للامانة انا اول حلقة حضرتها كانت أ مشاعر عبدالكريم وانا جدا بحبها ومن متابيعها ... عندى ملاحظة اتمنى تتاخد برحابة صدر .. في فرق بين مذيع ومقدم برامج .. مع احترامى للمقدم حق البرنامج .. بس عمل جبار زى دا محتاج (مذيع) يقدر يتعامل مع الحوار بانو يسمع للضيف اكتر من يتكلم .. ودى فلسفة البودكاست في انو بتخلى الضيف مرتاح في انو يحكى لكن بمحاور معينة تغطي الفترة اللى حابين نولها للمشاهد .. الحاجة دى (المذيع) بكون عارفها ... من ناحية تقنية الجو العام للحلقة مع الموسيقي التصويرية هادئة ورايقة جدا بس (مقدم البرنامج) صوتو اعلى وطبقتو عالية جدا على الضيف .. مازن حامد بحكم خبرتو الفنية قدر يستحضر الموسيقي التصويرية ويخش في المود حقها ةويبدا يحكي باريحية ... اتمنى انو تتكرر التجربة دى مرة تانى مع شخص متخصص (مذيع ) عشان البودكاست دا شي بنحضرو باختيارنا مش مفروض علينا زي التلفزيون .. تحياتى واعتزارى على اي سوء فهم
مازن حامد من الاصوات النادرة الجاية بأفكار جديدة لكن في نفس الوقت بتحمل طابع قيمنا اللي اتربينا عليها في بيوتنا السودانية. شخصية وطنية جدًا. و مواكبة لي تقنيات حديثة. وبي روح متواضعة رغم حب الناس ليه. مازن حامد نموذج لي التواضع و حب العمل و المغامرة و الخروج عن المألوف و الشجاعة. شجاع بي تعبيره عن مشاعره و بي اختياره للأغاني و بي اختياره لمسيرته الفنية في السودان. للأسف ما قدرت احضر ليه حفلة لكن سعدت بمقابلته شخصيًا و اتفاجأت بي تواضعه. انتظرت الحلقة دي بفارغ الصبر بعد بوست نوّار. ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ واليكم تعليقاتي عن ما يمكن تحسينه في المرات القادمة: شكرا للجهود المبذولة في اعداد الحلقة من إضاءة و صوت و اخراج و ديكور و اعداد فني و اختيار المواضيع: اختيار الضيف ١٠/١٠ ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ لكن على المذيع ان يراجع أخطاءه التالية: ١- مقاطعة الضيف في اكثر من مرة ٢- محاولة اعادة صياغة ما قاله الضيف ٣- استباق الضيف في الإجابة عن السؤال قبل إعطاءه الفرصة الكافية للإجابة ٤- عدم الاستإذان من الضيف عند الحديث عن أغنيته الحزينة (التي يعرف مسبقًا أنها مكتوبة لوالدته رحمها الله وأخلدها في فسيح جناته ان شاء الله) ٥ - بل سارع الى السؤال الذي يليه بدون تعليق عن ما قاله مازن عند الإجابة عن هذا السؤال و لم يبدي أي نوع من العطف مثل الترحم عليها او تأكيد أن هذا موضوع صعب الخ (والعطف من صفات الإعلامي اللبق) ٦- عدم وجود تسلسل في الأسئلة الذي يبرهن عدم استماع المضيف لمازن (كان يبدوا لي و كأن أستاذ مهند كان مهتم أكثر بإنهاء كل النقاط على أجندة الحلقة بدل الإستماع الي الضيف حقاٍ و الثقة في الضيف(بأن يؤمن الضيف أن من يجلس أمامه يحمل أفكار رائعة لن تكفي سلسلة حلقات من نشرها كلها، لذا كل ما علي فعله هو أن أكون أنا المضيف بإدارة الحوار)) ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ *إعادة صياغة + رأيي شخصي - نبذة عني: كطالبة إعلام البروف حفتي كانت بتقول لي نفس الكلام لأن أخطاء المذيع دي أنا كلها عملتها و أنا بعيدة كل البعد من أني أستضيف ضيف لأنها ما حاجة ساهلة و بتتطلب مهارات كتيرة و كلنا بنخطئ لكن بس حابة أنقل ليكم تجربتي و بعتذر لأي أسلوب فيه تعالي. أنا بثق في المحتوى البتقدميه ولو لا ما كنت كتبت التعليق الطوويل ده هههه - أساسيات الإعلام: لكن اتعلمت من أساسيات الإعلام انك تعرف توصل الرسالة بالطريقة الواضحة و سهلة فهم - المشكلة الحصلت في الحلقة: و ليه؟ لمن تقطع مسار الرسالة، كده مش بس بتضايق الضيف بل المستمع كمان بينزعج لأنه ضغط على زر المشاهدة عشان الضيف يلا المذيعين مرات بيحسوا (انا كنت بحس كده ما عارفة لو انا براي) انه شغلهم ما مقدر فبيحاولوا يظهروا عبر الكلام الكتير او انه يشرحوا السؤال باكتر من صياغ لكن ده بيدي طابع عكسي عليهم - والنتيجة؟: اسلوب المذيع قد يكون مستفز للبعض و لا يناسب بودكاست. البودكاست من صفاته انك تقدر تسمعه و انت بتعمل حاجة عشان تسترخي و ما بيتطلب من انتباه عالي لاني غالبي سمعي. لكن المذيع صعّب الاستمتاع بالنقطة دي. التسلسل في البودكاست كمان كان ممكن يكون سلس اكتر لو المذيع ما قاطعه. حبينا نسمع مازن اكتر لأنه باين أنه ما كثير الكلام. ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ - اقتراحات في رأيي المتواضع اعتقد استاذ مهند حيكون مناسب جدًا في محتوى ليه علاقة بالضغط على الضيف. حاجة شبيه للاتجاه المعاكس (ولا اقصد الإساءة) صوت الموسقى الخلفية أعلى من اللازم - تعديلها حيكون ممتاز اقترح تاخده نظرة عن أنس بوخش و طريقة تسلسل أسئلته مع المشاهير و كيف بيخلي الحوار سلسل رغم نفس الأسئلة البتتكرر في كل حلقة ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ - في الختام: رغم ده كله…الحلقة أسعدت ليلتي بعد يوم عمل طويل في الغربة. شكرا ليكم جزيلا على المجهود و الى الامام و سامحوني على أي تقصير أو أسلوب ما جميل 😊
اختيار المذيع ما كان موفق .. 👎🏼 الحلقة محتاجة مذيع متمرس بيسمع اكتر ما يتكلم وما يقاطع كتير .. بلس انو الاسئلة تكون مسترسلة وليها علاقة بي بعض ،، حقيقي الواحد كان نفسو يسمع مازن وهو بتكلم اكتر بس المذيع مزعج،، اتمنى تنتبهو للنقاط دي في المرة الجاية
ليه المذيع دا بيقاطع ومتحفز عشان يسأل وما عندو صبر بالطريقة دي؟ مستعجل وما بيدي الضيف مساحتو إلا تقلعها منو قلع بيدي أحساس عايز يطلع منك حاجة هسسسسي دي ولازم تطلع، زايد بيفسر على مزاجو ومصر يقيف بيننا وبين المضيف ويترجم لينا وكده. الحتة الظاهرة هي نمط المذيع أسرع من اللازم لاحظت حتة الموسيقى الفي الخلفية بتظهر لمن مازن يتكلم بينما لمن المذيع يتكلم الحتة دي بتروح عديل