اسلوبك سهل وجميل جدا علشان كدة عايزة منك تابلوهات الخشب تعملي فيديو او تقوليلي عليها اجيب الورقه الاستيكر والزقها علطول علي الخشب واحطلها ورنيش مايي وله كدة وخلاص وشكرا ليكي
تسلمي حبيبتي ويسلملي ذوقك .حاضر من عنيا هاعمل التابلوهات الخشب وينفع يتلزق عليها الاستيكر طبعا وبيبقي جميل بصي هي بتبقي بتلمع اكنك حاطة فيها ورنيش مائي وعايزة تحطي حطي عادي دي بتبقي طبقة حماية علشان التراب والمياة وكده وبيدي لمعة حلوة بصي انتي بتجيبي الخشب وبتحطي الصورة وتاخدي مقاس الصورة وبعد كده بتقطعي الخشب بالمنشار الأركيت او عند نجار وبتلزقي الصورة كويس وممكن كمان تلزق عليها استيكر شفاف من المكتبة بيديها شكل حلو أكنها عليها أزاز
حبيبتي بتجبيهم من برنامج بنترست وبتطبعيهم عند مكتبة تكون عندها طباعة ليزر .انا عاملة فيديو شرحة فيه الطريقة بالظبط من اول البرنامج لحد طباعة الصورة وقايلة فيه كل حاجة اتفرجي عليه في اجابة لكل الاسئلة ان شاء الله 😍
بصي الورق بتجبيه من برنامج علي جوجل بلاي اسمه بنترست هاتلاقيه مكتوب عليه حرف pباللون الاحمر هاتختاري الصور اللي عايزاها بس تكون جودتها حلوة والالوان واضحة هاتروحي مكتبة يكون عندها طباعة ليزر وهاتقوليلها عايزة اطبع الصور دي مقاس A4تقريبا بتبقي في حجم الورقة الفولسكاب ولو عايزاها اكبر هاتقوليله A3هايطبعهالك بالعدد اللي انتي عايزاه براحتك اللي من غير استيكر يعني مافيهاش لزق عملتها ب3.5 واللي فيها لزق منها فيها ودي بتبقي اسهل واحسن علشان بتبقي فيها لمعة كده وناعمة ودي طبعتها ب5جنيه وبتلزقيها علي كرتونة او ناصبيان بيتباع في المكتبة بردوا واللي من غير لزق بتلزقيها بالجلو اللي عامل زي زبدة الكاكاو وفي المكتبة بردوا بيبقي بخمسة جنيه .وحاضر ان شاء الله هاعمل حاجات جميلة لرمضان انا عاملة كام فيديو في رمضان اللي فات شوفيهم كده ان شاء الله يعجبوكي وعاملة تابلوهات بردوا لرمضان شوفيه كده في صور حلوة اوي ونورتيني ياجميل واتمني اكون وضحتلك كل حاجة
الصور بتتجاب من برنامج اسمه بنترست هاتلاقيه في جوجل ستور حرف p باللون الأحمر بتحملي الصورة وبتروحي بيها اي مكتبة بتطبع الصور دي وتقوليله عايزاها طباعه A4 ولو عايزة حجم اكبر هاتقوليله A3 بس وانتي بتختاري الصور اختاري جودتها تكون حلوة وواضحة الصورة الورق العادي اللي من غير استيكر عملتها ب3 جنيه واللي بالاستيكر يعني لزق منه فيه وبتلمع كده ب5جنيه
