Երևանում նոր ճոպանուղու կառուցման հարցում այս տարի հստակություն կմտնի 

Երևանի Չարենցի և Հերացու փողոցների անկյունում 1967 թվականին ճարտարապետներ Բաղդասար Արզումանյանն ու Հովհաննես Մարգարյանը կառուցեցին Երևանի առաջին ու դեռևս վերջին ճոպանուղին։ Նորքի բարձունքը Կենտրոնին կապող այդ էկոտրանսպորտը նաև տուրիստական նշանակություն ուներ։ «Նաիրի» հյուրանոց, կամ ինչպես խորհրդային տարիներին էին ասում, «Տուրբազա» գնացող զբոսաշրջիկները հնարավորություն էին ունենում հաճելին օգտակարի հետ համատեղել ու տեսնել Երևանը թռչնի թռիչքի բարձրությունից։