Այսօր՝ հունիսի 4-ին, Արագածոտնի մարզի Արագած գյուղի մշակույթի տանը տեղի ունեցավ վերջին զանգի միջոցառումը: Գաղտնիք չէ, որ Արագած գյուղն իր հերոսներն է տվել նաև Արցախյան առաջին, Ապրիլյան քառօրյա և Արցախյան 44-օրյա պատերազմներին: Գյուղում արդեն սրբավայր է դարձել «Հայրենյաց նահատակներ» հուշակոթող-խաչքարը: Այսօր՝ միջոցառումից առաջ, Արագածի թիվ 2 միջնակարգ դպրոցի 12-րդ դասարանի 16 սաները՝ իրենց դասղեկի գլխավորությամբ, հարգանքի տուրք մատուցեցին 44-օրյա պատերազմում նահատակված, լեգենդ դարձած հերոս համագյուղացիների հիշատակին տեղադրված հուշակոթող-խաչքարին, ծաղիկներ խոնարհեցին Հադրութի հրամանատար Հայկ Կիրակոսյանի, զինվորներ Սևակ Ալեքսանյանի, Հովհաննես Բեյբությանի, Տիգրան Գալստյանի, Համբարձում Կիրակոսյանի անվամբ տեղադրված հուշակոթողին:
Մանրամասները' shamshyan.com/...
5 окт 2024