Այսօր՝ հունիսի 23-ին, ՀՀ Տնտեսական զարգացման և ներդրումների նախարարության պետական գույքի կառավարման կոմիտեի հաշվեկշռում գտնվող «Նևրոզների կլինիկա» ՓԲԸ-ում էին հավաքվել այնտեղ իրենց բուժումը ստացող մեծ թվով քաղաքացիներ, ովքեր իրենց անհամաձայնությունն էին հայտնում, որ դեմ են տնօրեն Ցոլակ Հակոբյանին աշխատանքից ազատելու որոշմանը։ Ինչպես տեղից հայտնում է ֆոտոլրագրող Գագիկ Շամշյանը, նշված կենտրոնում իրենց բուժումը ստացող քաղաքացիներն ասում էին. «Մեզ համար անակնկալ էր այս որոշումը։ Հանրապետության ամենալավ, ամենաճանաչված, ամենապրոֆեսիոնալ բժիշկներից մեկն է Ց. Հակոբյանը, ում շնորհիվ բազմաթիվ կյանքեր են փրկվել։ Հիմա, չգիտես ինչու, մի գրչի հարվածով որոշել են նրան ազատել աշխատանքից։ Մենք մեր անհամաձայնությունն ենք հայտնում ու խնդրում ենք, որպեսզի հրաման տվողը վերանայի իր որոշումը և մեզ բուժող պրոֆեսիոնալ բժշկին, լավ մարդուն հետ բերեն նույն աշխատանքին։ Մենք գիտենք, որ նրան հեռացրել են նաև քաղաքական դրդապատճառներով»։
Մանրամասները` shamshyan.com/...
22 июн 2021