай ақ бізге мына күпірлікті , пасықтықты , бойұсынбайтын екіжүзділік мінездердің барлығын жеккөрінішті қыла гөр. Иа Аллаһ Тағалам, бізді саналы құлдардан қыла гөр, Иа Аллаһ Тағалам, бізді мұсылман күйде өмір сүргіз, мұсылман күйде ғана жанымызды ал, сондай ақ бізді өлімнен кейін, иа Раббымыз, салиқалылардың қатарына қоса гөр, әлгі хауыздың қасында қор болып айдалып кететіндердің қатарында емес. Иа Аллаһ Тағалам, қорланбаған, фитналарға ұшырамаған түрде тірілте гөр.
Иа Аллаһ Тағалам, сондай ақ мына дініңде елшілеріңді өтірікке шығарып, мына тура жолыңнан әрдайым тайдырып отыратын, осы дініңді әрдайым қисық қылып көрсеткісі келетіндер, Раббым, осы жолмен, осы дінмен, соғысқысы келетіндер, әлгі сахнаның артқы жағындағылардың барлығын өзің талқандай гөр, жоспарларын талқанда. Осы елдерге, мұсылман елдерге қасастық ойлағандардың барлықтарын өз елінің ішінде әлекке салып қойшы. Иа Аллаһ Тағалам, сен Хақ Тәңірімізсің, біздің Раббымыз, осы күнге дейін тура жолмен қай құлдарыңды жүргізіп, соларды жақсы көрген болсаң, бізді де солардың қатарына қосып, осы тура жолмен жүргізе гөр. Иа Аллаһ Тағалам, сондай-ақ, қай құлдарыңды дұрыс тұтқан болсаң, сол дұрыс тұтқан құлдарыңның қатарына бізді қосып достыта гөр. Иа Аллаһ Тағалам, қай құлдарыңа амандық нәсіп еткен болсаң, өлімнің кезінде, ақыретте, Раббымыз біздердіде солардың қатарына қосып, бізге де сол амандығыңды нәсіп ете гөр. Иа Аллаһ Тағалам, қайсы бір жерге бір шешім шығарған болсаң, сол шешімнің жаман қырынан бізді сақтай гөр, расында сен шешкеннен кейін, сенің үстіңнен ешкім шеше алмайды. Иа Аллаһ Тағалам, сен дос тұтқанды ешкім әлсірете алмайды. Раббым, сен қас тұтқанды ешкім көтере алмайды, сенің есімің берекелі, даңқың биік. Иа Раббымыз, біз сенен кешірім сұраймыз, лайықсыз болсақта, сенен Фирдаус жәннатын сұраймыз. Иа Раббымыз, күнәларымызды, күллі жамандықтарымызды мойындап, дозақ азабынан өзіңе сыйнамыз. Иа Аллаһ Тағалам, Пайғамбарымыз (саллалаһу әлейһи уә сәлләм) өзіңе айтқандай, сенің ашуыңнан, наразылығыңнан, сенің разылығыңа сыйынамыз. Иа Аллаһ Тағалам, сондай-ақ сенің азабыңнан, қаһарыңнан, сенің аман алып қалуыңа сыйынамыз, сондай-ақ сенен саған сыйынамыз. Иа Аллаһ Тағалам, қанша дәріптеулер, мақтаулар, құлшылықтар жасасақта, шыныменде сен өзіңді дәріптегендей біз сені дәріптей алмаймыз, сен бізді кешіре гөр. Пайғамбарымыз (саллалаһу әлейһи уә сәлләм) үйреткендей, сен кешірімдісің, сен кешірімді жақсы көресің, сен бәрімізді кешіре гөр. Раббәнәә әәтинә фид-дүния хасанатә, уа фил-аахирати хасанатә, уа қинәә ‘азәбән-нәр. Сондай-ақ, Раббымыз, Пайғамбарымыз (саллалаһу әлейһи уә сәлләм) өзіңнен тілегендей, иа Аллаһ Тағалам, бізбен саған қарсы келіп, күнә жасап қоюдың арасын әрдайым бөгеп тұратын, бізге өзіңнен қорқу қабілетін сыйлай гөрші. Иа Аллаһ Тағалам, бізге бойұсынудан соншалықты сыйлашы, сенің жәннатыңа жеткізетіндей. Раббымыз, мына дүниенің күллі қиындықтар бізге әлсіз болып көрінетіндей шәксіз сенім сыйлашы. Иа Аллаһ Тағалам, мына өзің бізге берген есту қабілеттеріміз, көру қабілеттеріміз, ой-қуатымыз, Раббымыз, осының бәрін тірі болғанға дейін сені риза болатын нәрселерді пайдалануымызды нәсіп етші. Раббымыз, ұрпақтарымызғада сондай нәрселерді мұрагер қылшы. Иа Аллаһ Тағалам, қайсы бір елдерде алынбай қалған кектеріміз болса, ол кектерімізді өзіңе тапсырдық, Раббымыз. Раббымыз, сондай ақ бізге қас қылғандарға бізге өзің жәрдем бере гөр. Иа Аллаһ Тағалам, мына қандай қиыншылықтар болса да, қиыншылықтарды біздің дінімзде жасай гөрмеші. Иа Раббымыз, мына үмбеттің шашылған түрін жинап берші. Иа Аллаһ Тағалам, әрбір елдегі ғалымдарын түзеп, сол ғалымдардың жүрегін өзіңе қаратшы. Иа Раббым, сенен басқа нәрсені, сен риза болған нәрседен басқаны оғалынбайтын? (оқымайтын), сондай өзіңе адал ғалымдардан қылшы. Иа Аллаһ Тағалам, солардың бүкіл әлемде дауыстарын біріктіре гөрші. Мына сап мұсылманның Пайғамбарымыздың (саллалаһу әлейһи уә сәлләм) үмбетінің сабын бекітіп, бір-біріне бауыр, сондай бір дос қылшы. Аллаһым, қай жерде жүрсе де біреулер, үшін жаны ауырып, дұға қылатындай дәрежеге жеткізші.
Иа Аллаһ Тағалам, сондай-ақ мына дүниені біздің түпкі мақсатымызға айналдырмашы, біздің күллі біліміміз жеткен нәрсемізді осы дүние болып қалмасыншы. Иа Аллаһ Тағалам, сондай-ақ Пайғамбарымыз (саллалаһу әлейһи уә сәлләм) тілегенендей, бізге рақым қылатын дұғаны сұлтан қыл, иа Раббымыз, кімді қойсаңда сен қоясың, тек қойған адамыңнын жүрегін өзіңе қаратшы. Раббым, жүректер сенің иелігіңде ғой, Аллаһым, өзінен гөрі елін ойлайтындай жүрек берші, тіпті отбасынан гөрі мына елдің қамын ойлайтын жүрек берші. Аллаһым, жүректерді өзгертуші сенсің, кімді қойсаңда, өзіңдігіңді қойшы, иа Раббым. Өзің риза болатын, өзіңнің дидарыңды іздейтін, ақыретті дүниеден жоғары қоятын, Раббым, мақсаты жәннат болған, өзіңнің разылығыңды көздеген адамадрды қойып, мына халықты да сондай басшыға және сол басшыны мына халыққа лайықты қылшы. Аллаһым, сондай-ақ мына өзің қалыптастырып жатқан еліміздегі мына кішкентай салиқалы қоғамды, Раббым, өзің үлкен нығметке жеткізе гөрші. Иа Раббым, баршамызды, ғалымдарымызды да, жөндеп берші, мына әйелдерімізді салиқалы салиқалылығын түбіндеп берші, мына біздердей ерлерді, Раббым, өзіңнің алдыңда жығылып тұрған ерлерді, өзіңе берілген ерлерден қылшы. Иа Аллаһ Тағала, осы дұғамызды, осы Рамазанның соңғы тақ түнінде, иа Раббым қабыл ала гөрші. Иа Аллаһ Тағалам, салиқалы тақуа құлдарыңнан қалай қабылдасаң, бізден солай қабылдашы. Раббымыз, күнәларымыздың кешірімізден бізге пердеңді жаппашы. Иа Аллаһ Тағалам, бізді өзің тәрқағында? сол кешегі өзің аяттарда баяндағандай, Раббым, озаттардың дәрежесіне қарай өзің көтере гөрші. Иа Аллаһ Тағалам, Пайғамбарымызға (саллалаһу әлейһи уә сәлләм) өзің уәде еткен сол үлкен биік орынды нәсіп етші, сондай-ақ оның қасында ертең шапағатыңа ие болатындай, хауыздың қасында оның қасынан айдалып кететіндей топтардан болуымыздан сақтай гөр, иа Раббымыз. Иа Аллаһ Тағалам, біз сенен Пайғамбарымыз (саллалаһу әлейһи уә сәлләм) үйреткендей, Фирдауыс сұраймыз, оған лайықсыз болсақта, сондай-ақ бізді дозақ азабынан сақтай гөр, оған лайықты болсақ та. Раббәнәә әәтинә фид-дүния хасанатә, уа фил-аахирати хасанатә, уа қинәә ‘азәбән-нәр.
