Կոլյա ջան, բավականին հաճույքով դիտեցի հարցազրույցը, որն այնքա՜ն անմիջական էր և այնքա՜ն անկեղծ, որ ինձ վրա պարզապես շատ մեծ տպավորություն թողեց։ Բավականին հետաքրքիր դրվագներ են եղել քո կյանքում, երբ երեք անգամ ընդունվել ես միևնույն բուհը, երկու անգամ հեռացվել՝ բացակայությունների պատճառով, այսուհանդերձ, քո նպատակասլացությամբ առաջ ես գնացել, ի վերջո քո սիրած մասնագիտության մեջ հաստատվել ու բեմարվեստում կայացել ես՝ ձևավորելով արվեստագետիդ համոզմունքները, սկզբունքներն ու խաղաոճը, ապա նաև դրանցով ապրել ու արարել ես թե՛ բեմին և թե՛ կյանքում։ Այն հանգամանքը միայն, որ մեծ դերասան Խորեն Աբրահամյանին ընտրել ես քեզ համար որպես ընդօրինակման աղբյուրի, և նա քեզ համար ներկայանում է որպես անփոխարինելի ուսուցիչ, մեծատառով մարդ և վեհություն, արդեն իսկ խոսում է քո դրական ձգտումների, լավն ընդօրինակել կարողանալուդ և մարդկային ու մշակութային արժեքներն ըստ արժանվույն գնահատելու ունակությանդ մասին։ Իսկ եթե դու ընտրում ես բացասական դերեր խաղալ, դա ամենևին էլ վատ ընտրություն չէ, ընդհակառակը, դա դերասանի արվեստագիտական համարձակությունն է վկայում, չէ՞ որ հնարավոր է, որ իրեն այնպես չսիրեն, ինչպես դրական կերպարներ մարմնավորող դերասաններին: Բացի այդ, բացասական հերոսներն էլ իրենց կարևոր տեղն ու նշանակությունն ունեն կինոարվեստի և թատերական ստեղծագործություններում: Ներկայացնելով վատ մարդու կերպարը՝ դերասանական քո խաղի շնորհիվ բեմ ես դուրս բերում չարն ու վատը, որպեսզի հանդիսատեսին հուշես ու հորդորես չսիրել, ավելին՝ ատել նման կերպարին ու նրա վատ հատկանիշները և չընդօրինակել ու չնմանվել նրան: Մինչդեռ դու, որպես մարդ, իրականում բոլորովին այլ ես: Մարդկային քո տեսակով և լավ հատկանիշներով դու սիրված ու հարգված ես ընտանիքում, ընկերներիդ և առհասարակ բոլոր քեզ ճանաչողների շրջանում: Եվ դու ինքդ էլ ընտանիք, ընկերներ, շրջապատ սիրող ու հարգող ես: Եվ որպես իսկապես լավ մարդ և ճշմարիտ հայրենասեր, դու չես կարողանում հանդուրժել անարդարությունն ու ստախոսությունը, երախտամոռությունն ու դավաճանությունը։ Քո հստակ մտածելակերպով, գիտակցությամբ և անհատականությամբ համառ սկզբունքայնություն դրսևորելով՝ անզիջում ես չարի ու վատի նկատմամբ։ Ուրեմն թող այսպիսի լավ հատկանիշներդ, աստվածատուր շնորհներիդ թևանցուկ արած, նորանոր հաջողություններ բերեն քեզ, քանզի դու արժանի ես, որ առաջընթացներն ու ձեռքբերումները միշտ ուղեկցեն քեզ։ Ես շատ եմ հարգում քեզ և քո հրաշալի ընտանիքին, որ քեզ ամուր թիկունք է եղել: Ողջ լեր՝ ընտանյոք հանդերձ։
Ayo Nikolay jan , iroq , vor sirvec Dzer Anushavan der@, hachuyqov u havesov em ditum Moxroti erazner@, namanavand Anjelayi het drvagnerum, ev @ndhanrapes shat sirvats u professional derasanner en xaxum .👍👏👌😘❤️🙏
