Սիրելիներ.
Երգերը կարող եք ներբեռնել WAV և MP3 ֆորմատներով:
drive.google.c...
drive.google.c...
1.Արարատ լեռան ձյունապատ սրտից,
Հնչում է մի ձայն` դարերի խորքից
Մասիսի ծոցում մի սիրտ բաբախում,
Զարկում է անվերջ,հայ ազգին կանչում:
Դարձեք, ով հայեր ողջ Հայաստանում
Ձեզ նոր տապան եմ շինել երկնքում
Այսօր ներս մտեք իմ եկեղեցում,
Դարձեք ողջ ազգով, ժամն է վերջանում:
2.Արարատ լեռան կարոտած սրտից
Հայոց աշխարհ է թռչում աղավնին
Ավետիս` սրտում, ձիթենին` կտցին,
«Խաղաղությո՜ւն քեզ» - ասելու հային:
Դարձիր ազգս հայ, դարձիր անվարան
Արյուն, ջարդ, աղետ պիտի վերջանան
Ես քեզ կլինեմ վահան ու պաշտպան,
Դարձիր քեզ կտամ խաղաղ Հայաստան:
3.Արարատ լեռան տխրամած սրտից
Ելավ ծիածան` Մասսի արցունքից,
Ամպեր սև ու հին, ո՜հ փարատվեցին
Հայոց երկնքում աստղեր փայլեցին:
Դարձի՛ր ազգս հայ, դարձիր լիովին,
Ես կսրբեմ քո արցունքները հին,
Սառած կյանքիդ ու վշտիդ փոխան,
Քեզ կպարգևեմ սիրուն ծիածան:
4.Արարատ լեռան թախանձոտ սրտից,
Հայոց է ուղղված պատգամն` երկնքից,
Կանգնած թակում եմ ձեր սրտի դռան,
Հայոց աշխարհն է Իմ նոր իջևան:
Դարձիր, ազգս հայ, Ես քեզ կդառնամ,
Մեղքերդ կներեմ, երկիրդ կբուժեմ,
Ես քեզ կսիրեմ մինչև հավիտյան,
Ես քոնն եմ, դու Իմն ես Հայաստան:
5 окт 2024
