@@user-sk2nm4sx8f محتاج خمس فدان في قرية الحارة للاستصلاح وطبعا ها احتاج خبرتك لبناء استراحة 60م وباقى الخدمات وارشاداتك .. بس ياريت مايكنش الارض محدوفة قوى
ربنا يبارك في حضرتك...التكاليف مش هتزيد لو تم شراء الأرض بشكل صحيح و تم التعامل مع تجار و مقاولون يتقوا الله في عملهم...و نرحب بتوضيح حضرتك بإضافة أي نقطة للدراسة حتى تعم المنفعة على الجميع
السلام عليكم ورحمة الله وبركاته الدراسة ممتازة جزاكم الله خيرا و بارك فيكم. و لكن حضرتك لم تذكر ثمن الأرض المدفوع للدولة و التقنين. لم تذكر اي مخاطر او أزمات طول خمس سنوات.افترضت بقاء اجر العامل ثابت مدة ٥ سنوات بعكس الواقع حاليا. استهلاك الشبكة و تغيرها. العوامل البيئية و اثرها على الطاقة الشمسية مثل الرياح العاتية و سقوط الشاسيهات و تكسر الألواح. سرقة المعدات و مقاومة الحشائش و البوص و استبدال الفاقد من الفسايل في أول سنتين. باختصار حضرتك محتاج تضيف على الاقل مليون جنيه غير فلوس التقنين للمبلغ اللي حضرتك ذكرته. ما كتبته هو الواقع عن تجربة اعيشها حاليا.
كلامك كله سليم مليون في المئه و لكن بردو في إيرادات كتيرة انا ماحسبتهاش زي بيع الفسائل و زي ارتفاع أسعار البلح و البرسيم أما بالنسبة السرقات و موضوع تكسير الالواح ده بينتج من الإهمال...تحياتي لحضرتك و لاضافتك الممتازة
مجهود مميز بس ارجو مراجعة الاسعار خصوصا سعر الفسائل النخيل لان المجدول فوق ١٧٠٠ ج يعني بند الفسائل بس هيعدي معاك المليون وحدها كمان حفر الابار اظن اغلي من كده كل الاسعار اغلي من كده بكتير جدا
مليون واربعمائة وخمسون الف جنية علشان تعمل مزرعة ٢٠ فدان نخيل وبرسيم دول غير العمال والحراسة والمهندس يعني حطلك اثنين مليون ومائتان الف او ثلاثة مائة علشان يطرح البلح ممكن لو مجموعة من اربع افراد يتشاركو ويزرعووو بتوفيق يارب ربنا يرزق الجميع
السلام عليكم ورحمة الله وبركاته الله ينور عليك معلومات قيمه استفسار بالنسبه للخمسه فدان رشاشات هي تصليح 3 الف جنيه كافيه ولا محتاجه ليزر وخاصه الأرض مختلطه والطفله اكثر فيها
سؤال مهم جدا...طبعا التسوية بيحكمها عدة عوامل منها زي ما حضرتك قولت طبيعة الأرض و الاستواء الطبيعي للارض من البداية و بشكل عام ربما تزيد التكلفة عن ٣٠٠٠ الفدان لأن الافضل طبعا أن تكون الأرض ليزر
كلامك معظمه صح بس البرسيم في الواحات بيتباع بالقيراط ب 200 جنيه يعني الفدان ب 5 الف والنخل انت ما حسبتش الفاقد والترقيع وان بعد 5 سنين مش كله هيبقي قد بعض
السؤال المهم هل يمكن زراعة ال ٢٠ فدان برسيم يعني نضيف ال ١٥ المزروعه بلح ببرسيم يحش يدويا اذا صعب اليا ويباع ام يؤثر علي النخيل وانتاج البئر لايكفي ارجوا من حضرتك اعادة الحساب لهذه الطريقه وايضا لم تتحدث عن دخل المحصول الاساسي لل٩٠٠ نخله وعائدها وتكالفيها وعمالتها بدأ من بداية انتاجها بعد ٣ سنوات مثلا واعتبرت انها بعد ٥ سنوات نقطة التعادل وضحها بالارقام كما تفضلت في تكاليف وعائد البرسيم الذي اقترحته حيث انها هي المحصول الرئيس الذي انشئت لاجله المزرعه .وشكرا علي المعلومات القيمه لكن الدراسه ناقصه اتمني من حضرتك الرد
اسعد بتعليق حضرتك... و لكن حضرتك بتتكلم عن نموذج مختلف عن الدراسة الي انا قدمتها و بالتالي عايز إعادة الدراسة كلها من جديد ده في حال زراعة الأرض كلها برسيم أما عن عايد النخيل بعد ال ٥ سنوات انا لم اتطرق له لأن الدراسات في هذا المرحلة كثيرة و إنما كان غرضي الأساسي من الدراسة هو توعية المستثمر هي تكاليف الانشاء و كيفية المرور من فترة ما بعد الانشاء حتى الوصول لمرحلة انتاج النخيل و هي تقريبا ٥ سنوات
عندي إقتراح لعموم الفائده أولا نعمل وحده البئر مع الاستفاده العظمي يعني البئر يكفي كذا فدان برسيم ويحتاج طاقه كذا حصان اما النخيل فيكفي كذا فدان وطاقه كذا حصان ( نفرض مزرعه كامله نخيل ومزرعه كامله برسيم لعدم الخلط ومنها كل واحد يستخلص ارقام مناسبه له ) أقصد لو شخص عاوز يزرع 50 فدان نخيل و 40 فدان برسيم يقدر يحسب بسهوله ثانيا العامل والمهندس والتسميد السنوي ل50 فدان نخيل يبلغ كذا ول 50 فدان برسيم كذا وهكذا لأي محصول اخر مش لازم تجبرنا علي 20 فدان 15 +5 واللي يغير يتلخبط ارجوا ان يكون كلامي واضح ومع الشكر لمجهودك المفيد جدا ملخص اقتراحي راسه جدوي مستقله لكل محصول ونترك كل شخص حسب ظروفه يحدد المساحات لنفسه وياريت نذكر السياج الشجري حول الارض لانه مهم وطرق واقساط التقنين لاهميتها للدراسه طبعا حتي لا يفاجأ بها المستثمر فيما بعد
اول واحد يحط دراسه واقعيه صريحه و جميله ، لكن عندي سؤال، هل النخل ما فيه اي فايده ولا انتاجية من فسائل او من غيره؟ لغاية ما يبدا يبشر او الانتاج الفعلي المقبول؟!
كلام رائع جدا وواقعي جزاك الله خيرا وكتب أجرك صراحة المزرعة إللي بالفيديو دي جميلة تبارك الله ومنظمة والنخل بصحته ربنا يبارك فيه لأصحابه ويرزقهم خيره يا رب يا كريم المزرعه دي بأي منطقة يا هندسه ؟
تسلم يا بشمهندس على المجهود عندي سؤال إذا تكرمت ليه التركيز على النخيل بالذات يا بشمهندس ليه ميكونش كمثرى او تين شركي او قمح او ذره صفراء او بقوليات وبرسيم حجازي
الطبيعة المناخية للمكان درجة التحمل الكبيرة النخيل و العائد المادي بالنسبة للمحاصيل السريعة كالقمح و البرسيم أصبحت مربحة جدا و تحبذ زراعتها كذلك المنورة و التين الشوكي جيدين جدا في الواحات البحرية بس بصراحة بالنسبة للأشجار مافيش حاجة زي النخلة
متاح شركة تباشر الأرض فكرة الايجار مش مجدية اوي موضوع المحاصيل في الواحات ليه فنيات معينة انا عملت عليها فيديو و ان تحت امر حضرتك لاي استشار و فون او واتس عةالارقام دي 01288596964 01032406975
جزاكم الله خير دراسة محترمة جدا ومنظمة ومافيش نقطة مهمة الا واتكلمت فيها هل حضرتك تفضل اننا نزرع محصول تاني بين النخيل خاصة في اول ٣ سنين اللي النخل لسه فيها ارتفاعه صغير زي البرسيم الحجازي او الفاصوليا او الفول او البصل والتوم بحيث نستغل المساحة ولا في ضرر علي النخيل
السلام عليكم يعني حضرتك الدراسة دي صاحب الارض هو اللي يعملها بنفسه طيب لو شركة هتعملها هتبقى نفس الاسعار والا ايه وممكن ترشح ليه شركة تكون امينه وسعرها معقول
ربنا يبارك في حضرتك يافندم و يسعدنا تعليقك ...ناسف على عدم ذكر هذا المعلومة و لكن كان الغرض الأساسي من الدراسة هو توعية الناس بنقاط التأسيس و الوصول حتى لنقطة التعادل قبل تحقيق إيرادات حتى لا يقعو في أخطاء من قبلهم و إن شاء الله مع بداية الموسم الجديد هنعمل دراسة الإيرادات بالاسعار الجديدة البلح الي شكلها هتكون فلكية السنة دي باذن الله و ربنا يجعله خير على الجميع
بعد ٥ سنوات مابيكونش وصل لأقصى انتاج عموما بعد ٥ سنوات بيبقى حوالي ٥٠ كيلو ده مع الخدمة الممتازة بداية من السنة الثامنة بيدي انتاج جيد ليزيد عن ٢٠٠ كيلو النخلة ده بردو مع الخدمة الممتازة و الخدمة من ري و تسميد و خلافة شرط أساسي لتحقيق هذا النتائج
@@user-sk2nm4sx8f من وجهة نظر حضرتك هل الأفضلية في شراء الأرض وتجهيزها من البداية، ولا شراء فدادين جاهزة مزروعة نخيل ومتأسسة؟ وكم سعر فدان النخيل الجاهز؟
