بغيت نصحح واحد الكلمة قلتيها "الله كيخلق الصدف" اول حاجة من يؤمن بالصدفة يكفر بالاله حيت هذاك قدر ماشي صدفة حيت كاينين ناس ردوا خلق الكون كلو لصدفة وهذا كفر نتمنى توصلك المعلومة
الله كيخلق الصدف فعلا سير تقرأ على راسك الصدف مفهوم بشري حيت البشر ما عارفش علاش كاين الشبه ولكن الله مدبرو بالعلم ديالو يعني الله كيخلق الصدف وكنقولو سبحان الله، سكتنا
Ana 5la9t nhar 25/08.. O nhar li 9arert nezwej.. Zwejt nhar 25/08.. Maxi hadi hiya sodfa.. Sodfa hiya mn ba3d 4 ans ktaxeft blli walidin dyali zewjo f nefss nhar 25/08
تانا وقعات لي صدفة ميمكنش كنت شحال هادي كنعرف واحد لبنت فلسطين في 2016 كنت ديك ساعة ارمي او كنا كنهدرو مي من تما مابقيت هضرت معاها ولبارح جاتني فبالي قلت اجي نسول فيها نقلب على فيس ديالها نشوف كي غادا مع الحر*ب او مشات من بالي او لبارح لقيتها مسيفطا ليا انفيطاسيو او ميساج بلي توحشاتني او تفكراتني والله
Wahed nhar kounte na3sa w hlemte b wahed deri 3emrni cheftou kan fransawi w smiytou ali w kounte ze3ma mzewja bihe sf mora mafe9te khrejte w ana nchouf nefse deri w hta houwa fransawi w nefse lhawayeg li cheft f lhelma kan labshoum fach cheftou b9ite chi mesdouma w ana mt2kda bli houwa nefsou w wlah makankdeb
3andi hta ana sodfa w ma 3arfch wach nssemiha sodfa - fach kont sghir , hadi kter mn 16ans , kont hrebt mn dar w ma kan hta chi sabab bach nhreb, ghir tme3 d lflous kaybanli nmchi l dak blassa x w ndir labas w nbda ma vie a zero. F tri9 3ad 3a9o mes parents khrejt f merra w manrje3ch. Sonawli w ma bghitch njawb , w wlaw sonaw w ma jawbtch, tfit tlf w wla sona, zwelt batterie w wla sona. Safi temak 3reftha signe . Ghir wsselt l dik blassa w ana nrje3 l dar. 3reftha hadik machi tri9i w khass nrje3. W ahssen khtiyar dert .
hadi ghadi tcoun w93at l bsaf dnas , fach kan 3mri 11 , hlmt b wahd l hadat , ou ba3d 3am , l3it ana dic l hadat li hlmt bih t3awd bsaf dlmarat f dik l3am nfsou ou f nfs lw9ita ou b tafasil , hitach kanchouf ana dic chi li w9a3 fayt chftou wahd l mara , ou b9a hadchi ras5 li fdmaghi tal db 20 3am .
تناسخ الأرواح عقيدة وثنية باطنية هندوسية من آمن بها فقد كفر. فكل روح متعلقة بصاحبها وتبقى معه حتى يلقى الله عز وجل فإما إلى الجنة أو إلى النار ومن قال غير هذا فهو كافر زنديق .
واحد المصادفة طرات ليا غا شي جوج سيمانات قبل كنت ناعس حلمت دري صاحبي جا لعندي لمينة ليفيها وحلمت بلي شكا عليا انه باغي اطلق مرتو (انا ماكنتش عندي حتى فكرة على العلاقة ديالو مع مرتو بتاتا) اوا ملي فقت كانلقاه كاتب ليا ميساج فالواتساب كاتب ليا فيه بلي غايجي ملي جا من بعد يومين عاود ليا بلي باغي اطلق او كانزيد ناكد ليكم بلي ماعمرو عاود ليا على مرتو قبل او ماعارف حتى وجها كيداير!!!
من اغرب الصدف لي طرات ليا واحد نهار فصيف مشيت نتبحر وكنت غنغرق داك نهار وعدقوني الناس مهم داز عليا اخيب نهار فحياتي حيت كنت غنموت فاش رجعت حليت تيليفوني دخلت لتيكيلݣرام دخلت لواحد القناة كيبانليا اول ميساج فيها هو (كيف كان شعور الغرق ايها الناجئ) تما شداتني واحد تبوريشة منعاودش ليكم
واحد المرة كنت خارجة من الخدمة و طالع ليا الدم حاقدة تاع بصح كان عندي مشكل في الخدمة و مع واحد خوتنا بغاو يلصقو فيا مونتيف و انا بلعكس خدمتي متقونة (مهم بضبط مشكل متعلق ب المحاسبة هاذ دومين فيه غير المشاكيل) مهم نكمل ليكم غادا فطريق حتا كتوقف عليا واحد المرا مافحالهاش كيما كنقولو بوهالية قالتلي بنتي مولاها ربي حق راه غادي يبان و متقلقيش راسك و عوني ميمتك باش ما سخاك الله انا فالأول بقيت مصدومة كنقول فراسي و باش عرفات شوية كنقول وقيلة حيت كتبان فيا مقلقة صافي حليت بزطامي عطيتها 5دراهم قاتلي 5 دراهم اوا ابني الله يخلف عليك و ان شاء الله مع 5 العشية تجيك خبار الخير صافي انا كملت طريقي مشيت لداري كملت نهاري عادي شوية كنسمع التيليفون كيسوني كنهز راسي فالساعة كنشوف 5 شداتني تبوريشة مع الخلعة مع الصدمة حيت نمرة كانت ديال المسؤل ديالي حتا كيفرحني و كيقول ليا راه مشكل تحل و ماشي مني مشكل مهم قلت حمد الله و بقيت كنقول سبحان الله ومصدومة وكنتفكر هدرت المرة البوهالية و هاتشي لي وقعلي في نفس الساعة لي قالت ليا لدابا مزال منسيتش هاتشي كيحبس لعقل بزاف على صدفة
واحد المرة كنت كنتفرج فناروتو و مع ساليت واحد الحلقة دخلت مباشرة لأنستغرام و لقيت واحد السيد كيدوي على نفس ديك الحلقة لي يلاه كملتها مكملاش تا دقيقة مع العلم أن ناروتو فيه كتر من 700 حلقة
واليد ديالي توفى مدة طويلة هادي و دايما كيكون فبالي و كنت خايفه تمشي صورة ديالو من عقلي فواحد نهار وانا راجعه من مدراسه وغادا و ساهيه سمعت واحد صوت كيعيط على شي واحد بحال سميت بابا وملي هزيت عيني لقيت واحد شخص بحال بابا بضبط نفس لبسو نفس طولتو تقريبا نفس صوتو لدرجه انني واحد لحظة صحبتو بابا و فديك ليلة حلمت بواليد ديالي و صراحه كنشوف بلي هادي احسن صدفه طرات ليا و خففات عليا شويا
فاش كنت صغير كانت عندي واحد الكورة صغيرة كنلعب بها , واحد النهار في العشية و أنا كنلعب ضيعتها . عييت نقلب والو واش جبرتها ، بقا فيا الحال بزاف أبقيت كنفكر فيها حتى نعست أفنفس اليلة حلمت بالكورة فين مشات فاش ضربتها أفين وقفات أفين كاينا بالضبط , إوا فقت فصباح مشيت مباشرة نفس البلاصة لي حلمة بها أأأأأأأأأ جبرتها 🫥🫥
واحد نهار كنت خرجت انا أو ماما أو خوتي نمرجان او طلاقنا واحد المرا نسرانية عندا جوج ديال دراري توأم فقالت ماما ليها تبرك الله او جوبات المرا قالت ليها عربي شويا يعني مكتعرفش تهدار بالعربية هادشي وقع فالصباح او فالاعشيا خروجنا نواحد المطعم فتلاقينا مع نفس المرا بصارحة هدي هي أغرب صدف وقعتلي فحياتي 😂❤
أقسم بألله عاقلينا منين كان كيضرب البرق وجات وحد العاصفة ديك ساعة مشيت سطح وقلت بوحد صوت مجهد {اسيدي ربي الى كمتي كتبغيني دير شي إشارة} وأقسم بالله أخوتي يحتا ضرب البرق بواحد صوت مجهد ولله ما كنكدب🫂🌷
صارحة هادشي لي وقعلي مزال ملقيتش ليه تفسير ليومنا هدا واحد نهار كنت في دار بوحدي انا وختي و درنا مشو السوق مهم مشينا انا وختي كلسنا في البلكون و فاش كنا كلسين بانت ليا ماما طلعة في زنقة و قلت لختي شوفي ماما رها طلعة و شفتها ختي وبقينا كنتسنوها طلع باش نحلوا ليها الباب وخا كنا مستغربين علاش جيا بحدها حيت مشات مع خوتي و بابا السوق مهم قلنا معليش يمكن تكون نسات شيحاجة بقينا كنتسنو حت شيحد مدق و خرجت طليت ملقيت حت وحد قلت الختي وقيلا مشات و رجعات عود مهم حكرناش صارحة ولكن الصدمة انهم فاش رجعوا قولنا لماما علاش فاش رجعتي مدقتيش الباب قالت لينا بلي انا مرجعتش كاع مهم بقينا مصدومين حيت داك شي لي شفنا لبس نفس حويج ماما و هز نفس ساك و فاش كانت طلعة شافت فينة و دازت كون غير شفتوا بحدي نقدر نقول بلي غير توهمت ولكن انا وختي بجوج شفنا نفس الحاجة
أنا من كازا كنت كنقرا ففاس وكنت معاشر مع واحد الدري كيقرا معايا سالينا القرايا رجعت خدمت فكازا، واحد النهار جالس ماعليا مابيا فالخدمة، جالسة حدايا واحد البنت سطاج، دورات ليا البيسي ديالها وقالت ليا واش كتعرف هذا، كانت محادثة بالفيسبوك مع داك خونا للي كان كيقرى معايا ففاس سولاتو واش كتعرف شي واحد فكازا قال لها كنعرف واحد قرا معايا… وقالت له راه جالس حدايا ( هو تعرف عليها فالناضور فالصيف اللي قبل)، ماتيقتش فاللول يصحابني غي مطلعاها عليا حتى هدرت معاه فالتيلفون
شحال هدا تكون عندي شي 17 لعام او فصيف كنت فلبلاد او كانت عدنا دارنا تم او فيها قمة لملل ديال لملل او كنت كلسا انا وختي قدام لباب كتليها ماكرهتش كون دارنا جاو تجمعو فيها كاع عمامي او خوالي او ولادهم غير باش مانحسوش بداك لملل .فداك صيف نيت جدي كان مات (فاش كنكوليك صيف يعني راه غاشي شهرين د العطلة) او عمرات دار عدنا بالعائلة كاملة داز لوقت او فينما كنتفكرها كتشدني تبوريشة ( مع العلم انه ماكنتش عرفا بتاتا انه جدي كان مريض كاع لانه كان ساكن فمدينة خرا ولكن تدفن فلبلاد دعيو معاه برحمة 😢)
مهم ما كنضنش ان هدشي صدفة هذا قضاء الله وقدره حيتاش تأنا كنقول راه غتوقع شي حاجة و كنلقاها و قعات مثلا واحد نهار كنت فزنقة انا و صاحبتي و قلت ليها تخيلي نتلاقاو مع واحد الشخص و حنا نتلاقاو معاه وخا داك الشخص ماكيسكونش فديك البلاصة و من كثرت ماكيوقعوليا هذا المواقف صحاباتي و لاو كيݣولو ليا ما تخيليش حيتاش داكشي لي كتگولي كيوقع😂
واحد النهار كنا غادين انا و دراري صحابي و الشمس كانت مطنطنا وهو يگولينا صاحبنا الشتا غاتصب دابا وفعلا مع گالها و هي تغبر ديك الشمس و صبات الشتا خيط من السما اقسم بالله 😂😂😂😂😂😂
Sodfa li trat liya ana ktbourchni , ana wahed nhar hlemt bli knt kharja m3a l3a2ila lbher ou dkhelt lbher n3om ou ghre9t flbher wlkn faj2a 9dert nkhrej ou mghre9tch ou mn b3dha bchi ayam nsit had lholm ou dazt moda 9lila ou mchina m3a l3a2ila lbher ou min dkhelt n3om kant hofra flbher ou ghre9t mais ou9sim billah ila fj2atan 9dert n3te9 rasi ou mkhfetch wlh mkheft ga3 ou khrejt ou b9it msdoma ou mn be3d chi ayam wana ntfker lholm ou b9it ghi msdoma bit ntsta hh wlkn wlh l3adim ila hadchi bsh li glt ou ana nit msdoma
Ana lwalid dyali kan khdali tele jdid b chekk f chehar 5/2022 o matt f 9/6/2022 o mnin mchina nkhalsso dak chekk l9ina f dak chek mktoba 9/6/2022💔 3rafti tleftt