Ինտերակտիվ ներկայացումը՝ որպես բուլինգի խնդիրը վեր հանող միջոց 

Նոյեմբերի 24-ին Հրազդան քաղաքի Վ․Սարոյանի անվան թիվ 11 հիմնական դպրոցում տեղի ունեցավ «Երեք + 1 խոզուկները» խորագիրը կրող բուլինգի մասին բեմադրություն։ Միջոցառմանը ներկա էին 9-13 տարեկան աշակերտներ, ուսուցիչներ, ծնողներ, ինչպես նաև համայնքի սոցիալական աշխատող Արմեն Այվազյանը, դպրոցի տնօրեն Քնքուշ Լևոնյանը, «Հասանելի համայնքային սոցիալական ծառայություններ» (CLASS) ծրագրի ղեկավար Աիդա Մուրադյանը։
Քննարկման ավարտին երեխաներին ողջունեց համայնքի սոցիալական աշխատողը, ով ներկայացրեց կյանքի դժվարին իրավիճակների օրինակներ, սոցիալական աշխատողի դերը դրանց հաղթահարման մեջ ու թե ինչպես կարող են իրեն դիմել երեխաները, դպրոցի մասնագետներն ու ծնողները։
Ներկայացումը բեմադրվել է «Հասանելի համայնքային սոցիալական ծառայություններ» (CLASS) ծրագրի կրթական բաղադրիչի շրջանակներում, «Փոփոխությունների թատրոն»-ի հետ համագործակցությամբ։ Ինտերակտիվ ներկայացումների շարքը մեկնարկել է հոկտեմբերի 31-ին և բեմադրվել ՀՀ բոլոր մարզերում, յուրաքանչյուր մարզի մեկ դպրոցում։
ℹ️ «Հասանելի համայնքային սոցիալական ծառայություններ» (CLASS) ծրագիրը ֆինանսավորվում է ԱՄՆ Միջազգային զարգացման գործակալության (ԱՄՆ ՄԶԳ) աջակցությամբ և իրականացվում է Վորլդ Վիժն Հայաստանի, Մանկական զարգացման հիմնադրամի, Կանանց աջակցման կենտրոնի և «ԱՌՆԱՊ» հիմնադրամի կողմից։