صحا عيدك اختي نوال مامسي راني روطار الله غالب ظروف ماسمحتليش كنت مع علاج تاع بنتي حمدالله ياربي مع دعاوي تاعكوم نورمالمو بدات تبرا هكذا قالولي في سبيطار نتمنا شفا كامل للمومنين انتي راكي في القمة ربي يدومها عليك نعمة انشاء الله يارب ❤❤❤❤❤❤❤❤
ما شاء الله عليك كلك ذوووق. كل الوصفات عجبتني كثير.. الجولة كانت مشوقة .كاين أشياء ما كنتش نعرفهم بيك اللي وليت نعرفهم و نميل ليهم.. طبق الدوارة ما فيش منو محبوب عندنا.. تبارك الله فيك..شاااطرة بمعنى الكلام.. عيدك مبارك كل عام وأنتم بألف خير..إن شاء الله
سلام نوال اختي صح عيدكم كل عام و انتم بألف خير يعطيك الصحة شاطره ما شاء الله عليك. حنا في تلمسان نديرو كيفكم الفطور العشاء كاين لي يطيبو بوزلوف كاين لي يطيبو لحم محمر يوم ثاني نديرو شواء كوطلات و الكفتة و الحمد لله على النعمة و الله العيد الكبير فيه الشقا بصح عندو وحد البنة و الأجواء رائعة ربي يدومها. بالنسبة للقاطو انا والله درت نوع واحد بالشوكولا للصغار و شريت كعك تلمسان باه جوزنا يامات العيد الحمد لله. أنا نسكن في سيدي بلعباس تزوجت هنا بصح محافظ على التقاليد تعنا. حتى مدينة سيدي بلعباس عندهم عادات رائعة و ناسها كوراما ماشاء الله عليهم. ارواحي عندي اختي نوال مرحبا بيك نحوس بيك سيدي بلعباس و نزيد نديك لدارنا في تلمسان. ربي يفرحك و لعقوبة لعام لجاي نكونو خير ان شاء الله. ❤❤❤
أنا من العاصمة صح عيدك نوال عندي كلش يطيب في اليوم الأول نقلي لي زابا ندير مخ شطيطحة في الفطور وفي الليل بوزلوف وعصبان بصح ما ناكلوش كلش الباقي حق العائلة والجيران المهم الريحة تع الكبش تروح من الدار 😅 و غد منداك الصباح يتقسم الكبش والعاقبة لكل عام ❤