Бәріңізге ассалаумағаликум. Қарақалпақстанның толқуы, Мирзиёевтың қорқуы. Өзбек өз ағам қарақалпақтарға неге озбырлық жасады? Олар тыныш жатқан бүркіттің неге бір жерін шұқып үркітті? Алаңға шыққан азаматтарды атуға бұйрық берген кім? Митингіге қатысқандарды жазалау басталғаны рас па? Өзбек басшысы Мирзиёев не деп ақталды? Өте сұмдық ақпараттарды сізге білген дұрыс!
ҚАЙЫРЫМДЫЛЫҚ
Қазақстандағы қанды қаңтар оқиғасын көріп Өзбек басшысы Мирзиёев “Өзбекстанда Қазақстандағы қаңтар секілді жағдай қайталанбайды. Біз ел ішіндегі ахуалды толық бақылауда ұстап отырмыз” деп еді. Оның бұл сөзі жай ғана сөз болып қалды. Қарақалпаққа жасалып жатқан қиянат, атылған оқ, төгілген қан өзбек билігінің шынайы бет-бейнесін көрсетіп тастады. Бір нәрсе анық. Қарақалпақтар үй ішінен үй тігіп автономия құрамыз деп тулаған жоқ. Қарақалпақ республикасы деген әу бастан бар. Конституция бойынша олар кез-келген уақытта референдум өткізіп Өзбекстанның құрамынан шығып кете алады. Міне сол заңды өзгертейік, егемендігінен айырайық деп өзбек билігі бастама көтеріп еді. Қарақалпақ бауырлар атқа қонды. Неше мыңдаған адам алаңға шықты. «Азатлық» деп айғайлады.
ШУМ:
Бөріктінің намысы бір деген. Нөкіс жұртына жан-жақтан адамдар кеп қосылып өзбек билігінің қиянатына қатты қарсылық көрсетті. Билік қарап отырсын ба күштік құрылымдарды кіргізді. Сонда да халық табандап тұрып алды. Соңында полиция күш қолданды.
ШУМ:
Өз жерінде тұрып қан кешкен, қайран жұрт. Қайсар екен, батыл екен, ерлері ер екен. Ақыры Ташкенде жатқан Мирзиёевты орнынан тұрғызды. Нөкіске келтірді. Өзбек басшысы түк білмегенсіп «халық бұған назары деп неге маған телефон соғып айтпайсыңдар» деп ақталып әлек болды.
СНХ: Мирзиеев
“Өзінің ұлттық бейнесін таба алмаған ұлттардың басқа ұлттарға жем болатынын біліп қойғанымыз жөн" деп еді Ататүрік. 23 мың тайваньдық 1 жарым млрдтық қытайға дес бермей келеді. 140 млндық Ресей 44 млндық Украинаны ала алмай отыр. Бүгін 350 мың қарақалпақ 35 млн өзбекті тізе бүктіріп, дегенін істетті. Өзбек Президенті Конституцияны өзгеріссіз қалдыратынын мәлімдепті. Қарақалпақтар өзінің ұлттық бейнесін бүгін тапты. Және 3 күнде мықты азаматтық қоғам қалыптастырды. Ал мықты азаматтық қоғам - мықты елдің діңгегі! Оларды алаңға шығарған - жалған қиқу емес, жүрегін күйдіріп, жанын өртеген ұлттық намыс!
“Қазақтың әлеуметтік жағдайы қиын. Мемлекеттің тақыр кедейлігінен емес, жемқорлардың тойымсыз жемсауына түсіп кеткендіктен” деп еді нағыз батыр Шерхан атам… Біздің ұлттық намыс оянған күні, жемқорлар жемсауын босатар…деп жазды журналист Дина Елгезек.
Байқайсыздар ма пост кеңестік елдерде билікке наразылық танытқан немесе көшеге бір топ адам шығып бірнәрсені талап етсе болды «олардың артында сыртқы күштер тұр» деп ойбай салады. Өзбектерде сөйтті бұл жолы. Қарақалпақстандағы наразылық артында отқа май құйып тұрған адамдар болды дейді. Өзбек Президенті мәлімде жасап «Нүкіс қаласында бір топ адам жалған ұрандармен азаматтардың сеніміне ие болып, оларды адастырды, биліктің заңды талаптарына бағынбады, хаос тудырды және жергілікті мемлекеттік органдардың ғимараттарын басып алуға тырысты» деді. Ал митингіге шыққандарды жазалау басталып кеткен сияқты. Қолдарын қайырып ұстап алып кетіп жатқан видеолар тарап жатыр.
ШУМ:
Ешбір ұлтқа тәуелсіздік аспаннан салбырап түспейді. Оны уақыт тудырады. Кез келген ұлттың тәуелсіздікке ұмтылысының әр күнінде, әр сағатында қыршын кеткен бабаларының қаны мен маңдай тері жатыр. Қарақалпақ халқының да ғасырлардан күткені ТӘУЕЛСІЗДІК!. Елі, жері бар қарақалпақ халқы да дербес МЕМЛЕКЕТ болуға лайық. Біреудің көлекесінде жүруді қай ұлт қалайды? Біз қазақ халқы мұны жақсы түсінеміз, жүрегімізбен сезініп отырмыз деп жазды Нұрлыбай Қошаманұлы ағамыз өз парақшасында. Ары қарай былай дейді.
Жасыратыны жоқ қазіргі өзбек билігі жүргізіп отырған мәдени-рухани, демографиялық-нәсілдік саясатта, экономикалық өмірдің басқа салаларында да тек бір жақты үстемдік орнату байқалады. Қарақалпақ жағына қатты тоталитарлық тәртіп енгізілген. Өндірістің де негізі өзбек ұлтының шоғырланған бөлігінде. Барлық салада әлеуметтік-экономикалық проблема, аймақтық мәртебелік теңсіздік орныққан. Ішкі-сыртқы инвестициялар мен мемлекеттік кірістерден де Қарақалпақ жағы теңсіздік көруде. Мұны қарақалпақ ауылдары мен қалаларының инфрақұрылымынан, халқының жүдеу-жадау қарапайым тірлігінен көруге болады. Қарақалпақ халқы елінен үдере көшіп, өзге елдерге кетуде. Бір сөзбен айтқанда диктатор Мирзиёевтың «ақтабан шұбырындысына» ұшырауда. Сөйтіп, бұл жағдай ушыға келе бұқаралық белсенділікке ұласып, халықты көшелерге шығарды. Ол аз болғандай Конституциядан қарақалпақ халқының орнын, егемендік мәртебесін алып тастау қадамы отқа май құйя түсті. Бұған шыдамаған, әлеуметтік теңсіздіктен әбден титықтаған халық ашуы жанартаудай атылды.
Қарақалпақтың да қанында көк түріктің көк бөрі мінезі бар. Қашанғы бодан болады? Аңсағаны АЗАТТЫҚ, әлеуметтік, экономикалық теңдік.
3 июл 2022
