Այս անգամ նույնպես սկսել ենք մատիկները մարզելով, ինչպես նաև հաշվելով, քանի որ 5-6 տարեկանում երեխան արդեն հստակ պետք է կարողանա պատկերացում կազմել քանակի վերաբերյալ։
Լսողական հիշողության զարգացումը ունի իր առանձնակի կարևորությունը նախադպրոցական տարիքում։
Եվ այսպես, ես Մաշային նախապես ասել էի, թե որ փուչիկը ինչ գույնով ներկի. հրահանգը կրկնել էի երկու անգամ։ Նման տարբերակով դուք կարող եք առաջարկել ցանկացած պատկերված առարկայի գունավորում։
Տրամաբանական մտածողությունը կարելի է զարգացնել ցանկացած պարզ երևույթի կիրառմամբ: Այս անգամ ես ընտրել էի երկրաչափական պատկերներով հաջորդականություն, որի տրամաբանական շարունակությունը պետք է լրացներ Մաշան։
Եվ ինչպես միշտ մեր խաղերի բաղկացուցիչ մասն է կազմում խոսքի զարգացումը. այստեղ ևս հատուկ միջոցների անհրաժեշտություն չկա։
Կիրառեք այս խաղերը ձեր երեխաների առօրյայում և կիսվեք մեզ հետ ձեր արդյունքներով։
#Եկեք_խաղանք_միասին
6 сен 2024