«ՊԱՐՈՒՅՐ ՍԵՎԱԿ» գրական-մշակութային ակումբ
ԾՈՎԱՍՏՂԻԿՍ
Խոսք և երաժշտություն՝ Գուսան Աշոտի
Կատարում է՝ Ֆլորա Մարտիրոսյանը
Ախ, էս գիշեր աչքերիս մի պահ քուն չեկավ, ծովաստղիկս,
Էն ո՞վ է քո ճամփան փակել, որ տուն չեկար, ծովաստղիկս,
Սպասումի պահերն այնքան դժվար կանցնեն, իմ զարթոնք սեր,
Մայրամուտի մի ցոլք դարձա ճամփիդ երկար, ծովաստղիկս:
Ախ, ընկել եմ քար ու քարափ,
Իմ սրբություն, ետ արի, ետ,
Ես ծովակ եմ առանց կարապ,
Իմ էություն, ետ արի, ետ:
Ես անտառ եմ առանց եղնիկ
Իմ վեհություն, ետ արի, ետ:
Ով սիրուհի, վիշտը սրտիս կրակ դարձավ ու շիկացավ,
Ամեն կայծը քո ճամփեքին քեզ տուն կանչող մի տաղ դարձավ,
Ծովը մեկ-մեկ կալեկոծվի, փոթորիկն իմ սրտով անցավ,
Կարծելով թե պանդուխտի պես հեռու ընկար, ծովաստղիկս:
16 авг 2022
