عندك ألف حق اقراي تعليقي للبنات باه يديرو القلب أنا طميت و شريت ذهب كبير و الحمد لله في عمري 36سنة بعت جزء فقط منو وشريت قطعة أرض على شاطئ البحر منطقة رووعة في العاصمة و زدت شريت محل في lpp 🎉كتبتهم باسمي طبعا ههههه زوجي جادارمي متقاعد شهرية مليحة بصح أنا وهو درنا مشروع حلويات أنا نخدم في الدار و هو شاد المحل ويعاوني في الديكور وكلش علمتو هههههه..الحمد لله ربي يرزقنا و يرزقكم ❤.صديقتك السطايفية عايشة في العاصمة
سامحيني الشهرية ما تعملش الشي هذا روحي احكي حكايتك بعيد فرضا خبيتي 100 مليون فالعام ما تشريلكش 70غ و ارخس قطعة ارض المتر ب 10 مليون او اكثر انا نسكن في ولاية داخلية و قطعة ارض 120م تتباع بمليار
@@nassirafernane9871 يا اختي ماعندي علاه نكذب عليكم و ربي شاهد عليا والله غير هاذي هي الحقيقة..بصح أنا ماشريتش الذهب بشهرية راجلي..داروهلي دارنا قبل الزواج و المصروف اللي يمدولي ابي وخاوتي ديما نلايمهم و نشريهم ذهب يمكن مافهمتكمش مليح..و قطعة الأرض و المحل..راجلي ماساعدنيش فيهم..كلش بدراهم الذهب وسقسي على السطايفيات واش يكسبو ذهب اختي..وراني نخدم أنا و زوجي باه نقدرو نبنوه لوليداتنا بإذن الله.. والله على ما أقول شهيد
عندك لحق اختي انا راني مرت ضابط وملي وليت نشوف ليفيديو تاوعك تعلمت كفاه نقتصد كنت من قبل غي نصرف وخلاص مدرت حتى فايدة وماكلة كل ناس راهي تاكل صح في فايد لي نديروها زيادة فينا وفي ولادنا
سلام زهرة يا ختي انا من نهار شفت فيديواتك تغرمت بيهم وين ما تحطي فيديو ندخل نجري محتواك اكتر من راءع و عجبتني افكارك وتدابيرك تبين المراة الفحلة تاع الصح يعطيك الصحة ونتمنى نولي كيفك في التدبير ماشاء الله عليك.نتمنى انك تواصلي في محتواك وربي يوفقك
ياوينا ماتريبونديش،راكي غير كي تخرجي مع لمسيو تخرجو خرجة بطبع غير خلي ينضروك بعين شفقة ومايضبحوش عليك ويعينوك راه كلش باين مشاء الله ويحميكم غير خلي يقولو 😅 خليك معانا حنا نحبوك والله غير راني في 32وتعلمت من عندك ونحب نسمع لتقراصك
أول مرة نكمونتي ختي عندك ألف حق أنت قناتك قناة توفير وتحفيز على الادخار نشهدلك أمام الله أنك علمتينا كيفاش نتحكمو في المصروف أنا عن نفسي الزوج راه حاير عندي 3اشهر وأنا نتبع فيك درت الحصالة عاودت بيها كامل فراش داري وزدت بزاف حاجات في داري والزوج قالي موليتش نسمع كلمة زيدلي الدراهم وليت أنا دائما نزيدلو هههههه انا خلصت بدراهمي العجلات تاع سيارتي والله الزوج فرح كملي ومتوليش للوراء وأنا ضد القنوات الي توري أشهى المأكولات ميخموش على المسكين ولا المرأة المتوحمة إن شاء الله يارب كل شي بالحسنة
وادم منين تشريهم ؟؟؟؟ اللحم او الكيلو ب 250 الف سمى ادام التقسيم مش صح ولا كيفاه ؟؟؟ حكيت عليكم لماما واختي وراجلي قتلهم كيفاه تتصرف ومكفية قالولي ماكانش منها ادي!!!! سمى هم عندهم حق ولا انت ؟؟؟
هي صارحت من قبل قالت زوجي كيجي يجيب خيرمعه ربي يحفظه لعايلتا وراها ت ري غيرتمرولا حلويات بلاك تقول منوريش باش لمدخولهم ضعيف يتشجعوا وفهلا راهم نجحوا في تحديات عى حسب بعض تعاليق
هنا تناقض كبير اختي ...تقولو لناس اشرو بالحبة و بصدر الجاج و الناس تبع و من بعد تخرجي بفيديو كيما هذا😂😂😂😂...تقسيم خرطي في خرطي متبقايش تتفيهمي على الناس 😅😅
جاتني عادية مراناش عايشين مع يوم بثانية نهار ليجي زوجها يجيب معه عادي هي هدفها تديرقلب لنساء في تحديا ت وفعلا نجحت نساء لكانت تقول ثلاثةواربعةمتكفناش نجحوا وداروا تحديات ولكانوا مبذرات حبسوا تبذير زعما جات غير علىجيقوا لحم انظروا جانب ليهمنا ولدخلنا عليه لقناة وعجبنا
لا خير في قوم لا يتناصحون ولا يقبلون النصيحة عندك ألف حق حبيبتي زهرة هذي هي الطريق الصحيحة لي متنظمش روحها وتخرج من العشوائية متدير حتى حاجة في حياتها الصحة غدارة والراجل مفيهش آمان والوالدين مشي دايمين لمرأة يلا مكانتش قافزة ولمت دراهم تحتها مهيش مرأة ولي راهي تنتاقد في محتواك هذيك بذات لي تبقى تالية النساء كي مقدرتش تتحكم في نفسها تبدا تنشر فلطاقة السلبية والكلام الجارح تبغي قاع ناس تكون كيفها ومتتقدمش في حياتها خايفة يفوتوها ويديرو تاويل تبغي تحطم الناس بسكو هي محطمة
ربي يخليك لينا أختي زهرة وخلينا من الطاقة السلبية والدنيا مراهيش غير ماكلة والله أنا غير درتيلي قلب وليت نحسب لدورويا وين نحطو والله غير ربي يخليك لينا ويطول في عمرك وعمر طاطا
انا تاني عمري ماطيبت العدس او اللوبياء باللحم او الدجاج نحب نستطعمهم .وراني معاك في واش قلتي كامل ربي يباركلكم في رزقكم انت راكي تخاطبي في 90بالمية من الشعب الجزائري شهار وقد الحال وراكي توريلنا في طريقتك باش نستنفعو وندو افكار تعاونا على الحياة وعلى المعيشة بارك الله فيك اختي العزيزة❤
ماديريش على الناس السلبية عمرها الماكلة ماكانت مقياس وانتي الله يبارك بنت عز ودلال وماكش متصنعة وزواخة على هذا نحبوك ونستنو فيديوات بفارغ الصبر انا على نفسي نقولك يرحم الكرش لي جابتك فيقتني لياسر حاجات وبفظلك درت القلب ❤
والله يا وينا انا درت حصالة خمسة الاف ودرت لأبني ثاني وراجلي خدام ويخلص مليح وانا متقاعدة وعندي دراهم في البنك ودايرة تحدي خمسة الاف كي نسحق نخرج ناكل برا ونشري حاجة خفيفة نشري منهم والله راني فرحانة بيها
اختي انا متتبعة ليك من العاصمة حبيت نقلك يعطيك الصحة على وصفاتك الاقتصادية و نصائحك القيمة نبرة صوتك برك تزيدلي الطاقة الايجابية و كل واحد يضربو فيه راهو ناجح تحياتي ليك و ربي يوفقك ان شاء الله و مزيد من التألق ان شاء الله
يا وينا اختي مدريش عليهم انا نهدر على نفسي والله ستفت وتعلمت منك بزاف وزيد بتقسيم تعك ولين ناكل مليح اللحم والجاج كنت نبذر ومنوفرش ومنلحقش باش نشري اللحم والجاج
انا غير كيما عرفت قناتك حوالي شهر وبديت فورا نطبق في افكارك لانهم عجبوني واقتنعت بيهم وانشاء الله نلقى روحي معاك شهريتي قليله ربي يباركلي فيها وماكاتش حتى حاجه مستحيله رانا معاك ونطبقو في افكارك حتى يفرح ربي سبحانو ما تعمريش راسك بالناس لمريضه وخليك مع الناس لي محتاجه نصايحك وافكارك يعطيك الصحه
وينا نتي مرا زينة ورزينة ربي يحفظك وباينة بنت عز وكابرة فالخير ماشاءالله عليك والله كنت نشوفك تحطي وصفات بسيطة واقتصادية كنت حاساتك تحشمي تحطي وصفات بالحم على جال المشتركات لا يتشهاو كيما يقولك ناس الغرب الشبعان يشم يده يشبع كرهنا من هادوك يوتيوبرز لينهار وهما يفريموا على الناس والله لا نحبك وعجبتني قناتك خاطر لقيتك مرأة راقية فكل شئ نشالله بنتي تخرج كيفك يارب الله يرحم الام ليجابتك
مبصح حبيبتي راكي برتاجيتي زعما توري للناس أو محترمتيش الفيءة تاع الناس لزعما تخافي عليهم، أو متقوليش كي قتلك هكذا راكي تشهي فيا الحمد الله انا خدامة أو راجلي خدام ناكل أو نوكل ولادي غير قلب حبة حبيبتي،مبصح مش مخلوقة نوري للناس باش ليماشي لحقين مساكن ندي ذنوبهم،الله يهدي والله غير عقليتك تاع الذر مع الوقت تعيي
والله انا مانعرفكش بصح فقت بيك انت طيبي وماتبينيش على جال الناس استفدنا منك بزااف ماديرش على الهدرا وبرافو عليك الله يرزقك ويرزقني ويرزق الجميع ياا رب ❤❤❤❤❤
نحن قوم لا نأكل حتى نجوع وإذا أكلنا لا نشبع الدنيا مشي غي ماكلة الحياة مسؤلية فيها الأساسيات وفيها الكماليات وتقدر غي حبة بيض تعوض البروتين لي كاين في اللحم مشي مشروط كل واحد يدير على حساب مقدورو ❤❤❤❤
الله الله على بنت بلادي ربي يباركلك في رزقك مرأة بالف راجل راني نسمع في هدرتك ويزيد اعجابي بيك اكثر ماتتصوريش كيفماه اثرتي فيا و بدلتيلي حياتي وليت ورقة وستيلو
كل واحد حر في حياتو لكن ماجيبيش 3ملاين تفتتيهم وتزيدي تورينا بلي زادو فضلو رانا عايشين في بلد واحد..لكن ان كان على خرجاتك ولا اكلك انت حرة كل الحرية وبصحتك وصحة وليداتك..
والله العظيم عندي صديقتي من3ملاين (شهريةزوجها)معيشة منها عايلتها من5افراد و تفضل منها عايشة قدرها ..عادي كل واحد وكيفاه يصرف وجامي خرجت بلا عيد وجامي صامت بلا مصروف و ....... ربي يحط البراكة
هي صارحت من قبل قالت كيجي زوجها يجيب حلويات وتمر وطبعا حاجات كبار كجيقو لحم ولا حاجات متورهيش تحسن عون زوالؤ هي قناتها تشجع لراها مدخولهم ضعيف ومع غلاءتشجع مراة باش متفشلش وربي ينجحنا كامل يارب
كلامك موزون ❤ عقلك يوزن بلاد ❤ ربي اتمملك كلش على خير و نشوفك من العز للعز ❤ بالنسبةl'assurance ou les pneus ايه حبيبتي علابالي بيهم ماشاء الله عليك امورك فاريتها a l'avance ❤
حبيبتي انت بنت العز والبها وشبعانة من داركم أختي حنا بغيناك على خاطر لقيناك على حسابنا وبسيطة بزاف وتدخلي للقلب والله متعمري راسك بيهم اههه ومزال كاين عباد يحكو على الماكلة
متزعفيش روحك وينا صح كل واحد يعيش حياتو علا حساب واش يحب بنت العز عمرها متتهز دنيا هدي تدبير ماشي تهنبير ❤❤❤ مترجعيش علا تعليقات السلبية اديها مني عند اختك
المهم وينا ختي انك اديت اجر عظيم فالعلم لي علمتي الكثيرات منا ونورتينا وفرجتيها على كل وحدة فينا وهادي صدقة جارية عليك قسما بالله ولي يهدر بينو بين مولاه وايضا والله مليح لي هدرتي والله كلامك كلو فالصواب👏👏👏 وزدتي كبرتي في عيني كثر حبيبتي ربي يحفظك حبيبتي ويكثر من امثالك ويعطيك ربي خيرات كثر وكثر وحياة طيبة جديدةنشاااءالله والله اختي تستاهلي كل خير❤❤❤❤❤💋💋💋
يعطيك الصحة حبيبتي وربي يفرحك حنا نعرفوك انسانة مقتدرة ونعرفو بلي راكي تحطي لي ينفع اغلبية المتابعات نتاوعك انت مثال المرأة الشاطرة ولي تعرف صلاحها والله غير زدتي كبرتي في عينينا اكثر واكثر انا تاتي نقتصد اسبوع مثلا ونديرلهم نهار ياكلو فيه واش تشهاو هاكا نعيشو ومانحتاجو تاحد ومانقصدو تاحد لا افراط ولا تفريط ونديرو التاويل بلي نقدرو عليه الله يجعلها في ميزان الحسنات يارب 🤲🏻🥰
Je suis la première 😅😅 madirich alihom kol wahad il sait se qu'il faut pour ces enfants et sa famille bayna bant khir mais lazam nakharjou ma tabdir mara hak wa mara hak je vie presque la même situation que vous machi kamal yafahmouu wlh rabi m3ak wa kamli m3a tahadii w tchhiha ta3 50 da
كون ريبونديتي كيماا صبرينة قاتلهم بناتي هكذا ميحبوش ياكلو بزاف يحبو لاطاي مش نهار كامل غير يخمو في الماكلة حنا في سطيف نقولو القط كي تبعدو الشحمة يقول شبعت .مديريش على عباد سلبيين نحبك نموت عليك سمية من سطيف.
عندك الحق،ماكاش اللي تقتل ولادها بالشر،هادي ماشي هدرة،علاش أم وليد واش طيب؟ الله يبارك عليها و قناة كبيرة بملايين المشاهدات طيب وصفات بسيطة و اقتصادية و واحد ما قالها جوعتي ولادك،طيبي يقولك شهيتينا حرام عليك،ما طيبيش ديري حاجة اقتصادية يقولك مشحاحة،والله خليونا من التعاليق هادو ولات مسخرة،المرا في دارها فحلة وولادها لاباس بيهم،اتعلمو منها الحاجة اللي تنفعكم و حبسو
السلام عليكم اختي بغض النظر على التعليق االاخت او الأم مادام قالت ستين سنة كان من المفروض تتقبلي فكرتها وهي وصلتلك الفكرة بطريقة حضارية. لكن للاسف ردك كان قاسي ياسر ماش هك المفروض تردي عليها اختراما لسنها و مكانتها .انا نتبعك و يعجبوني افكارك لكن الفيديوهات لي تردي فيهم على ليزابوني يحيروني تقول انسان اخر راه يهدر ماش نتي .نصيحة مني تقبلي النقد كيما تتقبلي المدح وربي يوفقك و يوفقنا ❤😊
جزاكِ الله خيرا على شهادة الحق ، و هي فعلا ينطبق عليها القول ( عند الغضب يرجع المرء إلى أصله ) هي لازم تقولي نعم و عندك الحق بصح تنصحي أو تقولي خطأ ، غير مقبول !
انا مشتركة جديدة ونتبعك وتعلمت منك البلارة تع 500الف ودرتها وراني مدمنة على فيديوهاتك انا استاذة متوسط راني فالتعليم وكي يشفوك ناجحة تتلقاي انتقادات مديريش على الهدرة لكن جات يااختي الهدرة بالدراهم واحد ما يهدر كي عادت باطل كامل نهدرو انا هذا راي بارك الله فيك ربي يوفقك انا كل يوم تشجعيني اكثر وعندي طلب كثرينا من تحديات وفيديوات التوفير محتوى قناتك يفيد ناس بزاف ربي يوفقك
عندما يأتي راتبك في الوقت المناسب قد تاكل دجاجا وعندما يقل ربما تاكل بيضا وبعدها قد تاكل ما يأكله الدجاج من الذرة والقمح وعندما ينفذ ستصبح أنت الدجاجة وتضل هاءما تبحث عما تاكله