Իրանն զգայուն ու ուշադիր կմնա Հայաստանի սահմանների նկատմամբ. Փաշինյանը Թեհրանում է 

Բաժանորդագրվեք մեզ՝ bit.ly/3pbzs0J
#Փաշինյան_Իրան #5tv
Իրականանում են հայ իրանագետների այն կանխատեսումները, թե Իրանի առաջնորդի մահը կարող է ներքաղաքական ցնցումների պատճառ դառնալ Թեհրանում, բայց Իրանի արտաքին քաղաքականության մեջ փոփոխություններ հազիվ թե լինեն, ավելի քիչ հավանական է, որ փոխվի Հարավային Կովկասում Իրանի քաղաքականությունը: Իրանի գերագույն հոգևոր առաջնորդ Սեյեդ Ալի Խամենեին այսօր սառը ջուր է լցրել Ռայիսիի մահից հետո Բաքվում հասունացող այն սպասումների վրա, թե հիմա շատ հեշտ է լինելու ճանկել, այսպես կոչված, Զանգեզուրի միջանցքը: Խամենեին ցավակցություններով Իրան մեկնած Նիկոլ Փաշինյանին ուղիղ ասել է՝ «Մեր հանգուցյալ նախագահը շատ զգայուն էր Հայաստանի սահմանային խնդիրների նկատմամբ, և այս զգայունությունն ու ուշադրությունը պետք է շարունակվեն»՝ չնայած շատ են Երևան-Թեհրան բարեկամության թշնամիները: