ӘСЕТ НАЙМАНБАЙҰЛЫНЫҢ "ІНЖУ-МАРЖАН" РЕСПУБЛИКАЛЫҚ ДӘСТҮРЛІ ӘНШІЛЕР БАЙҚАУЫ
22-23 қыркүйек күндері Үржар ауданында Әсет Найманбайұлының шығармалары бойынша "Інжу-маржан" атты республикалық дәстүрлі әншілер байқауы Абай облысы мәдениет, тілдерді дамыту және архив ісі басқармасы, Үржар ауданының әкімдігі және Үржар аудандық мәдениет және тілдерді дамыту бөлімінің ұйымдастыруымен өтті. Еліміздің Астана, Алматы, Өскемен, Семей, Талдықорған қалалары мен Павлодар, Ұлытау, Жетісу, Абай облыстарынан 19 дәстүрлі әнші қатысты.
Байқауға қатысушылар:
1. Абылайхан Бақыт- ШҚО, Өскемен қаласы
2. Айшырақұлы Ерқанат- Ұлытау облысы
3. Әбдіманап Жайнагүл- Алматы облысы
4. Бектас Ұлсая- Алматы қаласы
5. Дәуен Алғысбек- Талдықорған қаласы
6. Жаппар Абылай - Алматы қаласы
7. Жалын Құнанбай- Павлодар қаласы
8. Қахарман Сәбинұр- Жетісу облысы
9. Қыздарбекова Гүлназ- Павлодар қаласы
10. Қасымова Зинат- Астана қаласы
11. Марксов Бауыржан - Абай облысы, Үржар ауданы
12. Нұржан Мейірхан- Астана қаласы
13. Өмірғалы Мадияр- Алматы қаласы
14. Рахымбай Ермек- Алматы облысы
15. Саниязбекұлы Айдос- Абай облысы, Ақсуат ауданы
16. Серікхан Айбат- Астана қаласы
17. Смагулова Зәмзәгүл- Астана қаласы
18. Сатыбалды Мағжан- Алматы қаласы
19. Тәжиев Жасұлан-Абай облысы, Семей қаласы
Қазылар алқасының құрамына ҚР еңбек сіңірген қайраткері, дәстүрлі әнші, Темірбек Жүргенов атындағы Қазақ ұлттық өнер академиясының доценті, профессор, қазылар алқасының төрағасы Нұржан Жампеисов, ҚР еңбек сіңірген қайраткері, дәстүрлі әнші, Құрманғазы атындағы Қазақ ұлттық консерваториясының доценті Ардақ Исатаева, ҚР мәдениет қайраткері, «Ерен еңбегі үшін» медальінің иегері, Қазақ Ұлттық Өнер Университетінің Дәстүрлі ән кафедрасының доценті Толғанбай Сембаев, ҚР еңбек сіңірген қайраткері, танымал дәстүрлі әнші Ерлан Рысқали, ҚР «Мәдениет саласының үздігі", «Ерен еңбегі үшін» медалінің иегері, дәстүрлі әнші Берік Омаровтың болуы байқаудың деңгейін де, мәртебесін де арттыра түсті.
Құрметті қонақ ретінде Абай облысының мәдениет ардагерлері ҚР мәдениет қайраткері Адай Азаматов, ҚР мәдениет қайраткері, Үржар ауданының Құрметті азаматы, алаштанушы Құсмилия Нұрқасым, ҚР еңбек сіңірген әртісі, әнші Бақыт Үдербаева, Алатау дәстүрлі өнер театрының әртісі Нариман Абдрахманов, Әсет Найманбайұлы әдеби-мемориалдық музейінің меңгерушісі, Әсеттің немересі Ләззат Әсетова келді. Байқаудың ашылу салтанатында Абай облысының мәдениет, тілдерді дамыту және архив ісі басқармасы басшысының орынбасары Назира Тасболатқызы Идрисова және Үржар ауданы әкімінің орынбасары Біржан Қадырұлы Тұрлыбеков құттықтап, қатысушыларға сәттілік тіледі.
Салтанатты шара Үржар аудандық мәдениет үйінің өнерпаздарының қатысуымен дайындалған " Әсеттей сал ән салсаң..." театрландырылған қойылыммен басталды. Қойылымның режиссері - облыстық Абай атындағы қазақ музыкалы-драма театрының директоры Бауыржан Халықұлы, сценарийін жазған Жанат Андасова.
22 қыркүйек күні байқаудың 1-2 кезеңі болып, екінші кезеңге өткен 12 қатысушы жүлделі орынға додаға түсті.
29 сен 2023
