صدقيني تطرقت لنقاط و أمور و كأنه جلست ليلة ونهار معاك و حكيتلك حكايتي....بارك الله فيك فعلا أنا إنسانة طيبة و ساكتة و مانعرفش ندافع على نفسي....ولكن شخصيتي قوية ولله الحمد بصح هكذاك ولقيتهم سيطرو علي و دخلت في متاهة نخمم فقط على الغير.....و مع مرور الوقت ضاقت نفسي وحبيت ندير حاجة لروحي باه نحس بذاتي لقيتهم بالمرصاد و كأنه ممنوع عليك تخمي في روحك و تفرضي شخصيتك.....من فضلك واصلي معانا هاته السلسلة حتى نصل لبر الأمان و نحققو ذواتنا مع أنفسنا و مع عائلتنا و بالأخص التركيز على نقطة التغيير نحو الأفضل....تقبلي ودي و تقديري أختي الغالية أم سيف
يعطيك الصحة يا الفحلة راني مشتركة جديدة كلامك عجبني كانك تخاطبي فيا انا امرأة بدون عمل جامعية ضيعت روحي وضيعت ذهبي بطيبتي الزايدة مع الناس اهل زوجي لقيتهم ذيوبة صح وكنت ما نعرف والو ولكن ماعليهش الدنيا فانية وعند الله تجتمع الخصوم
والله عيبت نروح ونكبر بعجوزتي اكثر من 11 سنة وهي ماتحوس لا عليا لا على ولادي وماتجيش حتى تزور دار وليدها ،عرفت بلي لي يكرهني مالاول يبقى يكرهني والله مايتبدل ،مالقري كبرت بيها ومقيمتها ودايرة الواجب معاها المهم تبقى فيها ولا فيا ،وخلاص هاد المرة ندير كيما هوما ،ولادي وميعاملوهمش كيما وولادهم لخرين
أنا تاني كيما انتي دائما تصيبني غير أنا ودايريني التالية فيهم لوخرين فايقين بصح درك وليت ماني مقيما حتى واحد حتى راجلي كنت في خاطرو مطيحا بروحي ماهو دايرني التالية درك راني ندير واش تقولي راسي راني حاسة روحي بنادم
انا راني في خدمة متعبني ياسر مرضتني نفسيا وعصبيا وكرهت حياتي كلها بسببو راحت صحتي نفسية والعصبية بسبب الضغط من مسؤولي حتى مرضت نفسيا وجسديا وعصبيا ووصلت لدرجة الانتحار وماقدرت اغادرو والدار والله مارحموني 😢قالولي اخدمي ولا موتي😢
شوفي الخدمة أكيد فيها ضغط وأكيد مسؤولية كبيرة ننصحك اخدمي خدمتك وفقط كيتخرجي من الخدمة انسايها وعيشي حياتك العادية وديما كيتقلقي من الخدمة تفكري دراهمها وكيفاه حيكون وضعك لوكان تخليها يعني المال راح يصبرك
انا عجوزتي تعيطلي الجايحة. وانا طايعتها كثر من بناتها. ومع الوقت فطنت وجبدت روحي ووعرت مع زوجي وليت نقول لا على كل حاجة ماتسعدنيش عيت من الاستغلال تاعو واهلو و لا يقولي كنت نعجة. وليتي تعرفي تهدري قتلو انا نعجة وانت طول عمرك ذيب وانا كنت عمية. ربي وكيلهم خرجت نيتي فيهم ومايحشموش
بارك الله فيك اختي في الله الموضوع هذا جا في وقتو انا و اعوذ بالله من كلمة انا نية بزاف و عاملتهم على أساس عائلتي و امبعد ظلموني و حقروني و تهموني بكلام مقلتوش و افعال مدرتهاش واجهتم بالقرآن و وكلت عليهم ربي و قررت نبدل اسلوبي معاهم نروح ادير معاهم الواجب كيما قال ربي و النبي علاقة سطحية و نبقى بقدري بزايد من النية و الذل كيما يقولو لا طاعة لمخلوق في معصية الخالق و ربي يعطيك صحتك و يخليك لاحبابك
فرحتيني كيقلتي في الاخير انك بديتو تبنو داركم وحدكم بعيدا عن العائلة ومشاكلها هكا احسن وكل خير درتيه متندميش عليه بالعكس اولا عند ربي تلقايه ثاني حاجة علمك بزاف حوايج في شخصيتك الان الهاي بروحك وبراجلك وولادك وفقط
السلام عليكم ماشاء الله جا موضوعك في وقته كنت نخمم فيه في عقلي انا جاية ماننساش عندي شخصية وفرضتها لكن مازال حقد في قلبي على عجوزتي وبنتها وانا يتيمة 8 سنوات باش فقت ومازاني بنيتي عطيني حل نتخطى الذكريات مانجمش نشوف في وجهم نحس روحي حقودة باغية ننسى ونعاملهم عادي بارك الله فيك
موضوع في القمة.نتمنى لوكان جات المشاكل الزوجية تتحل بهاد السهولة.مين داك نتي تسعاي باش تصلحي الامور و تلقاي هداك الراجل غير زقا و معايرات على اتفه الاسباب.شغل يسكتك ديراكت.انا اليوم لقيت روحي منيش قادرة نسمحلو بسكو مقادرنيش قدام اهلو.راني عايشة و خلاص و دايمن في خوف.معنديش الامان في زواجي منيش قادرة نزيد ندير فيه لمان بسكو جرحني.
على هكاك لازم تكوني قوية ذكية وتخمي في روحك وحقوقك والاهتمام بنفسك ماشي بالاخرين وهذا يلزمه تصميم داخلي من عندك بلا متقولي لاي احد يعني تولي تعولي على نفسك وسعادتك تربطيها بنجاحك انت وبيك نت ماشي بيه هو يعني تتغيري اولا نفسيا وعاطفيا وربي راح يكون معاك
والله معنديش شهور من زواجي رجعت كي لعجوز ذبلت ماما نية مالقيت لي يفهمني لا يوصيني .وانا عروسة وصلت لطلاق غير دعوة ميمتي سلكت على خير بسباب اهلو. ومزال ماتربيتش ومعرفتش كيفاه نجبد عليهم .انصحوني
اول نصيحة قومي والهاي بروحك هاذا اول شيء في شكلك في مظهرك في شعرك ماكياجك اسلوبك وكلامك مع راجلك لازم ديري لي تقدري عليه وقولي اكثر باش تحلاي في عينيه لانك عروسة ثاني شيء متركزيش الان على علاقتك مع اهله خليها في حدود واجب متغلطي مهاهم ما تدخسي عليهم خلي حدود باش يهابوك ويقيموك ويحترموك المهم نوصي ونعاود عاودي ارجعي عروسة من اول وجديد وافرحي مع راجلك رانا في عيد اصبغي البسي بصحتك حبيبتي
انا درت عليها وعليك بالصبر وطولة البال انا القيح كان مايحبش خلاص والفوحة تضرب من ابعيد وماكانش علاج قد ماء البحر تقعدي فيه وادعي لاختك فالله نرتاح من النزيف الرحم وربي يشافيك
