Բաց մի թողեք ձեր հնարավորությունը։ Ինչպես է Աստված խոնարհություն տալիս մարդուն 

Աստված մեզ ամեն օր հնարավորություններ է տալիս, մեր կյանքը լավացնելու համար։ Ու այդ հնարավորությունների մի մասը լրիվ անտրամաբանական են մեր մարդկային մտքի համար, բայց ժողովուրդ ջան, զգույշ եղեք որ բաց չթողնեք այդ հնարավորությունները։ Հիմա ձեզ օրինակ կբերեմ, բայց նախ ցույց տամ մեխ խնդիրը։ Մի անգամ խոսում էինք ընկերոջս հետ, մեկ էլ ինքն ասեց, իսկ դու ի՞նչ գիտե՞ս, կարող է Աստված մեզանից երես է թեքել ու չի լսում մեր աղոթքները։ Իր այդ խոսքերն ինձ շատ զգաստացրին, որովհետև Աստվածաշնչում իսկապես կան շատ տեղեր, և Հին Կտակարանում և Նոր, ուր որ Աստծո Խոսքը մեզ հայտնում է այս մասին։ Եթե մարդը չի ուզում հրաժարվել իր մեղքերից, ապա Աստված ասում է, որ չի լսի մեր աղոթքները, և Իր Հոգին կատի մեր տոներն ու պահեցողությունը։
Բա լավ, եթե հասել ենք այս օրին, ապա ի՞նչ անել այս դեպքում։ Ժողովուրդ ջան, միայն մի իրավիճակ կա, որի մեջ Աստված չի արհամարում մարդու աղոթքը։ Դա խոնարհությունն է ու մաքուր սիրտը։ 50րդ Սաղմոսն ասում է, որ Աստված չի արհամարում խոնարհ հոգին, Հակոբոս առաքյալն է այս մասին գրում թէ Աստված լսում է խոնարհներին և ընդիմանում հպարտներին, ու էլի այսպիսի շատ օրինակներ կան։ Հիմա եթե մեզ պետք է խոնարհություն, դա պիտի խնդրենք Աստծուծ, որովհետև եթե խոնարհություն չունեցար, Աստծո հետ կապի մեջ չես լինի։ Տերը մերժում և ընդիմանում է հպարտներին։ Ու այս ձայնագրությունն այն մասին է թէ Աստված ինչպե՞ս է տալիս խոնարհությունը։