أنا بحب الكريم كراميل أوى، علشان كدة كان مهم بالنسبة لى إنى أعمل وصفة كريم كراميل مش عادية، حاجة كدة مش هتدوقوا زيها، الوصفة دى بعد تجارب كتير، دى أعظم و أقوى وصفة للكريم كراميل هتجربوها.... يلا بينا
•
•
•
(المقادير)
- علبة لبن مكثف محلى
- ١٥٠ مل كريمة خفق (حلويات)
- ٤ بيضات
- معلقة ڤانيليا سايلة
•
•
•
فى حلة على النار هنحط اللبن المكثف المحلى مع الكريمة و نقلب كويس لحد ما يتجانسوا و أول ما يغلوا نقفل النار.
•
•
هنجيب الاربع بيضات و نضربهم مع الڤانيليا و نجيب اللبن المكثف المحلى و الكريمة و نحطهم هلى البيض شوية شوية بالراحة و نقلب بسرعة و نسيبه و نبدأ نحضر الكراميل
•
•
•
(الكراميل)
- كوباية و نص سكر
- نص كوباية مياه
•
•
فى حلة على النار هنحط المياه لحد ما تغلى نروح حاطين عليها السكر و نقلب تقليبة خفيفة و نوطى النار و نسيبهم على نار متوسطة لحد ما اللون يبقى بنى و نوصل للكرملة المطلوبة.
•
•
•
فى قالب هنحط الكراميل و نسيبه يبرد شوية بعد كدة ننزل عليه بالخليط بتاعنا و نحطهم فى صينية و نحط فيها مياه مغلية لحد ما نغطى نص القالب و ندخل الصينية الفرن على درجة حرارة ١٥٠ لمدة نص ساعة
•
•
•
نطلع الكريم كراميل و نسيبه يبرد بعد كدة ندخل بيه على التلاجة بعد ما يسقع نطلعه و نقدمه.
•
•
الوصفة دى مختلفة عن الكريم كراميل التقليدى، أتقل، بس فى نفس الوقت قوامه تحفة و طعمه عالمى، جربوا الوصفة دى اللى أنا حقيقى تعبت فيها و قولوا لى رأيكم 😍
•
•
•
•
#ZumasKitchen
#food #foodporn #foodphotography #foodie #foods #foodstagram #foodgasm #food52 #foodography #foodstyling #foodies #foodblogger #foodlover #foodbeast #foodoftheday #foodpornshare #foodpic #foodpics #foodgram #foodblog #instafood
7 сен 2024