أزرق / أوسترو عرب نيوز - أيمن وهدان 

أوسترو عرب نيوز - أيمن وهدان
أزرق
كلمات : ميدو زهير
إلقـاء : أحمد حلمى
_____________
خط النيل .. أزرق
لأن الخط الميري .. أزرق
والقلم في الفصل .. أزرق
ولما قال مقلوب وطافح. .ركبوه البوكس .. أزرق
ولبسوه في السجن .. أزرق
وختموا ختم النسرالـ .. أزرق
والبنات القطر فاتهم بخ تحت عنيهم .. أزرق
واللي ضايعة بتستخبى تحت ليلة هلس .. أزرق
والجميلة كي لا تحسد كان لا بد من الفص الـ .. أزرق
والولد لفلِف ودخن. . فخ كان دخانه .. أزرق
مصمص دمه ودارى همه في البنطلون الجينزالـ .. أزرق
واللي قال حرام رموه في مكان ميعرفوش الجن الـ .. أزرق
يبقى ليه الأحمر والأبيض لما هي لونها .. أزرق