Զինվորի մայրը 

Խստորեն դատապարտելով բանակում շարունակվող սպանությունները և բռնությունները,
դատապարտելով այդ անօրինությունների շարունակական կոծկումը,
դատապարտելով զինված ուժերում խաղաղ պայմաններում սպանված զինծառայողների մայրերի նկատմամբ ոստիկանության կողմից շարունակաբար դրսևորվող անմարդակային վերաբերմունքը և բռնությունները՝
կոչ ենք անում բոլոր մայրերին,
կոչ ենք անում բոլոր քաղաքացիական նախաձեռնություններին,
կոչ ենք անում բոլոր իրավապաշտպան կազմակերպություններին,
կոչ ենք անում բոլոր քաղաքացիներին,
կոչ ենք անում բոլորին
չթողնել մայրերին միայնակ ՄԵՐ պայքարի մեջ և չորեքշաբթի, մայիսի 20-ին, ժ․ 11։00-ին հավաքվել Բաղրամյան մետրոյի դիմաց։
Եկեք ձեր ընկերների հետ, ձեր գաղափարներով, պաստառներով, կարգախոսներով, այսպիսով սատար կանգնելով մայրերին։
«2010 թվականի մարտի 14-ին Լեռնային Ղարաբաղի Հայկազովի զորամասում մարզաձողից կախված վիճակում հայտնաբերվել է 3 ամսվա շարքային զինծառայող, Արմավիրի մարզի Սարդարապատ գյուղից բանակ զորակոչված Վալերի Մուրադյանի դին: Մարզաձողը, որից կախված է եղել Վ. Մուրադյանի դին, ունի 149 սմ բարձրություն, իսկ Վալերիի հասակը եղել է 180 սմ: Ըստ պաշտոնական վարկածի՝ զինծառայողը «ինքնասպան» է եղել:
Դեպքի առթիվ հարուցվել է քրեական գործ ինքնասպանության հասցնելու մեղադրանքով»:
Մայրն ասում է.
«Երեխուս սպանել են, որ իրանց գողությունը չբացահայտվի, ես էդքան բան գիտեմ։ Եթե էդպես չի` ուրեմն պետք ա բացահայտեն, այնինչ ամեն կերպ փորձում են կոծկել։ ինչքա՞ն պիտի մենք լռենք, ինչքա՞ն պիտի մեր երեխեքին տանեն գլուխներն ուտեն...Հիմա ես էլ տղա չունեմ, ոչ էլ կարամ ունենամ, ուրեմն վերջ` էս մի ճրագը մարեց...»
www.armversion.am/2011/09/21/z...