Այս բանաստեղծությունը շատերը սխալմամբ տարածում են Պարույր Սևակի անվան տակ։
Սակայն այս ստեղծագործության հեղինակը ժամանակակից ստեղծագործող Հայկ Մկրտչյանն է։ Բանաստեղծության հեղինակային անվանումն «Իրական սեր» է։
ՈՒ ես հասկացա կյանքում մի պարզ բան / Իրական սեր
ՈՒ ես հասկացա կյանքում մի պարզ բան,
Որ պետք չէ խառնել անցյալն ու ներկան,
Որ պետք չէ սիրել խենթի պես ուժգին:
Պետք չէ նվիրվել այս կյանքում մեկին,
Ով իրականում չի էլ ըմբռնում,
Թե սերն իսկական ինչպես է լինում,
Թե ինչպես կարող են քնքշորեն սիրել
Եվ անմնացորդ ինչպես նվիրվել
«Սիրիր, որ սիրվես» իզուր չէ ասված.
Իզուր չի ասել ամենազոր Աստված,
Որ քեզ սիրողից երես մի՛ դարձնի՝
Կյանքը քեզ նույն կերպ կպատասխանի:
Երբ հետո սիրես էլ քեզ չեն սիրի,
Երբ որ նվիրվես էլ չեն նվիրվի,
Երես կդարձնեն նույն հենց քեզ նման
Եվ քեզ խաբկանքներ միայն կմնան:
Եվ այդ ժամանակ շատ ուշ կլինի,
Երբ որ իմանաս՝ սերն ինչ գույն ունի.
Կարդում է Ազատ Մալխասյանը
Հեղինակ ՝ Հայկ Մկրտչյան
20 сен 2024
