Գյումրու կենտրոնական գրադարանում մանկագիրները հանդիպել են դպրոցականների հետ: Նախաձեռնությունը գրադարանի աշխատակիցներինն է եղել: Հանդիպումը կազմակերպվել է մանկապատանեկան գրքի եւ անդերսենյան օրվա շրջանակներում: Դպրոցականների համար հեքիաթներ եւ բանաստեղծություններ են կարդացել մանկագիրներ Անդրանիկ Կարապետյանը, Հակոբ Մուշը, Ստեփան Միքայելյանը, Սուքիաս Աղալարյանը: Գրադարանի հյուրերը Գյումրու թիվ 9 դպրոցի 6-րդ դասարանցիներն էին: Մանկագիրները բացի իրենց ստեղծագործությունների ընթերցումից, երեխաների հետ նաեւ խոսել են նրանց առօրյայից, նախասիրություններից: Ըստ Հայաստանի գրողների միության Շիրակի մարզային մասնաճյուղի ղեկավար Անդրանիկ Կարապետյանի, այսօր խնդիրներ կան հանրակրթական դպրոցի դասագրքերում առկա նյութերի հետ կապված: Դրանցում հիմնականում չեն ընդգրկվում մանկագիրների ստեղծագործությունները, իսկ գեղարվեստական գրականությունը ներդրված է փորձարարական կամ սեղմագրերի տեսքով, ինչն ուղղակիորեն բացասական ազդեցություն է ունենում եւ ընթերցանության եւ մատուցվող նյութի ըմբռնման առումով:
2 апр 2019