Созмони Афви Байнулмилал ё Amnesty International гузориши нави худро дар бораи вазъи ҳуқуқи одамон дар соли 2021 ба нашр расонд, ки 154 кишвари дунёро фаро мегирад. Дар гузориш аз ҳукумати аксар кишварҳо, аз ҷумла Тоҷикистон, дар пайванд ба бемории коронавирус, саркӯби озодии баёну мунтақидон, истифода аз шиканҷаву бадрафторӣ дар хонаву боздоштгоҳҳо ва масоили дигар ба шиддат танқид шудааст. Ҳомиёни ҳуқуқ мегӯянд, дар тӯли як соли гузашта аксари ҳукуматҳо аз пандемия барои саркӯби боз ҳам бештари ҳуқуқи инсон сӯиистифода карданд.
Нуктаҳои асосии бахши Тоҷикистони ин гузоришро инҷо меорем:
Ҳуқуқи одамон дар соли 2021 дар Тоҷикистон. Чӣ шуд?
Ҳукумати Тоҷикистон бо иддаои онки бемории COVID-19 аз байн рафтааст ва тавассути назорати қатъияш болои расонаҳо, чораҳои қаблан ҷоришудаи ҳифзи беҳдоштиро дар давраи пандемия халалдор кард.
Дастрасии ҷабрдидагони хушунати хонаводагӣ ба ҳуқуқу адолат ҳамоно мушкилии зиёд дорад.
Мавридҳои истифода аз шиканҷа ва муносибати дигари бераҳмона зиёд паҳн шудааст, вале иттилоъ дар ин замина ҳамоно кам аст.
Озодии баён бе ягон асос аз тарафи ҳукумат маҳдуд карда шудааст. Фаъолони мухолифин ва мунтақидони ҳукуматро бо иттиҳомҳои дорои ангезаҳои сиёсӣ боздошт ва ба муҳлатҳои дароз зиндонӣ карданд.
Задухӯрд дар марз ва паноҳҷӯён
18 сен 2024