Ոչ մեկին թույլ չենք տալու երկիրը խառնել 

«Կապիտալի ներհոսքն անհասկանալի նպատակների համար՝ անընդունելի է: Գումարների այդպիսի ներհոսք ուղղվում է տարբեր տեսակի ՀԿ-ների գործունեության ֆինանսավորմանը: Սրանք ներդրումներ չեն: Տարբեր երկրներ տարբեր կարգի լուծումներ են տվել այս խնդրին: Օրինակ՝ ԱՄՆ-ում ամենախիստ օրենքն է գործում: Դրսից ֆինանսավորվող կազմակերպություններն այնտեղ կոչվում են օտարերկրյա գործակալներ: Երբ Ռուսաստանը կրկնօրինակեց այդ օրենքը, խիստ քննադատության արժանացավ:
Միգուցե ոչ այդ աստիճան, բայց, կարծում եմ, որ նման մի բան նաև մեզ մոտ պետք է անել: Երկիրը փոքր է, և բավականին փոքր գումարներով կարելի է երկիրը խառնել: Մենք մի տարածաշրջանում ենք ապրում, որտեղ խանգարում ենք մեծ երկրների շահերին: Եվ մենք պետք է դա գիտակցենք: Այդ տեսանկյունից պետք է քայլեր ձեռնարկել և նվազագույնի հասցնել մեզ մեղադրելու հնարավորությունը, իբր մենք փորձում ենք սահմանափակել ժողովրդավարությունը: Օրինակ՝ «Ազատություն» ռադիոկայանը ֆինանսավորվում է ԱՄՆ բյուջեից․ բայց այն, որ նրանք ժողովրդավարական սկզբունքներին ոչ համահունչ, մեկ ուժի քարոզչությունն են տանում, դա ուղղակի աննախադեպ է: Եվ սա չի կարելի համարել, որ արվում է ժողովրդավարության ամրապնդման համար: Ոչ, սա ուղղակի քաղաքական նպատակներ է հետապնդում:
Այո, այդ խնդիրը տեսնում ենք և պետք է լուծումներ գտնել ու բավական վճռական լինել: Չպետք է մտածել, որ Բրյուսելից մեկը կարող է ասել՝ էս ի՞նչ եք անում: Մենք կասենք՝ հոպ, մենք արդեն այդ փորձն ունենք և ոչ մեկին թույլ չենք տալու երկիրը խառնել»:
Twitter: / robertkocharyan
Facebook: / presidentrobertkocharyan
Telegram: t.me/robertkoc...
Instagram: / robert_kocharyan_official