Ռուբեն Մաթեւոսյան - Հովհաննես Շահբազյան - ՈՐՏԵՂ ԳՏՆԵՄ ՔԵԶ 

ՈՐՏԵՂ ԳՏՆԵՄ ՔԵԶ
Քարից թռան երկու կաքավ,
Թռան սրտիս պես,
Ախ, դու իմ յար, ախ, դու իմ լավ
Որտեղ գտնեմ քեզ:
Արևի հետ դու գնացիր,
Լուսնի հետ արի,
Մի թող դառնամ լացող աղբյուր
Քո ճանապարհին։
Սիրտս բացվել է վարդի պես
Արի գարնան արևի պես,
Ախ, հովերն ել չեն գտնում քեզ
Արի, յար, արի:
Վայ լե լե լե, վայ լե լե լե
Աչքս արցունքով լցվել է,
Ախ, հովերն ել չեն գտնում քեզ
Արի, յար, արի:
Հավքերն անցան երամ-երամ
Բայց ես մենակ եմ,
Այրվում եմ ես, դու չես տեսնում,
Կանչող կրակ եմ:
Քեզ չեմ տեսել ամբողջ տարի,
Իմ արև, արի,
Մի թող դառնամ լացող աղբյուր
Քո ճանապարհին։
Կյանք եմ ուզում, որ սիրեմ քեզ,
Որ չնայեմ տխուր ամպին,
Որ մազերդ շողերի պես
Փռես իմ ճամփին:
Վայ լե լե լե, վայ լե լե լե
Աչքս արցունքով լցվել է,
Ախ, հովերն ել չեն գտնում քեզ
Արի, յար, արի:
Կյանք եմ ուզում, որ սիրեմ քեզ,
Որ չնայեմ տխուր ամպին,
Որ մազերդ շողերի պես
Փռես իմ ճամփին:
Վայ լե լե լե, վայ լե լե լե
Աչքս արցունքով լցվել է,
Ախ, հովերն ել չեն գտնում քեզ
Արի, յար, արի:
Արի, շուտ, արի:
Արի, յար, արի: