الحمد لله حبيبتي 💖 والله كانو افكارنا كامل غالطة عليهم أنا وحدة حتى طيحني ربي فمزابي حنين كريم ماشاء الله وزيد يقولولهم مزاب نسبة إلى وادي مزاب وليس لشيء آخر
عيدكم مبارك وكل عام وانتم بخير....بالمناسبة انا مشتركة جديدة للعائلة هذي التقيت صدفة بالفيديو تاعك عجبتيني بزاف وعجبني محتواك وضرافتك و كل شيء .....❤❤❤❤
هاذي عادة اهل الشرق الجزائري صح صباح العيد كل زوجة تستنى حق الملح بعد فنجان القهوة كان بابا يحط لويزة لأمي في فنجانها أنا تزوجت لجيجل ماعندهم هاذ العادة لكن ناس كرماء والراجل يعز مرتو الحمد لله ربي يفرح كل زوجة أو أم او اخت الابنة وعيدكم مبارك
صحا عيدكم كل عام و انتوما بخير . والله توحشت حاجة سموها رقاد. ولدي صغير ما يرقدش فليل و يطول كل 5دقايق و ينوض 😂😂😂😂😂ما نجي نرقد انا حتى يفيق هو . راني نتمشى و نرقد واقفة
الله يبارك رب يبعد عليك لعين درقي شويه متنعتيش كلش نعرف وحده تفرجت وحد اليوتيوبر ناضت تبكي و تندب😂😂😂 والله خلعتني خبي حياتك الخاصه اما الحياه لخرا رانا كامل كيف كيف دمير و غدا و عشا 😂😂😂😂 رب يهنيك اول مره نشوف قناتك رب يبقي عليك الستر و يوفقك
سلام اختي ، بعد هذا الفيديو نتمنى ربي يسترك و يحفظك من شر كل حاسد اذا حسد حبيبتي نصيحة لكي و اسمحيلي ، اقضي حواءجك في السر و الكتمان لانو العين حق ، و من خلال قراءتي للتعليقات و الله خفت عليك ❤
صحة عيدك الاخت حبيت نسقسيك وين شريتي العباية في غرداية باسكو المرة اللي فاتت كي وصفتي المحل اللي شريتي من عندو الملاية قصر الاناقة انا تان رحت شريت وحدة انا برانية و مانعرفش المحلات الانيقة في غرداية
اختي بصحتك وربي يزيدك بصح كاين ناس مشتاقين بارفان وانا طبيعتي ما نبغيش نزوخ على الناس كون نشري فاكية ولا مصروف مليح نستره باسكو كاين ناس تسخف وربي ما يحبش هاد الشيء وساختي هادا رايي وما تزعفيش مني ربي يزيدك وما تنسيش العين حق
يعطيك الصحة ختي على التدخل بصح راني نهدر ونعاود على مقصودي من بارتاج ماشي باش ندير فتنة والا نغير والعياذ بالله ليس من طبعي فقط التحفيز ونبين بلي الزوج الجزائري يقدر يتهلى في مرتو 🙏🙏🙏
السلام عليكم صدفة تلاقيت بالقناة نتاعك ماشاء الله تبارك الرحمن نتعرفو على ناس غرداية من خلالها وشفت الطيبة والكرم تع زوجك حقيقة غيرتيلنا المفهموم الخاطئ اللي كان عندنا رب يدوم عشرتكم ويهنيكم وكل عام وانتم بخير
كيفاش نتى ماشى مزابيا وقبلو يزوجوك بولدهم هما يحبو بعضهم انا من العاصمة رانى ساكنة في سيدى مخلوف امام دار العرش سيدى مخلوف الاستراحة تع مزابية ههههههههه
هههههههههه جاتك غريبة وقيل أنا عاصمية من الحراش بابا وماما ولاد بالفور وتزوجت بمزابي وعايشة مهنية الحمد لله بزوج ديار وحدة هنا وحدة فغرداية وسمنة على عسل مع ناس داري لواسي لواساتي اللهم لك الحمد