تهربت من مشاعري رغم اني مستحيل اعطي أحد وعد وما اكون قد وعدي الا المره هذي عطيت وعد أني ماراح ابلك واني أساسًا ما اسوي كذا بس من مرارة الشعور تهربت منه بأني ابلك ! وفعلًا للحين مبلكة وما فكرت اشيله ابدًا وما قدرت اتخلص من شعوري
فعلا انا حبيت بس مرة ! بدايتها كانت من ٤ سنوات وشهور بسيطه ابتعدت عشان يلملم جروحه من حبه الاول رغم انه حبني بس عشان اتأكد ان حبه مو تغطيه فراغ ولا أكون بديله ولا ارضى بهالشيء واخترت نهايه للعلاقه ماتخليه يتسائل لين يلملم شتاته واجيه صح اني ماقلتله بهالصيغه الواضحه لكن شعوري كان واضح ماحبيت غيره سنوات اراقببه واتطمن من بعيد لبعيد بعد ٤ سنوات جيته لاحظت من مراقبتي له انه ماتخطي حبه الاول وبس الا حب ودخل علاقه ورا علاقه خيبات ورا خيبات بسبب اختياره الخطأ ! جيته رغم انه ماتذكرني الا اني وضحت له شعوري وعلمته وويوم جلسنا هالشهور مع بعض وحبني كنت ابلك واتردد وأخاف ! أخاف من كل معلومه تجيني لين وقفت عند نقطه وقلت البلوك والله مايتكرر وهذا وعد مني يا خالد وكنت عند وعدي ولازلت لين وصلنا لمفترق الطرق لتغيره بحجة انه منشغل وحياته معتفسه ولا يحب العاطفه والمشاعر والاهتمام هذا رغم ان كل شيء متوازن عندي لكن ما ادري وش عذره ولا بظلمه رغم وضوح كل شيء وارسلت له وفعلًا انهينا كل شيء بيننا لكن كلامه الاخير ما اقدر انساه ابدًا ابدًا كنت اكتب له رسايل نصيه كلها تناقضات مشاعر اذرف دموعي عليها يوم شفته يحس ويشوفها ويرد علي بالواتس ردود غريبه مالها اي معنى كنت اقوله انه سراب وفعلًا كان سراب مهما كان يقولي من اشياء مستحيل اكرهه وافهمه غلط كنت اعطيه اعذار قدام عين نفسي لكن اكتشفت اني صبيت هالمشاعر والاكتفاء والسنوات هذي على قل سنع كان اول حب ولايزال اول حب واخر حب الله يهديه لنفسه ويستر عليه❤️
