في هذا الفيديو عرضت عشرة حكايات عالمية غريبة ، استمتع ! عندي حسابات على انستقرام وتويتر وتيكتوك وكلهن بهذا الاسم : @PLSULL 😍🫡 وهذا ايميلي للتواصل: zyad.tawasul@gmail.com . . . . . لا تدخل الغرفه الصغيرة
@@Ali_ali_Fu عزيزي علي المدرعم والنور طافي المؤلفة اللي سوت الرواية كتبتها زي كيذا عشان الاطفال كان وجيههم سود من الدخان اللي كانو ينظفونه وكان يفتك فيهم موب عشانهم افارقة 😉
@@PLSULLبس أكو سؤال الاديب عبد الكريم الجهيمان هو السفر الى اوروبا اضن أن الاساطير والقصص الاوروبيه وحولها الى عربيه وكتبها في كتابه اساطير من قلب الجزيرة العربية صحيح ✅
ذكرتني برضو ب عبدالله الطيب .. ما كنت اعرفه الا لمن قريت كتابه و انا صغيرة "الاحاجي السودانية " ،، جال العديد من ولايات السودان و جمع قصص الحبوبات "الجدات" و اساطيرهم الي بنسميها أحاجي و مفردها حجوة ،، احساس جدا جميل لمن تكون الحجوة مرتبطة بطفولتك و خوفك من الغول و زعلك على فاطمة السمحة و حضن حبوبة و جدو .. و قعدة الحوش و الجو الجميل بالليل ❤❤
قصة هانسل وجريتل محاكاة لواقع حصل في بعض دول اوروبا، لما صابهم الجفاف وقلت المحاصيل، كان في اهالي يرمون ابناءهم على امل يموتون موت سريع بالغابة (وبعض الحالات كانوا ياكلون عيالهم). اما نهاية القصة الاصلية ان زوجة الاب تموت من الجوع، وهم يرجعون لابوهم.
اول مرة اعلق باليوتيوب من سنين انت اسطورة ، رهيب ، فنان ، عظيم ، خيالي ، ممتع اعقد درس بالفيزياء بأسلوبك يصير امتع من افضل فلم استمر يا اسطورة الاساطير ولا تتاخر علينا بالمقاطع 🫡🫡🫡🫡
31:22 بما انك مهتم بحكيلك القصة حقت الرجل ذو اللحية الزرقاء الي انا سمعتها وكانت غير عن حقتك بتفاصيل واجدددد وبسم الله نبدا✨: تحكي الحكاية عن قرية مطلة على الغابة وكانو اكثر النساء جميلات جدا في هذي القرية وكان دايما يختفون ذولي البنات ومحد يعرف كيف او ليش وفجأة في احد الايام رجل عجوز ومشرد يحمل سلة كبيرة حدا على ظهره مر على وحدة من بيوت ذي القرية وكان فيها ٣بنات جميلات جدا وفتحت له الباب الاخت الكبيرة وطلبها المشرد ان تعطيه كسرة خبز لانه جوعان وراحت فعلا واعطته الخبز وبمجرد ما ان تلامست يدينهم دخلت البنت بشكل سحري الى السلة واخذها معاه في الغابة الين ماوصلو الى قصر ضخم وكبير وجميل وورجع تحول الى شاب عادي وقالها انه اعجبته ويبي يتزوجها وراح يعطيها كل املاكه وسكنت معاه البنت وكانت كل غرفة تدخلها تلقى فيه من ذا الذهب والالماس والياقوت والزمرد الين ماجا يوم قرر الرجال انه يكلع من البيت وعطاها بيضة وسلسة مفاتيح وقالها:امسكي هذي البيضة لو ايش لاتطيحينها ابدا ابدا ابدا وهذي مفاتيح لجميع غرف القصر كاملة ادخلي فيها والي يعجبك خذيه لكي وتمشي وانبسطي لكن مهما صار لاتدخلين الغرفة في اخر الرواق . استغربت البنت لكنها وعدته انها مابتدخلها وراح الرجال وسوت رحلة لدبل القصر و وصلت الى ذي الغرفة وقالت غرفة مثل جميع الغرف ليش ما افتحها واشوفها؟ هممم يله نفتحها (ذا اول اغبى قرار سوته) وفعلا دخلت وانصدمت لان الغرفة كانت عبارة عن جثث بنات القرية الي كانو يختفون ولا احد يعرف ليش او كيف وكانت اجسامهم معلقة على الجدران و روؤسهم مقطوعة ومحطوطة في قدر كبير بنص الغرفة والبنت من الخوف طيحت البيضة(ثاني اغبى شي سوته) ولما استوعبت ان الساحر زفت الطين بيجي بسرعة شالت البيضة وسكرت الغرفة و لاحظت ان البيضة صار فيها بقعة حمراء كنها دم ماتنمسح ابدا حاولت تنظفها حاولت حاولت لكن مافي اي فايدة مستحيل يروح وبعدها جا الساحر بكل هدوء طلبها المفاتيح والبيضة وقام يتفحص البيضة وشاف البقعة وقالها: اجل دخلتي الغرفة الي حذرتك ماتدخلينها الحين غصبت عنك بتدخلينها جثة ! وقطع راسها وحطه بل القدر وعلق جثتها ورجع مرة ثانية لنفس البيت وصار نفس الشي مع البنت الوسطانية نسخ لصق ورجع مرة ثالثة وخذا البنت الصغيرة والي كانت اذكى وحدة من بينهم وجا اختبار الساحر عطاها بيضة ومفتاح ولما راح البنت الذكية حطت البيضة على وسادة بدال لا تتمشى فيها وراحت للغرفة في اخر الرواق وانصدمت وهي تشوف جثث اخواتها الكبار معلقة وكانت تبكي بشدة وقالت لازم ارجعهم زي ماكانو وخذت روؤسهم وحطتها على اجسادهم وصار شي عجيب ! رجعو للحياة ! وحضنو بعض وانبسطو وفرحو وقالت البنت الصغيرة : مافي وقت الساحر ب اي لحظة بيرجع وانا عندي خطة عشان ارجعكم للبيت وراحت خذت سلة الساحر الكبيرة وحطت فيها اخواتها وحطت الكثيررر من الذهب والالماس والمجوهرات وقالت لهم: لما ترجعون للبيت ارسلو لي المساعدة وانا بلهي الساحر الين ماتجون. ورجع الساحر وطلب منها البيضة والمفتاح وتفحص البيضة ماكان فيها شي ابتسم وقال : نجحتي بل الاختبار . والان ماصار له اي سلطة على هذي البنت وصار خادمها و واجب عليه يخدمها الى اخر حياته واي طلب تطلبه بيتنفذ ؛ وقالها:الحين اي شي تطلبينه بحققه لك . فطلبت منه البنت ان يودي السلة الي كانت معبيتها الى بيت اهلها وشرط انها مايستريح ولا لحظة ولا يوقف مشي ابدا وعلمته انها بتشوف من دريشة القصر وبتدري اذا وقف او لا وهي بتجهز حفلة زفافهم وتنتظره . وطلع الساحر ومعه السلة وكانت ثقيلة عليه وكل ما وقف يسمع صوت(لاتوقف انا مو قلت لك لاتوقف أبدا؟) وفعلا كمل الين وصل نص الطريق وجلس يرتاح وبرضو سمع صوت يقوله(اشوف يا الهيس الاربد كمل انا ماقلت لك لاتوقف وتستريح؟؟) وكان خايف ويقول معقولة تقدر تشوفني من ذا البعد؟ طبعا كان الي يتكلم هم اخوات البنت في الصندوق وكل ماحسو انه وقف قالو له كمل وفعلا وصلهم للبيت واول ماراح علمو اهاليهم واهل القرية عن الساحر وان اختهم الصغيرة بحاجة للمساعدة ؛ والبنت الصغيرة من الجهة الاخرى في القصر اخذت وحدة من الجثث وحطت عليها راس ولبستها لبس زفاف و كشختها وحطتها عند النافذة حقت القصر وبعدها اخذت عسل وغطت نفسها فيه وبعدها عبت جسمها ريش وطلع شكلها كانه طائر غريب ومرعب💀 وجا الساحر لباب القصر وشاف ذا الطائر الغريب يستناه عند باب قصرهم وماعرف انها زوجته وقالها: من انت؟ قالت لها انا صديقة العروس وقالها وين عروستي؟ قالت عروستك هناك تلوح لك من نافذة القصر وفعلا لما شاف النافذة وما ادرك انها جثة ويحسبها زوجته وجالسة تسلم عليه ف سلم عليها ودخل هو و اخوياه السحرة للعرس وجو اهل البنت الصغيرة وعيال عمها وقالت لهم انهم كلهم متجمعين في القصر وقررو يحرقون القصر بكل شي فيه عشان يرتاحون اهل القرية من ذا الساحر ومن اخوياه السحرة وبكذا تكون البنت الصغيرة انقذت اخواتها وجميع فتيات القرية بفضل ذكائها الشديد . اتمنى انك استمعت مرة زي ماتخليني سعيدة ومبسوطة ولو قريتها كلها ارجوك حط لي قلب 🥹🥹🥹
@@bakormohmd8139اتفق و خصيصا قصة الأمير ذو المنقار و عازف المزمار و ثياب الامبراطور الجديدة. مع أنه في قصص مالها فايدة مثل قصة الأميرة و الضفدع و القداحة السحرية اللي هي مثل ما قال مسروقة من علاء الدين و علي بابا بس على أسوأ و على الفاضي.
فعلاً انسان يتعب جداً على محتواه، مقطع جداً جميل اهنيك والله، والذبات رهيبه 😂 ، بعض الاحيان تكون القصه اصلاً غير ممتعه لكن مع القاءك والذبات الي تضيفها تنسى سوء القصه حرفياً. وعن نفسي صراحتاً اعشق الجو الكلاسيكي، واغلب القصص هنا غمرها هذا الجو. ❤
شكراً زياد على هذا المقطع، الاخوين غريم والالمان بشكل عام لهم فضل كبير في وضع اساسيات توثيق التراث غير المادي والفولكلور بعد ان بدأ بها تاسيوس الروماني في كتاب جرمانيا، فلهلم وجيكوب غريم جمعو التراث القصصي الالماني لدرجة كان جيكوب يقول ان كل القصص عالمياً اصلها هندي آري وسميت بالمدرسة الاسطورية، لكن كان لهم الفضل بعد الله في وضع الاسس العلمية لتوثيق القصص والحكايات واللي صارت اسس علمية لتوثيق التراث غير المادي بشكل عام
الله يعطيك العافية ذكرتنا بالزمن الجميل .. بالنسبة للتشابه بين قصة الفقمة والحمامة، يوجد تشابه ثالث أيضاً نفس الفكرة والمبدأ. في قصة ربما تكون من قصص ألف ليلة وليلة اسمها "جانشاه". لم أقرأها، لكنها كانت أحد قصص البرنامج الإذاعي المصري القديم "ألف ليلة وليلة"
ومعظمهم بيزوجوهم في القصةمن الوحش العفريت البشع ..عكل حال القصص كلها غبية لا منطق ولا عبرة بس تفاهة.. وبنحكي عن التفاهة بزماننا، باين من هالقصص أن التفاهة ممتدة عبر العصور.
ماشاء الله أُحيي فيك وفرة المعلومات واستقاؤها من مصادرها، كتاب أساطير شعبية ماكنت أعرف عنه شيء وأراه ثروة أدبية في جمع القصص الشعبية وحبيت ربطه بموضوع الفيديو، كل شيء رهيب في القناة من مونتاج وصور وأداء رهيب، مجهود كبير تُشكر عليه
الفيديو رائع جددداً وسردك للقصص كان مره ممتع واحسني ابغا زياده :)👌🏻🔥 احلى شيء اني اتذكر بعض من هذي القصص بس بروايات واحداث مختلفة سمعتها في صغري وصرت متحمسه اقرا عنهم اكثر وخاصتاً القصص الي في كتاب اساطير شعبية. 26:39 بالنسبه لهذي القصة, علطول تذكرت ان فيه فلم انيميشن جداً جميل اسمه Song of the Sea فيه نفس فكرة القصة هذي واتوقع انها مستوحاه منها! انصح الكل بالفلم هذا، ستايل الانميشن الي فيه مريح وساحري والقصه عميقة وفيها فقمات حلوين ما يخوفون 🦭🌊🤣
من أكثر من 25سنه وانا أبحث عن كتاب أساطير شعبية ولم أعرف أسمه الكامل بحثت عنه في عده مكتبات ولم أجده .. إلين ظهر الكتاب في القصة ..أشكرك على هذة الفائدة وأخيراً عرفت إسم الكتاب كامل ..أساطير شعبية من قلب جزيرة العرب ...شكراً من القلب مع الإعجاب والإشتراك في قناتك الرائعة..❤
هههههههههههههههههههههههههههههه 22:30 هههههههه تعالي باااااااااس .......... قالت له : انا مش بتاعت الكلام ده بس الرجال ملززم هههههههههههههههههه ما قصرت والله ابدعت
