Հարաքաշ - Պատգամ 

Երաժշտություն, ջութակ՝ Անի Ադիգյոզալյան
Խոսքեր, կիթառ, շվի՝ Ռաֆայել Իշխանյան
Բաս, վոկալ՝ Մհեր Ազիզբեկյան
Ֆլեյտա, վոկալ՝ Տիգրան Աթանեսյան
________________________________________________
Harakash - Comandment
(English captions available at playback)
Music, violin - Ani Adigyozalyan
Lyrics, guitar, tin whistle - Rafael Ishkhanyan
Bass, vocals - Mher Azizbekyan
Flute, vocals - Tigran Athanesyan
________________________________________________
Խոսքեր
Վեցը եզ քաշին գութան,
Ութը սայլ լցրինք դարման,
Այրեցինք ձեռքերն անմաշ,
հարաքա՜շ, հարաքա՜շ։
Բարձրացան, ելան հողից,
Առվի շնչից արբեցան
Հազար հասկ ու ծիլ մատղաշ,
Հարաքա՜շ, հարաքա՜շ։
Հողին ցամաք՝ մի կաթիլ արյուն,
Հուն է իրեն բանում կարմիր առուն,
Հողն ասես մի թաս է՝ անհուն ու անտակ,
Իսկ կարմիր առուն մեր՝ հողին երակ։
Կանաչ լեռան լանջերն ի վեր
Տունն ավեր մնաց մենակ,
Արտերի հասկերն՝ անտեր,
հին կաղնին՝ դռան պահակ։
Կանգ առավ, որ պիտ հոսեր,
Առուն՝ դեպի դաշտեր ծարավ,
Անշարժացան հազար սրտեր
Որ պիտի զարկեին անբավ։
Հողին ցամաք՝ մի կաթիլ արյուն,
Հուն է իրեն բանում կարմիր առուն,
Հողն ասես մի թաս է՝ անհուն ու անտակ,
Իսկ կարմիր առուն՝ մեր հողին երակ։
Ե՞րբ պիտ կրկին շունչ առնի առուն,
Ե՞րբ կխաղաղվի նախնյաց հոգին անքուն,
Մի՞թե երգվեց երգը մեր՝ խոսքով օտար,
Մի՞թե օրը պատվեց նորալուսնի լույսով խավար․․․
Վարը պիտ մեկտեղ անենք,
Որ այրվեն ձեռքերն անմաշ,
Հարաքա՜շ, հարաքա՜շ,
Որ այրվեն ձեռքերն անմաշ,
Ուժն ուժով պիտի լարենք,
Որ զարկեն սրտերն անշարժ,
Հարաքա՜շ, հարաքա՜շ,
Որ զարկեն սրտերն անշարժ։
----------------------------------------------
Մեզ կարող եք լսել նաև բոլոր հիմնական հարթակներով՝ Spotify, Deezer, Yandex music, Apple Music...