السلام عليكم ورحمة الله و بركاته، أهلا وسهلا بكل الاصدقاء... 😊😊 يونس لاو، هو طالب حاصل على شهادة الاجازة في القانون، والان طالب باحث في سلك الماستر، وأنشأت هاذ القناة باش نشارك معاكم التجارب ديالي في هاذ التخصص ليستفيد الجميع، وأيضا مناقشة المواضيع القانونية والاجتماعية لي مهمة وذلك للمساهمة في نشر الوعي بيننا، وأيضا نشر كل ما يتعلق بالتحفيز والتوجيه لنفع بعضنا البعض ان شاء الله مرحبا بتساؤلاتكم و استفساراتكم عن شعبة القانون....، مرحبا ايضا باقتراحاتكم للفيديوهات المقبلة ان شاء الله ... ، غادي نكون سعيد بالأراء ديالكم حول الفيديو والطريقة ديال الشرح 😉😉
@@marybenani9824 السلام عليكم ورحمة الله وبركاته أختي، حقيقتا، الأصل في هذه المادة، انه لا يجب أن يكون فيها الحفظ وإنما فقط الفهم الا في بعض القواعد، لكن في الواقع، فطريقة التدريس في شعبة القانون في كل الجامعات المغربية، يجبرونك جبرا على الفهم أولا ثم الحفظ وأكل الكتب ههههه بالنسبة للسؤال الثاني، فلديك حظوظ قوية لإجتياز امتحان اجازة التميز، وأعتقد أن السؤال يكون عاما في شعبة القانون
السلام عليكم، خاصك دخلي للسيت ديال الكلية لي باغة تسجلي بها ، حيث تماك كيحطو الاعلانات ، وبالتالي خاصك تكوني على صلة دائمة بالسيت باش تشوفي الجديد الى حدود الساعة مزال مكاينش التسجيل في الكلية، ولكن ملي غادي ابدى التسجيل فيها، خاصك تشوفي واش في سيت واضعين التسجيل في اجازة التميز، الى ملقيتهاش خاصك تمشي للكلية وتسوليهم عليها، وغادين اجاوبوك، ربما تكون شي اجراءات جديدة هاذ العام
مرحبا فاطمة بالنسبة للافاق ديال باك اداب وعلوم انسانية بمقبول كيبقى عندك الالتحاق سواء بالجامعة او التكوين المهني وبالنسبة للتكوين المهني كتقرى عامين، و كاين بزاف ديال الافاق فيه ولي مطلوبة في سوق شغل، غير ان الخلصة كتكون في حدود 3000 درهم او اقل ملي كتبدى الخدمة مع الشركات او الدولة، وممكن تكملي قرايتك ملي تاخدي دبلوم وديري اجازة مهنية وماستر ...، في التكوين المهني كتكون القرايا حضورية وبشكل اجباري في اغلب التخصصات اهم التخصصات لي ولات مطلوبة في سوق الشغل بالنسبة للتكوين المهني : تدبير المقاولات - التمريض - الاعلاميات ..... بالنسبة للجامعات، كاين فيها ايضا بزاف ديال التخصصات غير ان فرص الشغل ضعيفة فيها بزاف مع الدولة، باستثناء الى كنتي متمكن من تخصص ديالك وكنتي من الاوائل فيه، ديك ساعة غادي تقدر تنافس على التوظيف. وكتبقى عموما نتا وزهرك ، حتى حاجة ما مضمونة ليك .... والقرايا في الجامعة ماشي بالضرورة حضوري باستثناء الامتحانات هم التخصصات لي ولات مطلوبة في سوق الشغل بالنسبة للجامعات: الاجازة في التربية بالنسبة لي بغا يولي استاذ مستقبلا الاجازة في اللغة الفرنسية او الانجليزية لي بقا يقري في القطاع الخاص او يولي ترجمان، كتخرج مباريات في الدولة كطلب هاذ التخصص الاجازة في الاقتصاد: تقدر تخدم مع الدولة او القطاع الخاص، غير خاصك اللغات الاجازة في القانون : ولكن الافاق ديالوا ولو انها كثيرة ولكن فرص الشغل قليلة بزاف، وبالتالي هاذ تخصص نتا وزهرك وتكون متفوق مزيان حيث فيه منافسة شرسة ....
عافاك انا بغيت نسولك على حاجة وحدة و كنتمنى تجاوبني بحاجة لي نقدر نفهمها مزيان ،انا بغيت نكون قاضية و هذا حلمي و حلم والدي ولكن بغيت نعرف واش الافاق المهنية من بعد منسالي 5سنين د القراية كاينة واش نقدم نخدم هكاك و لا صعيب ؟ كنتمنى تحاوبني و شكرااا بزااف على اي خاحة قدمتيها فالفيديو زائد انا تلميذة كنت دايرا سيونص ماط و حصلت على 17،53 و لكن كنفضل و عندي هاد الميول لهادشي و بغيت نكون هكاك ،؟
مرحبا صفاء بداية انا متفاجئ انه عندك نقطة جيدة في تخصص جيد وبغيتي توجهي لتخصص ديال القانون باش نكون معاك صريح، الخدمة بالاجازة في شعبة القانون قليلة بزاف وغير مضمونة. واما بالماستر كيتفتحوا ليك افاق جديدة وجيدة ولكن ايضا عدد المناصب في المباريات كيكون قليل، وبالتالي الخدمة بهاذ التخصص نتا وزهرك. ولكن باش تقدر تنافس على هاذ المناصب لي قليلة ، خاصك تكون متميز في شعبة القانون ، وفي اللغات. يعني تكون عندك القدرة على الفهم و الحفظ والنفس العميقة حيث القانون بحر من القوانين لي خاصك تقراي. القضاء جرت العادة ان المبارة كنخرج كل سنتين او اكثر، وحاليا الترشح ليه غير بالاجازة ، وبالتالي المنافسة كتكون شرسة للغاية ، لان عدد الحاصلين على الاجازة منقدروش نعرفوا شحال وصلوا، واحيانا عدد المترشحين كيوصل لأكثر من 100.000 فقط على 200 او 100 مقعد لذلك تقدري تنجحي الى قدرتي تفوقي على الجميع وكنتي من عدد الناجحين لي طالبين خلاصة القول، القانون ماشي شعبة لي الى قريتيها غادة تخدمي بها بسهولة وبلا متعدبي. لا خاصك ونتي كتقراي القانون طوري راسك في اللغات، وفي البرمجة، وايضا في القانون، باش اكون عندك حظوظ في سوق الشغل والمنافسة. اما الى كنتي كظني انه بمجرد الحصول على الاجازة في القانون او الماستر، غادة تلقاي بسهولة فرص الشغل مباشرة، هاذشي مكاينش. ضروري من انه يكون عندك الدبلوم بنقطة مزيانة، وتكوني فاهمة التخصص مزيان ويكون عندك مع اللغات، وعاد تسايني اخرجوا المباريات، وتشوفي واش غادي اقبلوك تجي دوزي دوك المباريات، وعاد دوزي الامتحان الكتابي والشفوي وعاد تشوفي واش نجحتي أو لا
3afak majawbni lah yshel 3lik ana jbt l bac b mention tres bien w df3t l2ijazat tamayoz f jami3at rabat agdal dl 9anon wlkin galik kidirolik concours bax dkhl liha ina mawad kimta7nona fihom bghit nwjd lih mn db la 3ndk chi mou3lima fidni biha lah y7fdek
في الحقيقة ، لا أعلم . وخاص تعرفي ان اجازة التميز في القانون قليلة جدا في المغرب. لكن في مباريات التوظيف او اتمام الدراسة لا تؤخد هذه الاجازة بعين الاعتبار . يؤخد فقط بنقطة
سلام عفاك استاذ فاش كنتسجل ف اجازة التميز بكلية محمد الخامس اكدال تطلع ليا غير اجازة في العلوم السياسية ماشي القانون و مفهمتش صراحة علاش المرجو الاجابة و شكرا
بالنسبة للناس لي عندهم باك قديم، الكلية كتفتح ليهم التسجيل الاولي في الموقع وايضا تقديم بعض الوثائق للكلية. عموما الى حدود الساعة مزال ما بدا التسجيل بالنسبة للناس لعندهم باك قديم، ربما ملي ابدى التسجيل نحاول نوضع شي فيديو ان شاء الله نشرح فيه طريقة التسجيل بشكل مفصل.
مزيان ، عندك حظوظ قوية باش دوزي الكتابي. لمهم أعتقد انهم كيعطيو شي سؤال عام على مادة القانون ، غير مكن باش إشوفوا واش عندكم فكرة على هاذ الشعبة وبالتالي اياخدو منكم شي طلبة واحد الملاحظة و هو انه شهادة الاجازة ديال التميز را بحالها بحال شهادة العادية. يعني مكاين حتى فرق. الفرق كاين غير في جودة التعليم وصافي الله اسهل عليك اختي
شكرآ لك استاذ على هذه التوضيحات المهمة. ابنتي حصلت على معدل 18 في الامتحان الوطني مسلك الآداب وتريد الدراسة في اجازة التميز في العلوم السياسية. سؤالي استاذ هل توجد افاق للعمل في هذا التخصص بناء على الكفاءة وليس الوساطة؟
بداية، لا شكر على واجب وأما بخصوص أفاق اجازة التميز في العلوم السياسية على المستوى المهني، كما هو معلوم فان افاق الاجازة في شعبة القانون على المستوى العملي اصبحت محدودة جدا وبالاخص تخصص القانون العام والعلوم السياسية كما ان المباريات التي تعلن كل سنة بخصوص الاجازة في القانون، فهي تطلب عددا قليلا مقارنة مع عدد المتخرجين، مما يجعلك داخل منافسة شرسة لذلك لابد من اتمام الدراسة بسلك الماستر، حتى يصبح للشخص افاق جديدة اخرى، مع منافسة اقل قليلا وبما ان لديك ابنة مجتهدة، فان نصيحتي لها، ان تبحدث أولا عن ما هي الوظائف التي تريد ان تشتغل فيها مستقبلا وان ترى ان كانت تناسبها ام لا ، وبعد ذلك ان تبحث عن ما هي شروط الولوج الى تلك الوظائف، وبعد ذلك ان تبحث عن التخصص الذي يجب ان تدرسه لتصل الى تلك الوظائف التي تريدها. وعليه كلما كان الهدف واضحا ، كلما كان الوصول اليه يسيرا واخيرا ، اذا تمكنت ابنتك من تطوير كفاءاتها اكثر مع متطلبات سوق الشغل ، فانها سوف تصل الى مبتغاها بمجهودها ودون وساطة، واتمنى كل التوفيق لها ان شاء الله
@@younesslaw_3172 بارك الله فيك استاذ .والله نحن في حيرة كبيرة من أمرنا ابنتي لا تريد مهنة التعليم كأبيها وافاق الشغل في المغرب بالنسبة للادبيين محدودة جدا للاسف ولو حصلت على ميزة حسن جدا في البكالوريا. الله يدير تاويل الخير
@@idrisskaram3796 نعم صحيح ، الوظائف الادارية في المغرب محدودة جدا بالمقارنة مع عدد المتخرجين عموما، فاذا كانت ابنتك تريد الدراسة في اجازة التميز تخصص العلوم السياسية، عليها فقط ان تكون على علم بكل افاق هاذ التخصص في المستقبل ، حتى تقرر ما اذا كان هذا التخصص سوف يصل بها الى اهدافها المستقبلية ام لا أتمنى لابنتك كل التوفيق ان شاء الله
واحد السؤال الله يرحم لك الوالدين انا تسجلت في اجازة التميز علوم سياسية بالرباط اكدال واش ضروري نتسجل في الاجازة الاساسية تا هي حيت فاش كنحاول نسجل راسي فيها كيطلبو مني اينا بلاصة ديت فيها الباك وانا ديتو من القنيطرة مع العلم انه ايلا ماتقبلتش في اجازة التميز في الرباط انقرا القانون عادي غير في مدينتي
وي ، من ضروري تسجلي حتى في الاجازة العادية في السيت ، باش الى منجحتيش في اجازة التميز، تمشي تقراي في الاجازة العادية وكملاحظة، خاصكي تسجلي في الكلية لي تابعة ليها اللمدينة فين ساكنة ، حيث في المغرب معندكش الحق تختار الكلية لي بغيتي تقرى فيها من غير الى بغيتي ديري الانتقال من كلية الى كلية بعد ما تسجل و تدلي بانه عندك شهادة سكنة في المدينة لي فيها الكلية لي بغيتي تنتاقل ليها
@@fatinaim1728 اول حاجة أفاطمة، خاصكي تعرفي الكلية لي تابعة ليها المدينة ديالك، من بعد غادة شوفي واش تخصص لي بغيتي كاين في ديك الكلية ، والى كان خاصكي تقيدي في سيت اولا، و عاد كتمشي تقيدي عوتاني في الكلية داخل واحد الاجال كتحدوا الكلية سنوهي الكلية لي تابعة ليها المدينة ديالك؟
الجواب على السؤال ديالك اخي ، يقتضي انه خاصك تحدد اولا جميع الوظائف لي كتمنى تخدم فيهم مستقبلا ان شاء الله ومن بعد، عاد نقدر نجاوبكعلى واش الاجازة بالفرنسية غادة توصلك للأهداف ديالك ام لا
@@JSamsung-vt9zv الاجازة في القانون باللغة الفرنسية تقدري دوزي بها الامتحان ديال المحاماة وتجاوبي بالفرنسية في الامتحان غير ان الاختبار الشفوي اقدر اكون بالعربية ، بالمناسبة امتحان المحاماة كيخرج من اربع سنوات لأربع سنوات + الى نجحتي كتخلصي 10 ديال المليون او اكثر باش تنخارطي في هيئة المحامين + التدريب يكون لمدة 3 سنوات قبل متولي محامية العواقب لي غادي تواجهك ان الاجازة في القانون باللغة الفرنسية في الجامعات المغربية مكتمكنش انك تقراي كلشي على القانون، ولكن تقدري تقراي راسك ذاكشي لي مقرتيهش في الجامعة الاشكال الثاني ان التقاضي في المحاكم كيكون باللغة العربية ، واي وثيقة كتقدميها للمحكمة خاص ترجميها للغة العربية، وهذا يعني ان اي مصطلح قانوني فهماه باللغة الفرنسية خاص ترجميه للغة العربية الاشكال الثالث ، ان المراجع لي كيشرحوا القانون المغربي باللغة الفرنسية قلالين، واغلب المراجع لي كينين اجنبيين وميمكنش تعتامد عليهم 100 % ، حيث كاين اختلاف بين القوانين ديال الدول الاجابيات ديال الاجازة في القانون بالفرنسية انها كتعطيك قيمة في سوق الشغل او الى بغيتي تكملي قرايتك
السلام عليكم شكرا على هاد الفيديو بغيت نعرف هاداك الامتحان ديال الطلبة المتميزين كيما ذكرتي كيفاش كايكون واش لي عندو الميزة كايطلب باش يدوزو و لى كيفاش زيد شرحليا عافاك؟ و اش لابد الحضور في حالة دزت فهاد الامتحان؟
لا شكر على واجب، بالنسبة للامتحان ديال اجازة التميز، كترشح ليه الى كانت عندك نقطة اكثر من مقبول ، ومن بعد كتشوف واش غادي تختار باش تمشي دوز الامتحان الكتابي . التسجيل فيه كنظن كيكون في الرابط ديال الكلية. بالنسبة للحضور ، غالبا كيكون الزامي
@@springbutterfly5300 ليس هناك اي فرق بين اجازة التميز والاجازة العادية، فقط الفرق يكون على مستوى جودة الدراسة. حتى الاجازة العادية راه مزيانة ولكن الجودة ديال الدراسة، غادي تصبر وتحارب باش توصل الله اسهل الامور
شكرا استاذا على كل هاذه المعلومات القيمة❤ وبغيت نسول واش هاذ السيستيم نتاع القانون بحال السيستيم نتاع الشعب الاخرة فلافاك ولا كيختلاف على حسب الشعبة من حيت سنوات القراية
السلام عليكم ورحمة الله رقية ، عموما الامتحان على حسب الملف الوصفي كيكون عبارة عن اختبار كتابي ، ولكن السؤال ديال الامتحان و علاش كيكون ، حقيقة عمري بحث في هاذ النقطة. ولكن كنظن انه غالبا غادي اكون شي سؤال عام على شعبة القانون ، باش اعرفوا المستوى ديال كل واحد ، وايضا اشوفو الطريقة ديالو في تحليل الموضوع
@@llnviix.4231 السلام عليكم ورحمة الله اختي ايمان، أولا انا أخ ولست أخت. بالنسبة للمباراة ديال اجازة التميز ، كترشح ليها في الموقع المخصص لذلك، ولكن خاصك ضروري تسجل ايضا في الاجازة العادية تحسبا لعدم قبول ترشحك أو عدم التوفق في الولوج الى اجازة التميز.
وعليكم السلام ورحمة الله بالنسبة لشعبة القانون كتدرس في الجامعات المغربية الاصل انه ممكن لأي واحد اقرى هاد شعبة بلا كونكور بالنسبة للاجازة التميز في شعبة القانون هي لي كيكون فيها الكونكور ولكن مكايناش في كل الكليات ديال المغرب، كاينة غير في البعض منها
@@fatinaim1728 بالنسبة للاجازة التميز ، كاينة في اكدال في تخصص العلوم السياسية ، وكاينة حتى في سلا تخصص العلوم القانونية . والامتحان غالبا ما كيكون عندوا علاقة بالتخصص ، يعني في الامتحان الكتابي كيكون سؤال عام له علاقة بعنوان التخصص ، وفي الشفوي خاصك تحاولي تاخدي فكرة على اهم المواد لي كيتقراو في التخصص لي غادة تدفعي ليه
Slm bghyt nswlk khdit lbac après khdit diplôme f gestion des entreprises wdb bghyt n9ra les droits français moumkin tgouliya xhnu khsni ndir wfin kynin les facultés bch n9rahoum
وعليكم السلام دنيا، بالنسبة للكليات لي كتدرس القانونية، فهي موجودة في بزاف ديال المدن ، فقط قولي لي انا مدينة ساكنة باش نشوف اقرب كلية ليك بالنسبة لواش ممكن أنك تدفعي لشعبة القانون بباك قديم، يعني ماشي ديال هاذ السنة، فهاذ نقطة هضرت عليها في الفيديو ، وقلت انه خاصك ملي ابدى تسجيل في سيت ديال الكلية، تشوفي واش دايرين حتى ناس لي خداو الباك في سنة لي خديتي فيها الباك باش إتسجلوا حنى هما مع طلبة ديال هاذ العام ، وكنظن مغاديش تلقاي هاذ الامكانية ، ذاكشي علاش خاصك تمشي للكلية لي عندك شهادة السكنة قريبة ليها ، وتدفعي طلب للعمادة ديال الكلية بأنك باغة تكملي قرايتك في شعبة القانون. وصافي هما غادي اجاوبوك من بعد، والى قبلوك غادي اقولوا ليك شنو الوثائق لي خاصك تجيبيهم باش تسجلي في شعبة القانون. الله اسهل الامور 😊
مرحبا ختي، بالنسبة لاجازة التميز ، مكايناش في جميع الكليات وانما فقط كاينة في بعض الكليات بحال سلا واكدال وبالنسبة للتسجيل ، تقيدي في السيت اولا وتسجلي في الاجازة العادية والاجازة ديال التميز ، وغادي دوزي مبارة في الاجازة ديال التميز ، والى منجحتيش كملي تقياد الاداري ديالك في الاجازة العادية والى نجحتي تقيدي مع الطلبة ديال اجازة التميز ولا بأس انك تمشي الكلية وتسولي مزيان على هاذ النقطة مزيان
@@byuleunha2465 جامعة الحسن بالدار البيضاء تابعين ليها بزاف ديال الكليات ديال القانون ، بحال كلية عين الشق ، وعين السبع و المحمدية خاصكي تحدي انا كلية كتقصدي ، مع العلم ان هاذ اجازة التميز راه قليل لي عارفها، وبالتالي الى كانت راه غادي تلقايها مع الاختيارات ملي غادي تبغي التسجلي في السيت
انا جبت 13 فالمعدل العام ديال الباك واش يقدرو يعتابروني من الطلاب المتميزين وهداك التيست ملن اندوزو ومنجحتش فيه واش منقدرش نتقبل مع الطلاب المتميزين وديك الساعا فين غيحطوني ؟
اولا، الاجازة لي كتعطى في الاخير راه بحالها بحال الاجازة العادية ، الاختلاف كاين غير في طريقة ديال التدريس ثانيا: ملي كتسجلي في الموقع ، خاص تسجلي في الاجازة العادية وعاد في اجازة التميز ثالثا: الامتحان كيدار قبل ما يقولوا ليكم اجيو تقيدوا في الكلية وتخلصوا، يعني ملي كدوزي الامتحان ديال اجازة التميز، كتشوفي من بعد واش نجحتي او لا لا، الا نجحتي كتقيدي فيها ، ولا منجحتيش كتمشي تقيدي في الاجازة العادية رابعا: ضروري من امتحان في اجازة التميز
@@ihyahabiba670 حقيقة عمري شفت شي امتحان ديالهم ، ولكن كنظن انه غادي اكون على شعبة القانون بشكل عام ، يعني غير اشوفو شنو الافكار لي عندكم على تخصص ديال القانون
السلام عليكم، شكرا جزيلًا على المعلومات القيمة ، وسؤال اتمنى ان تجيبني عنه هل يمكن لي ان ادرس القانون في جامعة في الخارج هل تلك الشهادة التي سامتلكها ستكون لها قيمة يعني هل هناك فرق بين قانون المغرب والخارج وشكرا
وعليكم السلام ورحمة الله ، بالنسبة لشهادة الاجازة في القانون بالخارج ، سوف تكون شهادة غير معترف بها في المغرب، وبالتالي لن تتمكني من اجتياز مباريات التوظيف التي تعلن عنها الدولة بتلك الشهادة الا بعد القيام بمعادلة الشهادة، اي معادلتها مع الشهادات المغربية لتصبح لها نفس قيمة الشهادات المغربية هل سوف يتم قبول معادلة شهادتك؟ لا أعلم ، وتبقى للجهة المكلفة بذلك السلطة التقديرية هل يختلف القانون المغربي عن القوانين في باقي الدول؟ نعم ، كل دولة لديها قوانين خاصة بها، وان كانت تتشابه في بعد الاحكام ، الا انها تختلف ايضا في الكثير من الاحكام والقواعد
@@younesslaw_3172 حنا فكلية العلوم القانونية و الاقتصادية والاجتماعية في جامعة محمد الاول وجدة ماعندناش هاد شي ديال طلبة متفوقين يقراو بوحدهم او لاخرين بوحدهم
@@amineoubouazza7151 وي، قلت هاذشي في الفيديو هاذ الميزة كاينة غير في بعض الكليات في المغرب بحال كلية الحقوق اكدال و سلا .............. شاهد الجزء الثاني ديال هاذ الفيديو ، قلت فيه حتى هو شي حاجة مهمة
تلات سنوات اذا اردت الحصول على الاجازة سنتين اذا اردت اكمال دراستك والحصول على شهادة الماستر ثلات سنوات اذا اردت اكمال داراستك والحصول على شهادة الدكتوراه
الله اخليك عندي سؤال؟ واش جميع كليات المغرب كيديرو إجازة التميز ولا غير بعض الجامعات، و بالنسبة للإمتحان فاش كتختابرو او واش كتعمر شي استمارة سابقة بخصوص إجازة التميز وشكرا . كنتمنى نتلقى جواب في القريب العاجل
بالنسبة لاجازة التميز كاينة غير في بعض الكليات المغربية. وبالنسبة لجامعة محمد الخامس الرباط سلا الترشح لإجازة التميز بتاريخ 3 /9/ 2021 . وبالنسبة للامتحان الكتابي أعتقد انه كيكون فشي سؤال عام على شعبة القانون، باش اشوفو المستوى ديال كل واحد ترشح ، ومدى المعرفة ديالو بهاذ التخصص
