نحن في تلمسان يا أختي تخرج ب 4000 دج في الأسبوع ران دايرة البوصيبل باش نوفر ، عاونوني بالدعاء باش ندير دار لأولادي ران في دار الورثة كل من قرأ التعليق بالله عليك إدعولي 😐😐😐😊😊😊
والله ياختي ماشي ساهلة وين راهم مواد التنظيف والشمبوان والعطور ليزيبيس و القهوة تاع العشية يحبو حاجة قاطو ولا حتى وتحبي تخدميلهم في دار موسكتشو تصتقاملك قداوالبيض 250 للحبة وادواته المدرسية والدواء والمواصلات الخ الله المستعان و القليل مابقاتله عيشة في هد البلاد مشكورة على كل حال
سلامٌ على الطيّبين، الذين لا تجدهم إلّا في مواطِن الخير، الذين يحملون في أعماقهم قِيَمًا عزيزة وشِيَمًا كريمة، الكبيرون بأفعالهم وأقوالهم ومواقفهم، المُترفّعون عن الصغائر نُبلاً، الصامتون عن اللّغو ترفُّعًا، المؤمنون بأنّ الحياة رحلة لا يبقى منها إلا حُسن الأثر ٠
تقول طليتي على قلبي انا كنت نقضي بالشهر وراني نخمم نرجعها بسمانة وسبحان الله حتى نفس الميزانية الله يعطيك ويمنيك مي كاين بزاف صوالح نسيتيهم مثلا السميد والفرينة ولا خبز ولا لمجة الاطفال ولا كاش قاطو وحتى مواد التنظيف على هذيك لي درتيهم لي توفير مستخيل نوفرهم كاين بزاف مصاريف يومية مخبية
ليك وحشة والله انا أستاذة كيما نتي والله ماني نقعد مع الشغل وقراية الذراري ربي يكون في عوننا اجمعين ربي يحفظك ويخليلك وليداتك راكي منحية على قلوبنا والله نحبك من قلبي
اللهم صل وسلم وبارك على سيدنا محمد وعلى آله وصحبه اجمعين اللهم ارزقنا حسن الخاتمة اللهم آمين يارب العالمين اللهم اني ظلمت نفسي ظلما شديدا وان لم تغفر لي وترحمني لاكونن من الظالمين
السلام عليكم و رحمة الله.شكرا استاذة لمواضيعك المفيدة.حبيت نمدلكم تقسيمي لي متبعاتو مذ 5سنوات و لله الحمد. انا ام ل3اطفال و طفل واحد يستهلك ليكوش فقط. دايرا تقسيم 3ملاين تقريبا مليون تاع سوبيرات فيه كل شي 600الف احتياجات يومية (خبز و قازوز.. 400للحوم 400خضروات كل اسبوع100 600للزوج (مايدخن ما يشم اللهم بارك مرة على مرة يجي شهر ناقص قضيان و لي يتزايد منو نصدقوه مع العلم احيانا يصيد زوجي السمك و يكون فطور او عشاء الباقي من الشهرية نجمعه لتسديد الكراء مليون و نصف و 500الف باقية نخبيها ايذا كانت فاتورة نسددها بيها و مرض او ملابس و كاين احيانا زيادات فالاجرة تاني للملابس او النخبيوهم او امور اخرى ان شاء الله نكون افدت و رزقنا الله واياكم و بارك لنا جميعا
نزيد نفيدك بتقسيمي كيما فدتيني ظرف بيت الخزين مليون كل شهر نشري من الجملة اومو قهوة سكر وكي يتعمر بيت الخزين يروح لظرف الادخار ظرف قضيان الشهر 500الف سميد فرينة صانيبو زبدة جافال حوايج خفاف ظرف الاكل عندي فيه ثلاث اظرفة كل ظرف لمدة 10ايام فيه 500الف خبز وحليب وخضر ودجاجة وشوية بيض وياهورت ولا لمجة ظرف الطوارى 300الف ظرف الزوج 500الف ظرف المناسبات السنوية 500الف فيه كبش العيد رمضان لبسة العيد الدخول المدرسي
ما شاء الله عليك كلامك دواء وبلسم على القلب طاقتك الإيجابية توصلني حتى تدابيرك في بيتك تعجبني الله يبارك مام مرات تقتليني بالضحك ربي يحفظك ختي نتمنالك المزيد من التألق بنت بلادي
فيديوا مفيد يعطيك الصحه على هذا الموضوع و هذا النصاءح الراي لمليح مليح ولي رايه ماشي صالح يخسر حياته بيده انا دراهم زوجي منعرفهمش يعني هو كلش وميعرفش يصرف عامل عند روحوا بصح الحمد لله انا علمتوا يقتاصد ويقشف حابه نخرج من بيت الشيخ عندي اربع اطفال نحبه يعمل بيت قار لولادوا 15عام سكنا معاهم تعبت صراحه راني مضحيه قلتلوا نقص علينا حتى النفقه المهم كما قالي ولدي ماما نحبوا نعيشوا بسلام خلاصه القول المرأه الفحله تعرف تصرف خير الراجل الف مره ويارب سهل امورنا وامور كل واحد في قلبوا جاجه الله يحققهالوا يارب العالمين
ياختي أنا رايي أمشي بسياسة السامط يغلب القبيح يعني سمطي عليها بالمعاملة الطيبة وهمك غميه ياختي النمام وااااااعر والله ماتقدري عليها تخافي تلقاي روحك مصفية وحدك وتلقاي روحك انت وولادك منبوذين ياختي والله غير راهي تهدر معاك وحدة مجربة 💔خلي معاملتك مع الله والله خير الراحمين ويبقى رأي فقط وربي معاك يالعزيزة❤
@@fatipouma6144 حاجة باينة تضرك هاديك راهي أختك لحمك ودمك نورمالمو راها خي الكتف الحنين لي تسندي بيه روحك لكن قدر الله وما شاء فعل درك ربي. كشفها انا من رأيي المواجهة احسن من الهروب لأنك راح تمرضي بالتخمام واجهيها في البرتابل لا مقدرتيش في وجهها وفرغي قلبك وابكي لا جاتك البكيا متحكميهاش اختي عادي درك تحسي بتحسن ونقلك الغيرة هي لي خلاتها تهدر فيك
انا نقولك حاجة اديها عليا متعيشيش دور الضحية هاذي ختك هدرت عليك عندك خيارين الاول تواجهيها قدام لي حكات عليك معاهم وانا من وجهة نظري هذا ماش حل بيسك تكبر غير بيناتكم و سراركم يخرجو للناس والناس مترحمش الدم عمرو لا يولي ماء والحل الثاني تديري روحك ماش سامعة و تتعاملي معاها ومع اي واحد كيفكيف يعني تتعاملي على حسب واش قال ربي تحسني ليها و متحكيش فيها واكيد متخليهاش توصلك في وجهك وادعيلها ربي يهديها ويصلحها يجي نهار يا تولي للطريق يا ربي يفضحها متخافيش بصح هاذي الحاجة تولي ليك انت لازم تنحيها من راسك و تقوي شخصيتك حاجة ماش دايرتها منخافش كي يحكو يقولو فيا انا مفياش ول خرجتلك اسرارك ديري روحك ماش حكاياتك و ميهموش الاسرار لي في دارك والحكايات الجدد ميتحكاوش لحتى انسان زعفتي فرغي قلبك في سجادتك الشكوى لغير الله مذلة متقولي حتى واحد حبيب ربي هو لي يفرج
ديما يا لحنونة كلامك عسل علا القلب وشحال نبغيك وشحال نبغييك عندك الحق في كل كلمة قليتيها وشكرا على هذا الفيديو المفييد ربي يحفضك ويباركلك في حياتك إنشاء الله ♥️😘
السردين راهي1000 كلش راه غالي يااختي راكي تهدري على عاءلة في 2برك وقت فات صح نقدري تقتاصدي لكن اليوم من الحال تكملي الشهر بالشهرية والي مايخدمش مانهدروش عليه ياحليل ومانزيدوش نهدرو ...؟؟؟
ياختى انا عندي بنتين 15و13 وانا والزوج مطبخ وابنته وولدين شباب مطبخ وهو الذي يتصرف كل يوم يجيب ويقضي أحيانا عندو 300 في اليوم خضر حتى المتزوج يجي يدى يعمر القفة ويدى وزوجته مدامة كيف الحل وداىما الدين مع الكريدى تاع الحانوت والكهرباء17000 كيف الحل وانا داىما نخلص الفطورة يعني معندى حتى حق في سهرية راجلى ذهبي بعتو لما نستحق حاجة لبسة ولاللمطبخ ادوات نبيع 😢 ماهو الحل في نضرك
