Աղստև գետն այս տարի մի քանի անգամ վնասեց Տավուշի բնակավայրերը, ենթակառուցվածքները, մարդկանց: Վերջերս վարարած գետը վնասեց Խաշթառակ գյուղ տանող կամուրջը: Մի շարք քաղաքացիներ մնացին շրջափակման մեջ։ Նրանց օգնության հասան փրկարարները։
Մինչ այդ էլ՝ մայիսյան հեղեղի հետևանքով ափերից դուրս եկած Աղստևը քանդել էր Դիլիջան-Իջևան մայրուղին Հաղարծին գյուղի հատվածում, բնակիչների տներ, ողողել էր հողամասեր, քշել անասուններին: Հաղարծին բնակավայրի 25 ընտանիք այսօր փոխհատուցման է սպասում: Վնասներ է կրել նաև Դիլիջան քաղաքը՝ մի քանի հատվածներում մայթեզրեր էին փլվել՝ անանցանելի դարձնելով դրանք հետիոտնի համար: Տուժած Դիլիջան քաղաքը և Հաղարծին գյուղը Հայաստանի Հանրապետության կառավարության որոշմամբ ճանաչվել են աղետի գոտի։
6 авг 2024