БІЗДІҢ RU-vid АРНАҒА ТІРКЕЛІҢІЗ: / @informburo31kanal
---------------------------------------------
Атырау облысында тасқын қаупі күшейіп барады. Арыны қатты қарғын су бөгеттерді бұзып, Махамбет ауданына жайылып жатыр. Тіпті, ауылдар арасындағы жолдар жабылып, жұрт қайықпен ғана қатынап жатыр. Қазір Жайық өзенінің деңгейі 9 метрге дейін жеткен. Мұнайлы өлкеде бөгет салу, халықты қауіпсіз жерге көшіру және суды теңізге бұру жұмыстары жалғасуда. Толығырақ аймақтағы ахуалды өңірдегі әріптесім айтып берсін.
---------------------------------------------
Теңдессіз жобамызға көз салыңыз: • Сөздің шыны керек: [жу...
Бишімбаев ісі - • Бишімбаев ісі
Су тасқыны бойынша барлық ақпарат - • Су тасқыны // Төтенше ...
Жұмбақ өлімдер - • Жұмбақ өлім
Бүгінгі шығарылымда:
Бұл Атырау облысы Махамбет ауылындағы қазіргі жағдай. Бүгінде Махамбет пен Сарытоғай ауылы арасындағы жол жабылып, қозғалыс қиындаған. Қазір екі елдімекенге тек қайықпен ғана қатынас бар. Ал аралда қалған Талдыкөл ауылынан ең алдымен әйелдер мен балалар қауіпсіз жерге көшірілген. Тұрғындар соңғы 50 жылда болмаған су ауылға бір-ақ күнде келді деп отыр.
ЖАНАРГҮЛ ҚҰМАРҒАЛИЕВА, ТАлдыкөл ауылының тұрғыны:
- Эвакуация жариялап, біз балалар бәрі қалада. Өзім де ауылға таңертең келіп, кешке кетіп сөйтіп жүрмін. Жолдасым үйге қарап қалды. Жұмысымыз тоқтады. Өзім балабақшада тәрбиеші болып істеймін. Үйдің қасында. Жұмыс та бәрі де тоқтады қазір.
Жайықтың суы 9 метрге дейін көтеріліп, жан-жаққа жайылып жатыр. Қауіпті аймақта Талдыкөл ауылымен бірге Сарайшық және Махамбет елдімекендері тұр. Құтқарушылар аурухана мен әлеуметтік маңызы бар нысанның қызметкерлеріне қазірден бастап ескерту жұмыстарын жүргізіп жатыр.
СЕРЖАН САНДЫБАЕВ, Махамбет аудандық ауруханасы директорының міндетін атқарушы:
- Эвакуация жасаған кезде Талдыкөлде 10 жүкті ана болатын. 5-еуі колледжге орналастырылды. 5-еуі өз еркімен туыстарына кетті. Ал Сарайшықта 20 жүкті ана бар. 5-еуі өз еркімен басқа аудандарға, қалаларға кетті. Сондай-ақ Сарайшық пен Бейбарыста төсек тартып жатқан адамдар бар. Егер эвакуация болса оларды аудандық ауруханаға жатқызамыз.
Тек Махамбет ауданында 80 шақырым бөгет жасалған. Оның биіктігі 3 метрден басталып, кей жерлерде 7 метрге дейін жетеді дейді мамандар. Қазір суды сай-салаға құйып, Каспий теңізіне бұру жұмыстары жалғасып жатыр.
ҚАЙРАТ НҰРЛЫБАЕВ, Махамбет ауданының әкімі:
- Әлі біздің аудан бойынша шарықтау шегіне жеткен жоқ. Әлі де суды каналдарға жіберу, алдын ұстайтын бөгеттерді алып тастау, Каспий теңізіне қарай бағыттау жұмыстары жүргізілуде. Бұрынғы жыралар, сайлар осыларды пайдаланып жатырмыз.
Қатты екпінмен ағып келе жатқан су Атырау қаласына да жақындады. Демалыс күндері облыс орталығында су деңгейі едәуір көтеріледі деп болжам бар. Ал, Құлсары қаласында су басқан үйлерді тексеру жұмыстары жүргізіліп жатыр. Қазір тасқыннан зардап шеккен 200-ден астам баспананың залалы есептеліп, қорытындысы шыққан. Бағалау нәтижесімен танысқан тұрғындар екі күннен кейін өтемақы алу үшін аудан әкімдігіне жүгіне алады.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық
16 май 2024
