السلام عليكم الرجاء مساعدتي ، اذا كنت في مقابلة عمل وتم سؤالك ( انت مدير مشروع وطلب منك صبغ دهان طائرة ✈️ ، ما ذا تفعل ) ؟؟ ما الاجابة المناسبة من وجهة نظركم
وعليكم السلام استراتيجية الإجابة على أي سؤال في مقابلة مدير المشروع ثابتة: لا تقفز للإجابة على السؤال مباشرةً وضّح مدى إلمامك بالدور المؤسسي الذي تلعبه في الشركة، وطريقتك المبادرة في إدارة المشروعات وخاصةً جانب إدارة المخاطر. فـ في هذا السؤال مثلاً يمكن أن تقول أن أول شئ ستقوم بالعمل عليه أو السؤال عنه هو: هل نحن في وسط مشروع يتم بالفعل وهذا الطلب هو زيادة لنطاق عمل المشروع، أم أن هذا مشروع جديد سيتم إسناده إليك؟ ما هي قواعد المعرفة المتاحة في الشركة حول مثل هذا المشروع؟ هل قمنا بعمل مشاريع سابقة مثيلة له؟ هل هناك أي توثيق سابق عن المشروع؟ بهذه الطريقة توضّح أن وجودك كـ مدير مشروع هو جزء من مؤسسة كاملة. ثم تبدأ في مناقشة جوانب ومراحل إدارة المشروع العادية. فـ تبدأ بعمل ميثاق للمشروع وتحديد الأطراف المعنية وعمل اجتماعات لجمع المطالب منهم ثم العمل على سجل المخاطر وتجزئة هيكل الأعمال وخطة الجودة والميزانية والجدول الزمني .... مع التأكيد على اتباع الـ OPAs: Organization Process Assets
مفيش إجابة نموذجية، بيكونوا عايزين يسمعوا منك الأنشطة المختلفة إللي بتكون مهتم بيها وعلى حسب كلامك هيسألوك أسئلة تانية. ممكن تركّز على الـ WBS وإن ده بيكون أول حاجة بتشتغل عليها مع التيم وبتتابعه بشكل يومي وتركّز على الـ risk register وإنك بتراجعه باستمرار عشان تتأكِّد إن مفيش مشاكل
الأسئلة بتكون نوعين، يا إما أسئلة في طريقة الشغل وأدوات ومستندات وبرامج بيتم استخدامها فـ يبقوا عايزين يعرفوا بتقدري تستخدمي الحاجات دي وفاهماها ولا لأ... والنوع التاني هو أسئلة مواقف، يعني يقول لك عن حاجة حصلت عندهم في الشركة ويسألك هتتصرفي إزاي لو أنتِ إللي في الموقف ده أو يطلب منك تقولي لي مثال أو موقف عديتي بيه يكون مرتبط بمهارة معينة هو عايز يشوفها عندك، زي مهارة التواصل أو التفكير الاستراتيجي أو القيادة... بالتوفيق إن شاء الله
ابدأ من الأول خالص وخليك ماشي لغاية ما يقول لك كفاية أو يسأل في حاجة من إللي قلتها. يعني هتبدأ من أول إنك هتاخد الـ Business Case من الإدارة الأعلى منك، وتذاكر المشاريع السابقة إللي زيه عشان تتعلِّم من الدروس المستفادة والخبرات المتراكمة فـ هتراجع الـ knowledge base and organization process assets وبعدين تشتغل مع الفريق على تجميع المتطلبات requirements gathering وتشوف هل نطاق العمل واضح كفاية ولا لأ، وعلى أساسه هتقرر منهجية الإدارة إللي هتتبعها project management approach وتبدأ في تحضير الجدول وتجزئة هيكل الأعمال Work breakdown structure وتحضّر معاه سجل المخاطر وهتتعامل مع المخاطر دي إزاي risk register and risk responses stratgy وهكذا بقى، هو عايز يشوف ترتيب دماغك وإلمامك بمجال إدارة المشروعات