Бөкен би ұзын өмір жасында үш некелі болған. Ең кіші әйелі Ақбикештің ақылдылығы, тапқырлығы туралы көп аңыз әңгімелер ел есінде сақталған. Өзінен көп кіші әйел өмірден өткен Бөкен би аруағына ұзақ жылдар құрмет еткен. Қара шаңырақ ретінде халыққа қызмет еткен. Қайтыс боларда балаларына/өзі Бөкеннен бала сүймеді/ айтып " бидің қасында жерлейтін жерін сұратқан. Ұрпағы көріп: атамның жан-жағвнда орын жоқ. Бас жағында ғана бір кісілік жер бар. Сіздің де елге ақылшы болған еңбегіңіз бар. Жұрт сол жерді лайық көріп жатыр" деп қолқалайды. Сонда Ақбикеш: Ерімнің алдынан тірісінде бір шығып көрген жоқпын. Өлгенде де не бетіммен оның төбесінде жатамын. Мені басқа бейітке қойыңдар. Тек сүйегімді қасынан алып өтіңдер. Менің де мәңгі мекеніме кеткенімді көкең біліп жатсын" деген екен.
Мен естіген деректер: Бөкен он екі ағайынды баланың кішісі екен. Басқа бауырлары төбелесіп/ күш сынасып/ жағаласып ойнап жатса Ол бала екбеттей жатып иегін алақанына тіреп бақылайды екен. Бауырларының үлкендер де, кішілері де жүгіріп келіп төрелік сұраса Бақылағаны бойынша шешімін айтады екен. Үлкені де, кішісі де риза болып тарасады екен. Әкесі: сен неге қосылып ойнамайсың? десе, Көпке төрелік айтар біреу керек емес пе дейді екен.