أحمد بن عبدالعزيز البوعينين .. الشيخ  

نشدت الشيخ شـَ الحيله إذا أبليس اذاني
دروب أبليس يا شيخي تراني والله أجهلها
وافتى الشيخ يا وليدي إذا بك شي وتعاني
تعوذ بالله من شره وثلاث تفلاته أتفلها
غديت بذا الزمان أشوف كل لحظة بـِ شيطاني
اليا من يدي اليسرى كثير الريق بللها
أعيش من البشر مطرف بعيد ديار وحداني
ولا عيشه وسط دارٍ يجيها أبليس ويدهلها
ترى أبليس ماهوب ند وشلنه ماهو بشاني
ولكن حاشمٍ نفسي عن أمثاله مَ اجادلها
أنا أدري كثير المدح يجي بـ الزود نقصاني
ولكن حدني وقتي على أبياتي أسلسلها
وهبني العاطي المعطي عظيم الشان واهداني
خصالٍ دشروها الناس وجت يمي أمثلها
أنا طيبي يسابقني على الطيبات ينخاني
يطيب الطيب من طيبي إذا كثرت خمايلها
هواي المركز الأول ومن بعدي يجي ثاني
أبذل الجود والماجود وسبحانه يجملها
واليا مني بغيت أوصف وصفت الطيب عنواني
يدله كل من همت به الدنيا وعمايلها
زرعت الطيب في بورٍ غدت بـ الطيب بستاني
وزرعته في بعض ريضان أدمتني سلايلها
أنا لى من زرعت أزرع ولو جاني بـ نكراني
أسوي شي من لا شي ماحسب حصايلها
عرفت من الطيور طيور وشفت طيورٍ الواني
ودريت إن الطيور طيور تميزها فعايلها
واليا مني بغيت اشري شريت الطير حوراني
على العليا يخاويني وميلاتي يعدلها
صديقٍ يحفظ الخوة خليلٍ ما هو قوماني
اليا من ثقلت حمولي حلف عني يحلحلها