من أورع القضايا التي طرحها هذا البرنامج بس السؤال اللي محيرني هل فعلا هذه القضايا حصلت بالفعل على أرض الواقع أم أنها مجرد خيال كاتب ؟ لانه قبل مدة عملت بحث عن قصة الامير الهندي كومار وكانت قصتة ضرب من الخيال وبما انه أمير وشخصية مشهورة فمن المؤكد ان يتذكر التاريخ واقعته الغريبة بس تفاجئت ان محرك البحث لم يجد أي موضوع يخص هذه القضية مما جعلني اشكك في مصداقية تلك القضايا وأرجح أنها من مخيلة الكاتب !
عادة المؤلف ممكن ياخد من الحقيقة وينسبها لنفسه .. بس طالما قال أن الفكرة حقيقية بتبقى حقيقية .. مش بالضرورة تكون حصلت بنفس الشخصيات .. واضح طبعا من الحلقات أنه بيتم طمس معالم الأبطال الحقيقيين أما موضوع الإنترنت ومحرك البحث فده مش مقياس .. لا كل الحقائق موجودة على الإنترنت ولا كل اللي على الإنترنت حقائق اللي بيكتبوا على الإنترنت ناس عاديين زيهم زيك مع فارق بسيط أن غالبيتهم بيكتبوا بدافع الشهرة والربح من الإعلانات فبيكتبوا في الموضوعات اللي عليها نسب بحث كبيرة أو الموضوعات اللي تجذب القراء وسرد تفاصيل جريمة حصلت من 60 سنة مش موضوع شيق ولا مربح وكثير جدا من المعلومات القيمة بتكون غير موجودة على الإنترنت .. بس ممكن تلاقيها في فيلم وثائقي بيحكي نفس التفاصيل مع وجود اختلافات في أسلوب السرد والأسماء .. وممكن تلاقيها في كتب التاريخ أو في المقررات الدراسية للطلاب في مجال علم الجريمة
والمؤكد أن التفاصيل اللي بيرويها الكاتب هي التفاصيل من وجهة نظر الشرطة والمباحث .. ومش بالضرورة يكون المجرم في الحلقة هو فعلا المجرم الحقيقي .. وكذلك البريء في الحلقة مش شرط يكون فعلا كان بريء في الحقيقة .. وكذلك أيضا مش كل اللي حصل تم ذكره التاريخ يكتبه الأقوى .. ولو سمعت الحادثة من وجهة نظر أخرى هتسمع تفاصيل أخرى
دلوقتي في أفلام وثائقية على غرار ما يتم إذاعته على قناة ناشونال جيو جرافيك بس المؤسف أن جميع هذه الأعمال تكون من وجهة نظر واحدة وغير محايدة مثلا إذا تعلق الأمر بطرف آخر غير أمريكي أو غير غربي يتم شيطنته بشكل واضح