Խաչիկ գյուղը գտնվում է Վայոց Ձորի մարզում, մարզկենտրոն՝ Եղեգնաձորից 40 կմ հեռավորության վրա, Արփա գետի ձախ կողմում, Նախիջևանի սահմանից ոչ հեռու։ Գտնվում է լեռնային գոտում, ծովի մակարդակից 1800-1900 մետր բարձրության վրա, ունի մոտ 250 ընտանիք։
Այժմյան գյուղատեղիից 1,5 կմ դեպի արևմուտք գնտվել է մի քար, որի վրա գրված է եղել «Հիմնադրեցի գյուղը և այն իմ անունով կոչեցի Խաչիկ: Հիշեցեք Խաչիկ վարդապետին»: Մելորատիվ աշխատանքների ժամանակ այդ քարը ոչնչացվել է։
Գյուղի մոտակայքում է գտնվում Հայաստանի նշանավոր վանքերից մեկը՝ Խոտակերաց կամ Քաարկոփի վանքը, որի մասին կան գիտական շատ տեղեկություններ։ «Խոտակերաց» անվանումը տարբեր ձևերով են մեկնաբանում, բայց ճշմարտությունն այն է, որ վանքի համալիրի կառուցումը երկար տարիներ է տևել։ Մի քանի անգամ ավերվել է, վերաշինվել։ Վերջին անգամ X դարում։ Պավլիկյան շարժման ժամանակ, ըստ երևույթին, վանքի սպասավորները նույնպես յուրովի ապստամբել են և գնացել քարայրեր, որտեղ էլ սնվել են խոտերով։
Վանքը վերանորոգելուց հետո Սյույաց Տիկին Շուշանիկը հրավիրում է նրանց և առաջարկում նորաստեղծ պայմաններում շարունակել ծառայել Աստծուն։ Այստեղից էլ առաջացել է Խոտակերաց վանքի անունը։
Տարածքում լավ աճում են ընկույզ, խաղող, խնձոր, սալոր, հացահատիկային կուլտուրաներ։ Բնակչությունը զբաղվում է հացահատիկի, կերային կուլտուրաների մշակությամբ, այգեգործությամբ և անասնաբուծությամբ։
25 сен 2016