الاقتصاد نصف المعيشة ماشي اللي نشوفوها نشروها مريت بتجربة قبل ما نشري دار والحمد لله نقدر نقولك قعدت 10 سنوات ماشريتش حوايج تاع عراس ولا خرجة وتزوج خويا الوحيد ولوسي واختي ... وسلفت ولبست ونشري لاولادي واش يسحقو فقط وهذا يخلي لهذا هادي كي يكونو صغار طبعا لانهم كي يكبرو مستحيل يرجعو يعرفو ويتشرطو الا القليل منهم ونطيب فطور وعشاء على مرة وكلش في الدار حاجة القهوة ونعجن الخبز نقص مصروف ويقنع الخبز تاع الدار والحمد لله عمري لا تقشفت في الاكل لان نموهم يحتاج اكل متنوع ولكن كنت نبعد على الكماليات كانو اصدقاءهم يدو لمجة من الحانوت شوكولا وقاطو..... وانا نديرلهم خبز وفرماج مع فاكهة ولا تمر ... المهم حاجة من المنزل و مادرتلهمش دروس خصوصية حتى مرحلة الثانوي نتبعهم في المنزل ونراجعو و نطبع مواضيع ونقص دراهم دروس خصوصية وكاين بزاف حاجات في الدار تقضي واش تسحقي ماتبذريش ماتشعليش ماشينة تاع حوايج حتى تتعمر و الاقتصاد في الكهرباء كنت نقولهم ماكاش اللي يشعل الضوء في النهار حتى للمغرب وترباو هكا الحمد لله علمتهم يكملو الطبسي وهذا من باب اكرام النعم حتى تدوم والحمد لله حنا كعائلة نرفدو بعضانا كما الملابس بين الخواتات هادي تمد لهادي تربي بيهم و كما الكتب المدرسية كذلك والحمد لله ربي يطرح البركة اكثري من الدعاء وقولي بسم الله قبل كل عمل وربي يرزقك بمنزل كما حابو قلبك يارب العالمين ، حاجة مهمة تاني اذا كنت تخدمي انت والزوج اللهم بارك شهرية تتصرف وشهرية تتخبى واذا يخدم الزوج وحدو لازم يزيد عمل اضافي وانت من المنزل تقدري جيبي مصروفك بحاجات بسيطة تخدمي على روحك حلويات ولا تشدي اطفال صغار ولا تفطري اللي يجو من المدرسة.....
نظن الأخت الفاضلة صاحبة القناة ..حلواجية شاطرة ..وتخدم لي كوموند انتاع الحلوى ..وهذا أكيد ساعدها باه تبني دارها...ربي يرزقها دائما ووفقها و يرزق كل محتاج بالصحة .والمال و راحة البال و الرضى.
ختي ماجاتش فالخطة كي حب ربي يرزقك يجي شكون يجي ماينحيهالكش برك الوحدة تدعي وتصلي صلاتها في وقتها وتكثر الذكر وثاني حاجة لازم تمشي بنيتها وكاين صوالح ماشي اساسيين نتخلاو عليهم ماشي شرط نشروهم سبحان الله كاين الي تقول انا موحال تولي عندي دار وتغيضها عمرها ولكن بين يوم او ليلة يتحقق الحلم كامل بفضل الله يعني كلش راهو مسطر من عند ربي سبحانو نشالله ربي يرزقك ختي بدار كيما راكي متمنيا
دائما كي يضيق صدرك على واش يقولو عليك الناس أكثري من قول سبحان الله وبحمده لقول الله تعالى :"ولقد نعلم أنك يضيق صدرك بما يقولون فسبح بحمد ربك وكن من الساجدين"
كلامك في صواب وجميل عندك الحق انا كنت هكذاك نسمح من حقي ونرضي الناس مي دركا خلاص من غير رضى ربي سبحانو والولدين ماعلابالي بحتى واحد شادا داري ونحافظ على صحتي وديني هذاك هو الصح انا الباقي كل تقليد كيما يقولو
صراحة عندك الحق انا كنت نمشي بنيتي نبرر و نحب يعرفوني على حقيقتي بصح عرفت بلي ميحبونيش يا لوكان نفتحلهم ابواب الجنة مالا قاطعت جدهم ديراكت و تهنيت منهم لا هدرة لا تبرير لا حب كل واحد في حدو هادا واش يليق مع العرب...
سلام حنونة نستعرف. بيك حليتي الماشينة وخدمتيها. انا عندي مشكل في التونبور راه يديرلي الحس كي شغل يتحك ما عرفتكش واش نديرلها ؟ الا تعرفيلها واش تنصحيني حنونتي
بصحتك القضيان تاكلوه بالصحة ولهنا اختي انا لولبارح درت ميناح للكوزينة درت لافيديو نتاعك ونخدم انت تغسلي من وانا من ههههه ههه من فضلك اذا مكانش زوجك خدام بعيد على هذي نشوفك ديري كل شيء ولا لالا
كلامك عسل حبيبتي نموت عليك وعلى روتيناتك وبالنسبة للموصوع ليتكلمي عليه تقولي تتكلمي عليا حتى انا نفس الشئ نحب نرضي الناس ونضل نبرر على اتفه حاجة وربي يحفضك 💕💖💋
يعطيك الصحة وبارك الله فيك أ ختي والله أ نا حبيتك من اول فيديو شفتهولك ونتي تنقي في غرفة بناتك لاني أنا تاني عندي 3 بنات 🤣وراني حباتك تحكيلنا شوية على تربية البنات إ ذا حبيتي ختي وشكرا اختك ام وصال ونهال جومانة.
والله نقولك راكي اضيعي في وقتك وفي طاقتك مع هاذ الناس اللي تحوسي ترضيهم والله وكون تشوي اللحم على الضفر ماراكي عاجبتهم وما راكي مرضيتهم انا عن نفسي بعت القضية من زمان نرضي ربي سبحانه و تعالى ومنبعد انا ومن بعدي الطوفان اديها نصيحة كن اختك كبيرة عيشي لحياتك وما تخلي حتى واحد يعيشك حياتوا
يعطيك الصحة ختي انا تشتركت جديدة الله ابارك قناتك هايلة والله يا ختي غير درتيلي القلب او هادي المراة جيرية لي نحوسو علها تكون كيما حنا ربي يحفضك 😍 😍 😍 😍 😍 😍 😍
والله نقولك راكي اضيعي في وقتك وفي طاقتك مع هاذ الناس اللي تحوسي ترضيهم والله وكون تشوي اللحم على الضفر ماراكي عاجبتهم وما راكي مرضيتهم انا عن نفسي بعت القضية من زمان نرضي ربي سبحانه و تعالى ومنبعد انا ومن بعدي الطوفان اديها نصيحة كن اختك كبيرة عيشي لحياتك وما تخلي حتى واحد يعيشك حياتوا
