الشقة فيها امكانيات مره مو طبيعية ماشاءالله الحمدلله انه كل تصميم فيها جميل والمنظر الأخير في الفيديو تبع الشاطئ فعلاً جمال. الشي السلبي اللي لاحظته بس الحمدلله على كل حال انه الالوان الغامقة ملاحقتك في كل مكان شكل ما فيه الا انه تبدأين تقولين انك تحبين الالوان الغامقة عشان ما تطلع لك مره ثانيه 😂. حاولوا انكم تغيرون الدواليب او تصبغونها والاسرة والستاير الغامقة بعد اللي تحت غيروها مع ابداعاتكم بالتأثيث بيصير منزل اسطوري والله يسهل عليكم يارب. بالنسبة للغرفة الصغيرة اللي عند الغسيل اجعلي منها مكتب صغير لك او لزوجك بحيت تشتغلون فيه وحطوا كتب وآلة قهوة مع نباتات وخلوا الطابع حقة Homy و Cozy مكان تقدرون تشتغلون فيه وانتم مروقين وحطوا كل شي ممكن يجيب لكم الراحة فية. بالنسبة للأطفال آدم وجوليا هم حالياً صغار ما يفرق اذا كانوا سوا ولا منفصلين بس اذا حبيتي تفصلين انا ولد وانصحك تفصلي آدم وتكون غرفته تحت حنى الاولاد ما تفرق معانا وين نكون اهم شي مكان ليه خصوصية لنا واغراض الاولاد غالبا تكون اخف واقل من البنات. جوليا افضل تكون بالغرفة اللي حولكم وحجمها مناسب لها كبنت لما تكبر. والله يوفقكم والله يجعله منزل عامر يارب 🙏🏻
ريما بخصوص الصالة دام ما ينفع ينحط تلفزيون ممكن تركبوا بروجكتر اذا تبغون جو سينمائي ، او تحطين كم كرسي 🪑 وجنبة مكتبة صغيرة ويكون ركن قراءة ، او للرياضة ان شاء الله عجبتك الاقتراحات 💗💗💗💗
منزل مبارك ياريمتنا ماشاء الله البيت شرح الله يبارك لكم فيه فعلا أنا اايد رايك بالألوان الغامقه يفضل إنكم تبدلونها بألوان افتح وكمان لو تحطين لوحه على قد علبة الكهرباء حتى تخفين شكلها وتعطين جماليه للمكان
الف مبرووووووووك على النقلة ربى يبارك لكم فيه الغرف التحت اعملى واحدة مجلس لاستقبال الضيوف علشان ما عندكم مجلس و ما صح يجو يجلسون فوق الغرفة الصغيرة سيبيها لآدم
ما شاء الله البيت جدا جميل الله يبارك لكم فيه بالنسبه للصاله افضل التلفزيون تحطونه في مكانه الحالي الان لان اذا نقلتيه لصوب الباب الاضاءه الخارجيه راح تعكس على شاشه التلفزيون وايضا احلى اليلسه قريبه من الباب ممكن فالشتا تفتحون الباب وقت اليلسه
ما شاء الله البيت بجنن الله يكتبلكم الخير فيه ويباركلكم فيه❤ ممكن بالمكان الفارغ تحوطو طاولة السفره بس يكون لونها اهدى من الي موجوده ومحل الطاوله تحطي ممكن طاولتين صغار مع منظر حلو وتعلقي على الحيط مرايه دائريه حلوه وتعلقي براويز على الحيط واعمليلها فيديو ترتيب وتنظيف البيت وترتيب وتنظيم الثلاجه ❤❤
الله يعطيكم خيره البيت ويكفيكم شره، كل شي مرتب وجميل لون الأبواب والأرضية ولون الجدران وحتى الستائر مره حلوه بس الأثاث لونه غامق يا تنصبغ او تغيرونها، في غرف النوم حطو نباتات صناعيه ولوح بسيطه مريحه للعين وبتطلع بيرفكت، المدخل انا معك يفضل يكون محزن وتسكرون عليه عشان المنظر وبس ماشاءالله تبارك الرحمن كل شي حلو وشرحه ❤❤
اولا مبارك عليكم البيت ربنا يجعلها عتبة خير ثانيا المنظر الخارجى جميل جدا خصوصا فى الصباحوالشروق والغروب تقدرى تجعليه وقتك اللى يعدل مود يومك ريما وبانتظار شغلك فى الشقه اكيد بتجعليه ابداع
ماشاءالله كأنها بيت مو شقة بخصوص غرفة العاملة لا تخلينها لجوليا لان روايح الكيماويات وحرارة الغسالة والنشافة راح تأثر عليها، خليها مخزن لأدوات التنظيف، وتصنيف الملابس المتسخة غرفة المعيشة خلي فيها قعدتين الاولى والثانية للجهة الثانية وحدة للاستخدام اليومي والجلسة الثانية للضيوف يعني مثل مجلس وصالة مفتوحين ع بعض الله يباركلكم بالمكان وحاولي كل يوم تطلعين الاطفال للبحر ياخذون فيتامين D
منزل مباركة اختنا وحبيبتنا ريما وعائلتها الجميلة🥳🥳 ننتظر لمساتكم الشخصية بالشقة مشتاقة لجوء الشتاء معاكم ورمضان باذن الله ❤❤❤ بالنسبة للغرفه المستقله فعلا اذا آدم ماعنده مانع افضل له لان الاولاد مو زي البنوتات حوستهم بالغرفة اكثر ويجون صديقاتها تحتاج مساحه للخيال🥰🥹
ماشاء الله يجنن البيت الله يهنيكم، احس حلو مره لو تحولين احدى الغرف الي تحت لغرفة استقبال الضيوف بحيث تكون الصالة الي فوق خاصة فيكم وللضيوف المقربين انتظر شطارتك بخصوص هالموضوع واستنى كيف رح تحولين غرفة ادم وغرفة جوليا لأحلى غرف 👍🏻💖💖
افضل تعملي غرفة استقبال للضيوف تحت و غرفة الثانيه اتركيها نوم و اللي فوق انقلي ادم للغرفه الثانيه و خلي جوليا و فالمساحه فالصاله سوي جلسة ثانيه عادي او اعملي كورنر كفي او افضل تكون جلسة استرخاء ع البلكونه❤❤ وتتهنو ان شالله فبيتكم
ماشاء الله تبارك الله ياريما ... الله يجعله منزل مبارك ... تفاصيل البيت والتصميم جميله ماشاء الله ومع ابداعك ولمساتك اكيد حتكون اجمل واحلى ... والاطلاله دمار الله يبارك لكم ... خلاص لو انا مكانك ماعاد ارجع امريكا ... استقروا في دبي
الاطلالة تجنن ماشاء الله احس راح يكون فطوركم و تحدياتكم دايماً في البلكونه و راح تنبسط نانا اذا جات.. بخصوص البيت احس لو غيرتي سريرك لكينق سايز راح تضيق الغرفة و تضطري تشيلي الشست و الدريسر .. و اقترح تخلي الغرفة الي تحت فيها سرير مفرد تعمليها غرفة العاب او غرفة رياضة و الثانية تفضل للضيوف
مبروووووك النقل بس فيه كم اقتراح اول اقتراح انكم تفصلون مكان الغرف اللي فوق بباب يكون مخفي علشان الخصوصيه ثاني اقتراح انه الغرفة الليلي للمساعده تحطيها بشكل انه فوق سرير وتحت مكتب و داوليب تخزين علشان تعطي مساحة للغرفة والغرفة المعيشه تحطي التلفزيون فنف المكان اللي ودك تحطيه بس مو على الجدار على طاوله بيطلع فخم❤❤❤🎉🎉🎉🎉🎉 20:32
بس لو تسمحي برأيي قدام المطبخ لو تحطي كرسيين مقابل بعض يكون بينهم طاوله دائريه او زي ماتحبي وفرشه بالارض مع زرع متأكده راح يكون افضل شي بحيث لو ودك تتقهوي او احدد يجلس قبالك بالمطبخ يسولف معاك يعني تكون منطقه رراحه ولشرب شي ع السريع ..
الف مبروك و الله يجعله بيت عامر و حياج الله في دار بوظبي نورت الامارات بوجودج و استانسنا انج اخترتي بوظبي و ان شاء الله بتحبينها وايد خاصتاً فالشتاء 😂🤍، احس بدال ماتطلع الدواليب البنيه من غرفة الضيوف تصبغهم اوف وايت افضل و احلى و اوفر و ريما مبدعه ما شاء الله بتبدع.
ما شاء الله بيت جميل ومريح وتصميمه مره حلو الصراحه الاطلاله تفوز ما شاء الله بالنسبه للمساحة الي خلف الكنب طاولات الطعام تكون فيها افضل الصراحه ومكان طاولات الطعام خليه ركن كذا صغير او رفوف فيها كتب مثلا اشوف ان الافضل بعد ما تسوي الصاله تكون وراها طاولات الطعام وقدام المطبخ يعني مكان الطاولات الي قبل هاذي ركن كافي او رفوف عليها كتب ❤
و الله الصالة حيرتني ما عرفت وين لازم ينحط الكنب لانه المطبخ قريب منها و خوفك ريحة الطبخ تلصق بالكنب و الطاولة احس حطيها مكان التلفزيون الي قلتي عليه و الجلسة نفس مكانها بس خليها مطلة على الشباك بدال مايكون ظهرها على الصالة اتمنى فهمتي ودي ارسملك مخطط 😂 16:13
الشقه حلوه بس الاثاث مخرب لو ينصبغ لون فاتح بيكون افضل واشرح، وهم في اقتراح حق غرفه جوليا ممكن اتجيبين لها السرير الي متصل مع التسريحه عشان مساحة الغرفه وبعد ماتكبر شوي ممكن تنزل تحت غرفة الضيوف أو تبدل مع ادم وهو يروح غرفة الضيوف ❤❤ منزل مبارك
منزل المبارك الله يجعلكم من متهنين يارب 💙💙 الغرفة اللي فيها غسالة افضل ماتحطين فيها احد من عيالك لانها صغيره مره وكتمه ولا فيها دريشه بذات مايدخلها شمس لطاقة لغرفة
بالنسبة للمكان اللي تحت أفضل يكون للجزم.. خذي المكتب والمكتبة اللي بغرفة الضيوف لغرفة الأولاد فوق، احس لسى آدم صغير على النقل إذا كبر شوي نزّليه تحت بغرفة الضيوف.. التلفزيون انقليه لجدار عرضي، والكنب يكون حرف U على الجدار المقابل له جدًا أشرح، والمساحة اللي عند الباب تقدري تستفيدي منّها بإضافة المكتبة وأريكة
ماشاءالله الله تبارك الرحمن الله يهنيكم يارب ماشاءالله البيت حلوو بخصوص مكان الا قلتي تحطين في تلفاز على جدار لو تجيبون دولاب وتسون زي ركن القهوة وتعلقون لوحات او زينة زي كذا💗💗💗🙂
احلى شيء في الشقة الاطلالة ف لو تغيري الستائر تكون شيفون كذا شفاف ابيض او سكري لكل الجدار بيكون مرررا و حلو و تبين الاطلالة اكثر بحيث حتى اللي داخل يقدر يستمتع بالاطلالة
الف الف مبروك الله يجعله منزل مبارك ويعطيكم خيره ويكفيكم شره الصدق افكار التعليقات حلوه بس الصاله صدق صعبه بس ممكن تخلين طاولة الطعام قدام باب البلكونه افضل وتدخل الشمس احس مريح واجمل ويكىن فيه جلسه ثانيه مكان طاولة الطعام او اي فكره ممكن تجي احلى
ماشاءالله تبارك الله الله يعطيك خيره ويكفيك شره ويحفظكم جميعًا يا رب كنت اتمنى يكون بيتك عندنا بالسعوديه ياالله كلنا واحد أهم شي انك قريبه من أهلك ❤❤❤️
ريما يا حبيبي منزل مبارك و الله يسعدكم و يهنئكم ف سكنكم و حياتكم 💓💓💓 ف حاجة ف خاطري م قادرة اوقف افكر فيها احس زوجك ديميتري يمكن بالحلاقة هذي او شيء صاير يشبهه شخصية مايكل من Grand theft auto V يشبهه بشكل موو طبيعيي🤣🤣🤍🤍 بس لايقه عليه
ماشاءالله منزل مبارك ياررب❤🎉،، بالنسبه لفصل الاولاد انا أفضل يكون ادم بغرفة الضيوف الي تحت،، وجوليا تبقى بالغرفة الي فوق عندك ،، لان غرفة العامله احسها غيرر مهيأة ابدا للنوم ومكتومه مافيها حتى شباك، وعسى الله يهنيكم ويجعله بيت الهناا❤.
منزل مبارك اقترح الغرف اللي تحت وحده نوم للضيوف والثانيه جلسه ارضيه عربيه وتلفزيون تكون كملحق او غرفة العاب ودراسه للاطفال وترا التلفزيون بالصاله مكانه حلو عشان تردد الصوت مايكون ازعاج للنايمين
ماشاءالله لا قوة الا بالله الله يعطيكم خيرها ويكفيكم شرهم منزل مبارك تعيشوا فيه ايام سعيده ، فعلاً الاثاث البني ظلم الشقه مع ان التصميم و الحمامات بيرفكت بس الوان الاثاث كتمت المكان ، الغرفه الثانيه الافضل تكون لأدم لأن جوليا اغراضها حتكون اكثر بما انها بنت ، اما صالة المعيشه الوانها حلوه حتى الادراج البنيه حلوه لو كان وراها جدار بورق حائط حلو و تحف ب ألوان فاتحه ، اما المساحه الواسعه اقترح تخلينها مثل ماهي بس مجرد تزيني اركانها ب تحف على ذوقك تكون متنفس لكم من بين المساحات الضيقه عشان ما تحسوا ب كتمه من المكان مع الوقت.
ماشاء الله على البركة البيت الجديد الغرفتين اللي تحت وحده خليها سراير نوم لاهلك لما يجونك ينامون عندك و الثانية غرفة مكتب و العاب للاطفال ، استقبال الضيوف في الدور العلوي عشان المطبخ قريب منك و سهل عليكي و حطي طاولة التلفزيون عند جدار المطبخ و جيبي كنب مريح على شكل حرف L لجلستكم و الكنب هذا حطيه بالمساحة الفاضية لاستقبال الضيوف و جلسة اضافية لكم ، الاطفال خليهم بغرفة وحدة لين يكبروا شويه و يقدر ادم ينام وحده نزليه بالغرفة اللي تحت و الله يحفظكم و يمتعكم ببيتك
منزل مبارك ريما ماشاء الله ❤❤❤ الاثاث راهي ومرتب ومودرن كلاسيك؛ اذا تبين تسوين تغيرات اعملي ورق جدران بالوان هادية واشتغلي على الديكورات والغرفة تنفع لجوليا 😍 رتبيها بالوان زهرية واثاث اييكيا الصغيرينفع لها اذا تجيبين السرير اللي بدرج خشب وتحته مكتب ؛ وبالنسبة لسريرك نزلوه تحت بالغرفة المفردة؛ المساحة الفاضية بالصالة مممكن تخلينها مساحة دراسة ومكتب مشترك لكم منزل سعيد ❤❤❤
Wow the new house is amazinggg I would recommend the table upstairs to be placed in the area where you suggest TV be replaced and I would not say to put julia in that room since it is very small room
البيت جدا جميل الله يبارك لكم يارب. اقترح وحدة من الغرف اللي تحت تصير غرفة استقبال للضيوف مثلا ضيوف من دوام زوجك بدل ما يطلعون فوق و تسوون مطبخ تحضيري صغير تحت يخدم الغرفتين اللي تحت. كمان الفراغ اللي جنب الدرج لا تخلوه لتعليق الملابس و الجزم لانه هو أول منظر للي يدخل الشقة الا لو كنتو بتسكرونه كامل . وترى الوسع حلو في الصالة للعب الاولاد او جلستهم فلا تستعجلين و تعبينه من الحين لان لما تعيشون و تستقرون بتلاقون له فكرة حسب حاجتكم.الله يباركلكم يارب و دايما تعطين طاقة ايجابية .
اقترح عليك ( تفصلين الاولاد عن بعض - طاولة الطعام تكون مكان القعده اللي هم حاطينها مع فرشه و طيور على الحائط - و مكان طاولة الطعام يكون فيه 📺 على الجدار اللي فيه فتحه عشان تحطين ديكور و يكون شكله حلو و معاه جلسه .. و المكان اللي عند الباب يكون زي المكتبه لك و للاطفال او مرسم صغير او اي اهتمام عندكم ) موفقه متحمسه لشغل اللي بتسوينه 🤍
