خويا هولاندا ضروري يكون عندك أوراق الإقامة و لا يوجد كونطرات بش مايضحك عليك حتى واحد أما الخدمة بدون أوراق راه صعيب تلقاها و حتى لو لقيتي شي ولد بلادك يخدمك راه غادي يستغلك مزيان بأجرة قليلة و في أي لحظة ممكن يدخل عليك كونترول و تلقى راسك في المغرب. إسبانيا حتى هي نفس الشيئ غادي يستغلوك خوتك. الفرق الوحيد هو اسبانيا ممكن دير الاوراق بعد مدة إذا عندك زهر أما هولندا والمانيا بلجيكا باقي الدول عمرك تحلم ديرفيهم الاوراق ولو تبقى فيها ألف سنة. واياك يكذب عليك شي أحد يقول لك كين كونطرا ديال الخدمة راه غادي ينصبو عليك كاين لي نصبو عليه من العائلة ديالو. ديك فلوس لي غادي تعطي للنصابة دير بيهم محل فشي موقع يكون خدام مزيان و ملي تضرب واحد المدة و يكون عندك حساب بنكي محرك مزيان كدخل وتتخرج الفلوس فيه بانتظام والرصيد ديما يكون طالع بعدها طلب فيزا لإسبانيا و مشي دور وتسارا مزيان و شوف كيف هو الحال وسول شحال ساوية المصاريف و الضرائب و المشاكل ديال تربية الابناء و الزواج و ديك ساعة غادي تبان لك الأمور. وإياك تفرط في المشروع ديالك ورزقك فبلادك راه مع الوقت غادي تندم. الغربة تصلح لواحد مكحطا عليه فبلادو و الله غالب أما إذا كان عندك مدخول تقدر تعيش بيه عيش كريم فبلادك أحسن من أن تغامر بمستقبلك في بلاد لاتستطيع أن تتحكم فيها في تربية ابنائك و القوانين التي تشجع المراة على الطلاق و تاخذ لك رزقك و تتمتع به مع رجل أخر وانت ماتقدر تدير والو. وأسوء شيئ هو ياخذو لك اولادك لسبب تافه أو يطلع لك شي واحد من أولادك من أصحاب الالوان أو أو.. باختصار راه حياتك تقدر تتدمر في رمشة عين. ماشي كولشي كيوقع ليك مشاكيل و لكن كاين حالات عديدة وقع ليهم هكذا أو أكثر أنت وزهرك. والله يجيب لك لي فيه الخير
المشواة محتلة الملك الجماعي العام 100% أين قاءد المقاطعة واين باشا المدينة لمادا قلنا هدا لأننا نرى شعار الدولة مؤخرا تحرير الأملاك العامة ومحاربة العشوائي والبناء بدون ترخيص