حشومة عليك هاد الكلمة ديال بايرة عندها 45 انا متبعاك وانا اربعينية وممزوجاش تبعتك حيت شفتك وليد مثقف وكطرق لمواضيع زوينة ولكن هاد الكلمة كتجرح وانا شخصيا مكنعرفش هاد الكوبل تعرفت على القناة ديالك فاش هضرت على لفيمنيزم والله حتى كلمة كتجرح الزواج بيد الله
انا من رأي الشخصي انه تصرف واعي عقلاني بما انهم كوبل معروف كان لازم يوضح باش ميطلعوش اشعات تمس بسمعته هو او انسانة لي كان معها وفنفس لوقت تفاصيل كتبقى شخصية هو غير ملزم بتوضيحها اهم شئ انه تكلم بكل احترام ولم يجرح وهاذا كيدل على وعي وتربية السليمة (هدشي مكينفيش انه اعقل تصرف انه علاقات انسان شخصية لازم تكون غير منشورة في العلن اذا كنتي رجل ناضج ممفروضش تشارك مع ناس هاد تفاصيل من اول)
والله عندك الحق كيفاش كيهدر برودة واخة ميكونش عندو القلب كنضن هي حنينة بزاف هو لا خاصة منين واحد المرة هي عتقات قطيط من الزنقة كانت موسخة مسكين اهو قاليها كيفاش تهزي قطة موسخة اكدا اكدا حسيتها ديك الساعة بقا فيها انا ايكون كيبغيني غادي بقا فيا الحال علاش دار رياكشن على قطة موسخة هزيتها بديك الطريقة نكدب عليه نقدر نخليه على غير هاد الموضوع حيت عندي حساس مي هوما بان ليا ديرينو غير بوز
دابا نتي حكمتي عليه وعليها لا الصراحه هي كدير روحها كيوت بزاف بعض المرات وهاد تصنع وهي أكثر حاجا ممكن تنقص من العباد هي التصنع الدري باين فيه حنون والدري طلع من الصفر وتعب على روحو وحقق احلامو وهي جت غير بحال كومبرص في حياتو وشهرها ومشات
2:50 بغيت غير نعرف واش نتا محامي ولا قاضي و لا أشنو محلك من هاد العلاقة باش تطالب من راجل أنه يقولك حيثيات الإنفصال (نشر العلاقة بين العموم فعل غبي لكن مشروعية الفعل من عدمه ليس هو محل نقاش) راجل قال مدرتلي والو و أنا مدرت ليها والو هدا رد طبيعي أش تاتوقع يقول راها دارت ودارت ودارت و هي تقول لا هو لي دار ودار ودار هدي رها فضيحة
Sara7a kan7taremek 3ela had tefkir zwen w bse7 nas khashum ywe3aw bli kula belasa fhad l3alam fiha ta9afa mekhetalfa wbli 7ena khasena ntebe3u ta9afa dyalna w nmshiw 3ela nahej dyal walidina wela kulshy raymshy f zbel kantmena nfehmu hadshy w nbe3do 3ela tatabo3 w nbe9aw tab3in ta9afa d lghereb ❤
الرجال ماتوا مع جدادنا، أما بحال هاد النوع حق الرب ما فيهم ذرة الرجولة باش توري خطيبتك ولا مرتك للعالم ويتزلل عليها لي يسوى ولي ما يسواش صافي حبس عليا ما بقا ما يعجب ..
Lmochkil dyal had les couples kaybyno lina gher lhwayej zwinin f social media makaybynoch lina lwaqi3 ou bzaaaf dyal lbrahech ou lberhochat kayt2etro bihom hit 3nd balhom hadak howa zwaj bsah ou la vie est rose🤦🏻♀️ ou lmochkil tani mnin wla zwaj concept ra ma zwaj ma hta kherya …. Bravo Bilaaaaal pour No Filter🫶🏻❤️
Nas li kitfar9o kikono l9aw rashom mamfahminch fdes axes kbar li homa li ki2tro lhayat donc makatb9ach hna ms2alat dir sacrifices o you don't give up o dik lhdra, lmochkil li kikon wa93 fhad lhalat hwa anaho lmra o ragl flwl mli kitla9aw kib9aw haslen bzaf fstade dial 3jbtini 3jbtk et surtout had li3jab kikon mrkz ela lomor superficielle , makaikonoch kina9cho dakchi li khas itna9ch et du coup mli ki9rbo lm39ol 3ad kibdaw iswlo the good questions o dik sa3a kikon trop tard.
Marouane maywselch l hed niveau ydwi ela couple w ybqa y attacker f bnadem , wakha ra flowl w flkher 7na ded l concept li ki dir fih dek abdelilah mais mkt3nich t cliper elih video is so fucking cringe a sat
ههه ف 2023 وبنادم مزال كايقول بايرااات و بااااااز على عقلية 👌 أخاي الزواج راه بحال الرمانة ماتعرفش آش طاري .. المهم لي خاص بنادم يفهم أن الحياة تستمر و مكاتوقف عند حتى شي إنسان .. كاينين شي عيوب لي مايقدرش الانسان يصبر عليهم .. على العموم الله يعوض كل واحد بلي فيها الخير ... وقضية ديال شراليها ولا شرات ليه هاديك شي مجرد اشياء ثانوية المعقول لي كايدوم 😊
woke mentality is fucking things up , khass nb9aw chadin traditions dialna a part from religion , kandwi 3la ta9alid mghribiya ou amazighiya , ama had lkhra dial western wokeness rah bnadem tma ou tle3 lih f kero , ou ghaliban mn hna 10 years atzid tkfess l9adiya
Ana kyban li b9wt nas mwlaw kyhdro alihum galo ydir had 9diya dial break up moraha bchi w9t ghdi yrj3o lina o ygulik tzwjo o rj3o yani hdchi li bn li daro haka bch yb3do alihum inin nas
الصراحة مكنتش متبع هاد الفيلم الهندي، غير هو يقدير يكون دار المونتاج باش ميبارطاجيش شي حاجي لي تقدر ضر الطرف الآخر، ولا ميقولش شي حوايج لي يقيسو البراند ديالو ولا ديالها، وميآديوش الشخص ديالها وحتى هو. هو السكريبت كيرد الفيديو روبوتيك، غير هو الهدرة تلقائية فبعض الحالات كتقدر تكبر المشكل.
شكرا شكرا شكرا اخي بلال وضحتي بزاف دلحوايج لي خاص يعرفوهم ( المراهقات ) زواج ماشي الحياة الوردية لي كيتخيلو انا متافق معاك راه ولاو دي كونسيبت من هاد نوع
شادية وعثمان تفارقو عام ونص هادي وباقي متيقتش ، مصاحبين من 2015 ودارو خطوبة وفاش تزوجو بقاو شهر مع بعضياتهم وعلنو انهم سالاز وقعلا سالاو حيت هو دب مع وحدة اخرا وهي هاجرات ..لي ستنتجت من هدشي أن الانسان يحاول يكون على طبيعتو ما امكن مع الطرف الآخر وينقص من الزواق والتزوير حيت ما الفائدة ديالو ونتوما غتبانو على حقيقتكم فاش تجمعو فدار وحدة وغتشتتوها تاني .. الانسان ولا فايك بزاف
Besides doing it for content hada aslan issue 3ndna f what you call "tradition" , we pressure people to get married o katl9a bnadem ha mgdm baghy ytzwj gher bach itsma mzwj . Ila baghi partner khask tkhtar bnadem li atfahm meah o li mchark meah f style de vie o katchufu l7ayat mn nfs lense . Ama ta dik tkoun fzwaj toxic o tsber fih (dyal ayam zman) tahia mablan ma ta9lwa . Sbr ofc hua asas ay 3ala9a ms sbr dyal nas zman most of it kan kharya elih o bnadem m3db f7yatu kayn3s 7da bnadem ma7aml fih tachufa
@@opinionated34 اودي راه باش تعرف دكشي ماشي حقيقي وصادق واحد الشخص لغتبقا تقول عليه نتا أحسن شخص فحياتي وكنموت عليك ويبقا يجيب ليك كادويات وديما فرحانين ومفاهمين ونتوما أصلا قبل متخطبو ديما كنتو كتخرجو وعارفين كل واحد فيكم أش كيبغي وغتكونو هضرتو فكلشي راه حاجة باينة وتجي فلخر تسمح فيه بهاد سهولة راه ميمكنش راه غا فيديوات دماكلة أيكونو خرجو شي 100 مرة عاد ديما كيكونو بجوج فلاصال وشوف تاني فين كانو كيخرجو هدشي قبل ميتخطبو وكيفاش متفاهموش ههههه
الناس كتصور حياتها الخاصة و لا تصلحها واقعا همهم الصور و ليس الجوهر نسو المواقف ة تغيرات الحياة و الصبر و الاحتواء الحقيقي عالم يعيش المواقع و ليس الواقع في غياب المبادئ
daba nta 3ndak afkar zwinin ou kt3rf tahdar wlakin 3lach katkhsar lhadra hite i9ade ichoufouk nass kbar ou drari sghar lay yahdik hawl min ahssan matkhsarch lhadra bach tamchi mayan
السبب حيت بنادم من لول كايعطيو واحد الجهد وواحد الشخصية لي هوما ماشي ديالو كيديرهم غير باش طيح فيه صاطة من بعد كيلقا راسو عيا من ديك الشخصية الوهمية ديالو وهيا كتكون باغاه علا قبل ديك الشخصية ... والعكس تا فلبنات الخلاصة خاص من لول تكون نتا هو نتا ونتي هيا نتي
Ana sara7a ghi kamchouf jouj far3in lina moukhna f social media tbh i just somehow know that they’re trying too do and show too much things that people get involved somehow in their life and then woow they breakup soo sara7a maybe people will call me narrow-minded but keep your life private fr. Bnadem wassol f hyato and no one knows ou jouj maend mhoum maydirou kiweriwna 💩 ila darouha hachakoum. Keep it up watching you from 🇸🇬
كنت كنتفرج فواحد خونا كيدوي على هادشي د ريد بيل وكان قال بلي مستحيل يصدق الزواج مع بنت معصرنة ديال هاد الجيل ،كنت كنقول هدا غير كيخور مي هدشي لي ولا كيبان ليا مع هاد الحالات الجداد ديال الزواج
😂زعما مابانوش ليك حالات دالفراق بين ناس عاديين بعاد على الحداثة و هادشي كامل دارو خطبة و زواج تقليدي و من بعد تفارقو هادشي راه عادي و جاري به العمل متافهمتوش غادي تفارقو و كاينين ناس بزاف كيطرا لهم هادشي فالواقع غير هوما ماشي مشهورين ماكنلاحظوش كاين كاع لي كيبقا يتجاهل كاع المؤشرات لي كيدلو على ان علاقتهم فاشلة و كيتزوجو و من بعد شهرين عاد كيفيقو و كيصدقو مطلقين
Khoya bilal habatt d'après ta7lil diali l ghebra dialo sur fb man akhir video kant lahto sofia okan howa ded lfikra dial anaha t3amel bl 3atifa m3a lmchach w men tema bdz kiban decalage f la relation o kant bayna anahom aykhtalfo akhir 2 video dial sofia kant lmo3amala dial habbat khayba m3a sofia brojola
3andek sah sbar ou wala koulchi wala baghi iban b marto ou lmra walat bagha t3i9 b rajlha hadchi wala la 3ala9a ya3ni bnadem wala 3ayech rir 3la 9bal bnadem akhor machi 3ayech rassou ou 9lil fin tl9a bnadem mazal mtsaleh m3a rasso ou ki3ich l rasso mastour m3a charik dyalo ou hadchi li kay2adi l3in ou lhssad ou katir lbaraka ou 3ad li kidir zwaj concept hadak bouhdo awedi lah ihdi makhla9 ou safi
aslan had khuna kayjini a reptile bayna fih dib ma3ndu 9lb ghi tmtil chti f khotoba dialo ki kan wjho naaachef w bhala jah malal w ghi kaydir chi rituel w sf
الرأي ديالي هو هبات جاتو ديك الإشاعة من الجنة وناس وخرج بفيديو ياكدها (واخا ممفارقين ما تا وزوة ) حيث نص المغرب عارف علاقتهم كيما قلتي ا بلال والعين والتابعة still my opinion tho
وشوف ليك الهدايا والحب والبكا ومستحيل نتفارقو وأحسن شخص فالحياة ديالي و و و و و وفلخر قالك متفاهمناش علي شي حوايج وتفارقنا. هذا ميساج لبنادم لكيبقا يبغي يعيش فحالهم داك الحب الزائف وأكثرية لبنات كتبقا تشوف دكشي كتقولك انا نستاهل هكا وكتر وكتولي تسنا من الشخص لمعاها فحال هدشي وكينساو الحب الحقيقي.
