Դասախոսը՝ Դավիթ Զաքարյանը, պատմական գիտությունների դոկտոր, Օքսֆորդի համալսարանի Արևելագիտության Ֆակուլտետի աշխատակից, դասավանդում է, հայ ժողովրդի պատմություն, գրաբար եւ Արևելահայերեն։ 2021թ հունվարին Brill հեղինակավոր տպագրատունը տպագրել է իր մենագրությունը` "Women, Too, Were Blessed: The Portrayal of Women in Early Christian Armenian Texts" վերնագրով: 2017-2019թթ. Օքսֆորդի համալսարանի Արևելագիտության Ֆակուլտետին կից Բրիտանական Ակադեմիայի գիտաշխատող: Այս 3 տարվա ընթացքում ուսումնասիրել և թարգմանել է անգլերեն լեզվով միջնադարյան հայերեն մատյանների հիշատակարանները։
«Կենդանի պատմություն» ծրագիրը՝ պատմության ուսուցիչների շարունակական մասնագիտական զարգացման նախագիծ է ՝ պատմական ակտիվ մտածողության հմտությունների զարգացման համար։ Ծրագրի գործընկերը ՀՀ ԿԳՄՍ նախարարությունն է։
Ծրագրի շրջանակում ՀՀ բոլոր մարզերի, Երևանի և Արցախի շուրջ 700 ուսուցիչ՝
-ստանում է «Պարադիգմա» կրթական հիմնադրամի կողմից և «Գալուստ Կիւլպէնկեան» հիմնարկության աջակցությամբ մշակված «Գիրք պատմության ուսուցման. ինչո՞ւ, ինչպե՞ս» գիրքը։ ՀՀ ԿԳՄՍ նախարարի հրամանով այն երաշխավորվել է որպես ուսումնական նյութ։
-մասնակցում է պատմության ուսումնասիրության մի շարք սկզբունքների վերաբերյալ դասախոսությունների։
-փորձարկում «Գիրք պատմության ուսուցման. ինչո՞ւ, ինչպե՞ս» գրքի ռազմավարությունները դասարանում և դրանց վերաբերյալ ինքնանդրադարձ գրում։
Ծրագրի հիմքով «Պարադիգմա» կրթական հիմնադրամն իրականացնում է ՀՀ-ում պատմության ուսուցման վերաբերյալ ծավալուն հետազոտություն։
21 сен 2024
