Հայաստանում ավարտին է մոտենում ոռոգման համակարգերի արդիականացումը՝ ընդգրկելով երկրի բոլոր մարզերը։ Աշխատանքների համար 40 մլն ԱՄՆ դոլար հատկացվել է Կայունացման և զարգացման եվրասիական հիմնադրամի (ԿԶԵՀ) կողմից:
Արդիականացումը թույլ կտա նվազեցնել ջրի կորուստները, որոնք որոշ տեղամասերում հասնում էին 90%-ի։ Ոռոգելի հողագործությունը առանցքային նշանակություն ունի Հայաստանի համար, քանի որ գյուղատնտեսական արտադրության 80%-ն ապահովվում է հենց ոռոգելի հողատարածքներով։
Ոռոգման ծրագրի իրականացման արդյունքում ոռոգելի հողատարածքների մակերեսը կավելանա գրեթե 35 հազար հեկտարով։ Կվերականգնվի մայր և ներտնտեսային ջրանցքների 340 հազ. մ հատված, ինչը հնարավորություն կտա ավելացնել զբաղվածությունը և նվազեցնել աղքատության մակարդակը գյուղական տարածքներում։ Կավելանա ոռոգման համակարգերի արդյունավերտությունը՝ ներառյալ տարեկան կտրվածքով 14,4 մլն ԿՎտ/ժ չափով էլեկտրաէներգիայի խնայողությունը՝ պոմպային համակարգի փոխարեն ինքնահոս համակարգ օգտագործելու շնորհիվ։
25 апр 2024
